16:06 07.11.2018
ՀՀ առողջապահության նախարարի պաշտոնակատար Արսեն Թորոսյանը նոյեմբերի 7-ին խորհրդարանում լրագրողների հետ զրույցում նշեց, որ արտահերթ խորհրդարանական ընտրություններին որպես ռեյտինգային թեկնածու առաջադրվելու է թիվ 4 ընտրատարածքում, որը ներառում է Նորք-Մարաշ, Կենտրոն, էրեբունի, Նուբարաշեն համայնքները:
Թորոսյանն ասաց, որ պատրաստ է ընտրություններից հետո շարունակել պաշտոնավարել իբրև առողջապահության նախարար: Նա ասաց, որ առաջադրվել է «Քաղաքացիական պայմանագրին» շատ ձայներ բերելու համար, իսկ ընտրություններից հետո արդեն կորոշվի, թե ով է պաշտոնավարում ԱԺ-ում, ով` կառավարությունում:
Թորոսյանն ասաց, որ ընտրողներին ներկայացնելու են իրենց մոտեցումները, աշխատանքը, ծրագրերը: Հարցին` ինչպե՞ս են ձայն հավաքելու, նա արձագանքեց.
«Հաստատ ոչ ընտրակաշառքով»:
Լրագրողները հետաքրքրվեցին` իր պաշտոնավարման շրջանում ի՞նչ շրջադարձային փոփոխություն է արվել ոլորտում, ինչին նա պատասխանեց.
«Շրջադարձային գնահատականը տալը հարաբերական է, շրջադարձային չի եղել, բայց էական փոփոխություններ եղել են, որոնք շարունակական են լինելու»:
Թորոսյանին հիշեցրին` մշակույթի նախարարի պաշտոնակատարն ասել է, որ 30 տարվա վաղեմության խնդիր է լուծել, դրա համար իրեն պետք է ձայն տան, ապա հետաքրքրվեցին` ինքը քանի՞ տարվա վաղեմության խնդիր է լուծել:
«Ես էլ` 28»,- կատակեց նա:
Հարցին` քանի՞ քվե կարող է բերել «Քաղաքացիական պայմանագիր» կուսակցությանը, Թորոսյանը դժվարացավ պատասխանել, նշեց, որ դա պարզ կլինի դեկտեմբերի 10-ին: Լրագրողներին հետաքրքրում էր` արդյո՞ք բուժհիմնարկների ղեկավարներն իրենց աջակցությունը հայտնել են իրեն՝ իբրև ռեյտինգային թեկնածուի:
«Դա միայն ինձ չէ, մեր նոր Հայաստանին է վերաբերում, ադմինիստրատիվ ռեսուրսի օգտագործումը և չարաշահումը տեղ չունի և պետք է չունենա որևէ ընտրության ժամանակ: Նոր Հայաստանում պետք է որոշիչ լինի միայն քաղաքացու ձայնը, որը պետք է լինի տեղեկացված կուսակցությունների և թեկնածուների ծրագրերի մասին, որոշման կայացման վրա այլ գործոններ պետք է չազդեն»,- ասաց նա:
Թորոսյանին հիշեցրին` քանի որ պայքարում է ծխելու դեմ, ծխողներն իրեն ձայն չեն տա, ինչին նա պատասխանեց, որ ամենից շատ ծխողներն են շահելու, որովհետև ավելի առողջ են դառնալու:
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
20:10 19.04.2025
Իրանի ԱԳ նախարարը բացահայտել է ԱՄՆ-ի հետ բանակցությունների մանրամասներըԻրանի հետ բանակցություններում Միացյալ Նահանգները իրանական միջուկային ծրագրից դուրս հարցեր չբարձրացրեց, և Թեհրանը Վաշինգտոնին ասաց, որ ոչ միջուկային հարցերը չեն ընդունվի, իրանական Tasnim լրատվական գործակալությանը ասել է Իրանի արտգործնախարար Աբբաս Արաղչին Հռոմում Թեհրանի և Վաշինգտոնի միջև բանակցություններից հետո: Շաբաթ օրը Իտալիայի մայրաքաղաքում կայացել է Իրանի և ԱՄՆ-ի բանակցությունների երկրորդ փուլը՝ Օմանի արտգործնախարարության ղեկավարի միջնորդությամբ։ Երրորդ […] ...
