14:40 25.10.2018
Պետական վերահսկողական ծառայության պետ Դավիթ Սանասարյանը հոկտեմբերի 25-ին լրագրողների հետ զրույցում հայտնեց, որ երկուշաբթի օրը վարչապետի պաշտոնակատարին կներկայացնի մեկ միլիոն դոլարին համարժեք դրամի հետբերումների տեղեկանքները:
«Այսինքն` «բերքահավաք» է տեղի ունենում, մեր արած աշխատանքի արդյունքներն արդեն շոշափելի են: Աշնան և ձմեռվա վերջին ամիսներին մենք կբերենք մի քանի անգամ ավել միլիոն դոլարի մուտքեր, մի մասը «Բարձրավոլտ»-ից է, «Լուսանշան» ՊՈԱԿ-ից»,- ասաց նա` հայտնելով, որ մանրամասները կներկայացվեն, երբ հարուցված գործը փակվի, նաև խորհուրդ տալով այդ հարցով դիմել իրավապահներին:
Սանասարյանը նշեց` վերջացրել են ուսումնասիրությունն Ագրարային համալսարանում, նախկին ռեկտորը համաձայնել է պետությանը հասցրած վնասի` 350 մլն դրամի հետբերումն անել բյուջե, այժմ իրավապահների հետ հասկանում են ճանապարհը, առաջիկայում կավարտվեն ԵՊՀ-ում կատարվող ուսումնասիրությունները, այստեղ, ըստ Սանասարյանի, լուրջ խախտումներ կան, պետությանը հասցված վնասի գումարը վերջնական չէ, բայց, նախնական տվյալներով, կրկնակի գերազանցելու է Ագրարային համալսարանի խախտման չափը: ՊՎԾ պետը տեղեկացրեց նաև, որ ջրօգտագործող ընկերություններում (ՋՕ) են անում ուսումնասիրություններ, առաջիկայում կավարտեն «Արտաշատի» ՋՕ-ում ուսումնասիրությունը: Նա հայտնեց, որ ՋՕ-ներում ուսումնասիրություններն առանձնացված կամփոփեն, կներկայացնեն հանրությանը, ասաց, որ խախտումները մեծ են:
Ծառայությունն ուսումնասիրություններ է անում նաև ՔԿՀ-ներում, վարչություններում, «Աջակցություն դատապարտյալներին» հիմնադրամում, ավարտում են Անի համայնքի և մնացած 16 համայնքների, նաև «Ազատամուտ»-ի ուսումնասիրությունները:
Ազատամուտի գյուղապետի կողմից «անիմաստ սկանդալ բարձրացնելուն» անդրադառնալով` Սանասարյանը նշեց.
«Ուղղակի կարեկցանքով եմ վերաբերվում գյուղապետին, որի ընտանիքի անդամներից մեկը բանտարկության մեջ է, մյուսի վերաբերյալ քրգործ է նորից բացվում: Ազատամուտում կան չարաշահումներ, կան նաև Անի համայնքում, երկուշաբթի կամ երեքշաբթի դրանք կամփոփենք, Կառավարության հաջորդ նիստին կներկայացնեմ: Ճնշումների մասին տեղեկությունները հերյուրանք են, որևէ ճնշում չի գործադրվել, ուղղակի տեղեկացրել ենք, որ ուսումնասիրություն ենք իրականացնելու Ազատամուտում, ասեմ ավելին՝ վստահ եմ, որ 10 տարի պաշտոնավարման ժամանակ գյուղապետն այդքան հարգալից վերաբերմունք չի ստացել: Երբ մենք գնացինք, թափռտած էին վարագույրները, իմ ձեռքով եմ հավաքել: Ասացի` ի՞նչն է պատճառը, ասաց` որ գան, տեսնեն, որ ցուցարարները մտել են իմ սենյակ, այս են արել, բոլորը իմ թշնամիներն են: Մենք ուղղակի հանգստացրել ենք, ասել ենք` եթե համայնքի ժողովուրդն իր թշնամին է, ինքն իր տեղում չէ»:
Սանասարյանը նաև հայտնեց, որ Ազատամուտի գյուղապետին տեղեկացրել են, որ նախնական ուսումնասիրության արդյունքներ ունեն, առցանց ուսումնասիրություն ենք կատարել և դրանց արդյունքներն ի վնաս իրեն են, և ամեն ինչը կփաստարկվի համայնքում իրենց ֆիզիկական ներկայությամբ կատարվելիք գործունեության արդյունքում:
Նա տեղեկացրեց, որ քրգործեր են բացվելու և՛ Անի, և՛ Ազատամուտ համայնքներում:
00:59 05.04.2025
Իրավիճակը Հայաստանի ճանապարհներին00:56 05.04.2025
100 հաղթանակ. «Լիվերպուլի» ուշագրավ ցուցանիշը00:21 05.04.2025
Լարսը բաց է00:59 05.04.2025
Իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...
