Առաջին անգամ Հայաստանում կստեղծվի կոռուպցիայի կանխարգելման մարմին. Սուրեն Քրմոյան – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
05 04 2025
  • $
    391.22
  • RUBLE
    4.63
  • 431.28
WEATHER
+13.09 oC

Առաջին անգամ Հայաստանում կստեղծվի կոռուպցիայի կանխարգելման մարմին. Սուրեն Քրմոյան

12:29 26.10.2018

«Ներկայումս Հայաստանում ստեղծված են բարենպաստ պայմաններ կոռուպցիայի բացահայտման համար»,- հոկտեմբերի 26-ին նման կարծիք հայտնեց ՀՀ արդարադատության նախարարի տեղակալի պաշտոնակատար Սուրեն Քրմոյանը: Կայացած ասուլիսի ժամանակ ներկայացվել են նաև Ստամբուլի հակակոռուպցիոն գործողությունների ծրագրի մոնիթորինգի 4-րդ փուլի վերաբերյալ զեկույցի որոշ տվյալներ, իսկ առավել մանրամասն այն կհրապարակվի առաջիկայում: Զեկույցի համար Հայաստանում աշխատել են 10 միջազգային փորձագետներ, այդ թվում՝ դատախազներ ու դատավորներ:

Սուրեն Քրմոյանը, ներկայացնելով վերջին շրջանում հակակոռուպցիոն պայքարին ուղղված միջոցառումներն ու նվաճումները, նշեց, որ  կոռուպցիայի դեմ պայքարում Հայաստանը համագործակցում է մի շարջ միջազգային կազմակերպությունների հետ, մասնակցում մի շարք հակակոռուպցիոն նախաձեռնությունների:

«Մշակվել են մի շարք կարևորագույն օրենքներ. հանրային ծառայության ոլորտի օրենսդրություն, քաղաքացիական ծառայության ոլորտի օրենսդրություն, էթիկայի և շահերի բախման ոլորտի օրենսդրության բարեփոխումներ, քրեականացվել է ապօրինի հարստացումը, ազդեցության չարաշահման հանցակազմը համապատասխանեցվել է միջազգային չափանիշներին, հզորացվել է բարձրաստիճան պաշտոնատար անձանց էթիկայի հանձնաժողովը: Վերջինիս համար ապահովվել են անհրաժեշտ ֆինանսական միջոցներ, կադրեր, շենքային պայմաններ, աշխատակազմ: Բարելավվել է նաև էթիկայի հանձնաժողովի գործիքակազմը: Վարչական և քրեական պատասխանատվություն է նախատեսվել հայտարարագիր չներկայացնելու, սահմանված ժամկետի խախտմամբ ներկայացնելու կամ կեղծ հայտարարագիր ներկայացնելու համար: Հարուցվել է շուրջ 500 վարույթ»,- ասաց փոխնախարարի պաշտոնակատարը:

Սուրեն Քրմոյանը նաև տեղեկացրել է, որ ընդունվել է նաև «Կոռուպցիայի կանխարգելման հանձնաժողովի մասին» ՀՀ օրենքը, որի շրջանակներում, առաջին անգամ Հայաստանում կստեղծվի կոռուպցիայի կանխարգելման մարմին: Բարելավվել է գույքի և եկամուտների հայտարարագրման ինստիտուտը, էապես ընդլայնվել է հայտարարագիր ներկայացնող անձանց շրջանակը (հայտարարագիր ներկայացնող անձանց թիվը 750-ից հասել է շուրջ 3400-ի): Էապես բարելավվել է գնումների օրենսդրությունը և պրակտիկան: Ներդրվել է գնումների նոր էլեկտրոնային կառավարման ծրագիրը:

«Մենք այստեղ ենք 10 հոգանոց փորձագիտական խմբով: Մեզ հետ են, օրինակ, դատախազներ ԱՄՆ-ից, Վրաստանից, դատավոր Խորվաթիայից և այլ մասնագետներ: Մեր նպատակն է գնահատել հակակոռուպցիոն պայքարի ոլորտում գրանցված զարգացումները և մարտահրավերները: Հայաստանում օրենսդրությունը նշանակալիորեն բարելավվել է վերջին 4 տարվա ընթացքում, առաջ է գնացել ծառայությունների, էլեկտրոնային կառավարման ոլորտում, ներգրավել է քաղաքացիական հանրությանն օրենսդրության նոր շրջանակներում աշխատելու համար և այն իմպուլսը, որ գալիս է քաղաքացիներից, պետք է գործողությունների վերածվի կոռուպցիայի դեմ պայքարում, աշխատեն ձեռք ձեռքի տված: Սա հզոր գործիք կլինի հետագա պայքարի համար: Կոռուպցիայի դեմ պայքարը երկարաժամկետ գործընթաց է, և այս առումով Հայաստանը գերազանց մեկնարկ է գրանցել»,- ասաց ՏՀԶԿ քարտուղարության ներկայացուցիչ Ռուսուդան Միխելիձեն:

 

Բոլոր լուրերը

Կապակցված լուրեր

ՀՀ տարածքում ավտոճանապարհները հիմնականում անցանելի են

10:16 05.04.2025

ՀՀ տարածքում ավտոճանապարհները հիմնականում անցանելի են

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

Թիմը հավատաց մարզչական շտաբին․ Ֆլիկ

10:10 05.04.2025

Թիմը հավատաց մարզչական շտաբին․ Ֆլիկ

«Բարսելոնայի» գլխավոր մարզիչ Հանս-Դիտեր Ֆլիկը գովեստի խոսքեր է ասել իր թիմի հասցեին, որն Իսպանիայի գավաթի խաղարկության կիսաեզրափակչի պատասխան խաղում 1:0 հաշվով հաղթել է «Աթլետիկոյին», հաղորդում է Marca-ն: Թիմերի առաջին հանդիպումն ավարտվել էր 4:4 հաշվով: «Մենք համարձակ էինք խաղում: Ընդամենը մեկ գոլ խփեցինք, բայց այն բավարար էր եզրափակիչ դուրս գալու համար: Գիտենք՝ որքան դժվար է հաղթել […] ...

Ավտոմեքենան դուրս է եկել ճանապարհի երթևեկելի գոտուց և բախվել սյանը

10:03 05.04.2025

Ավտոմեքենան դուրս է եկել ճանապարհի երթևեկելի գոտուց և բախվել սյանը

Ապրիլի 5-ին, ժամը 06:42-ին Ճգնաժամային կառավարման ազգային կենտրոն ահազանգ է ստացվել, որ Երևանի Խաղաղ Դոնի փողոցի թիվ 2/14 հասցեի մոտակայքում տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի […] ...

Իրավիճակը Հայաստանի ճանապարհներին

00:59 05.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

100 հաղթանակ. «Լիվերպուլի» ուշագրավ ցուցանիշը

00:56 05.04.2025

100 հաղթանակ. «Լիվերպուլի» ուշագրավ ցուցանիշը

Անգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

00:53 05.04.2025

Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցել

Պապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...

BACK_TO_TOP