00:56 05.04.2025
100 հաղթանակ. «Լիվերպուլի» ուշագրավ ցուցանիշըԱնգլիայի Պրեմիեր լիգայի 30-րդ տուրում «Լիվերպուլը» 1:0 հաշվով հաղթելով «Էվերթոնին» ուշագրավ ցուցանիշ է գրանցել, հաղորդում է թիմի ինստագրամյան էջը: Դերբիում «Լիվերպուլը» տարել է հոբելյանական 100-րդ հաղթանակը: Թիմերն անցկացրել են 246-րդ դերբին: Այդ խաղերից 68-ում հաղթել է «Էվերթոնը», իսկ 78-ում գրանցվել է ոչ-ոքի: ...
00:53 05.04.2025
Պապուա Նոր Գվինեայի ափերի մոտ 7,2 մագնիտուդ ուժգնությամբ երկրաշարժ է տեղի ունեցելՊապուա Նոր Գվինեային պատկանող Նոր Բրիտանիա կղզու ափերի մոտ 7,2 մագնիտուդ ուժգնությամբ երկրաշարժ է գրանցվել։ Այս մասին հայտնել է Եվրոպական-միջերկրածովյան սեյսմոլոգիական կենտրոնը։ Կենտրոնի տվյալներով՝ էպիկենտրոնը գտնվել է Կիմբե քաղաքից 185 կմ հյուսիս-արևելք (Նոր Բրիտանիայի կղզի), որտեղ ապրում է 18,8 հազար մարդ: Նշվում է, որ օջախը գտնվել է 49 կմ խորության վրա։ Տուժածների և ցունամիի վտանգի […] ...
00:44 05.04.2025
ԱԳՆ գլխավոր քարտուղարը Չեխիայում փորձագետներին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծըԱպրիլի 4-ին Չեխիայում ՀՀ դեսպանությունում աշխատանքային այցով Չեխիայի Հանրապետությունում գտնվող ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի քաղաքագիտական և այլ հետազոտական և վերլուծական կենտրոնների փորձագետների հետ: Այս մասին հայտնել են ԱԳՆ-ից: Գլխավոր քարտուղարը հանդիպման մասնակիցների հետ քննարկել է տարածաշրջանում խաղաղության և կայունության հաստատմանն ուղղված Հայաստանի ջանքերը՝ նրանց ներկայացնելով ՀՀ կառավարության կողմից մշակված «Խաղաղության […] ...
00:32 05.04.2025
Էմինեմը պապիկ է դարձելԱմերիկացի ռեփեր Մարշալ Մեթերսը, ով հայտնի է Էմինեմ կեղծանվամբ, պապիկ է դարձել։ Ռեփերի դուստրը՝ Հեյլի Ջեյդ Սքոթը, հրապարակել է իր առաջնեկի լուսանկարները Instagram-ում: Հեյլիի նկարներից պարզ է դարձել, որ երեխան ծնվել է մարտի 14-ին: Տղային անվանել են Էլիոթ Մարշալ, երկրորդ անունը՝ ի պատիվ հայտնի պապիկի։ 52-ամյա երաժշտի դուստրը՝ Հեյլին, ամուսնացել է իր սիրելիի՝ Էվան ՄաքՔլինթոքի […] ...
00:21 05.04.2025
Լարսը բաց էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։ ...