20:09 19.10.2018
ՀՀ երկրորդ նախագահ Ռոբերտ Քոչարյանի` օրերս տված հարցազրույցից ակնհայտ է մի բան. նա, փաստացի, հայտարարում է, որ ձեռնպահ է մնալու այս ընտրական գործընթացներին որևէ մասնակցությունից: Այս մասին SHANTNEWS.am-ի հետ զրույցում նշեց փորձագետ Ռուբեն Մեհրաբյանը: Բացի դրանից` Մեհրաբյանը նշեց` երևաց, որ Ռոբերտ Քոչարյանը մտադիր չէ ինչ-որ կերպ ասոցացվել Հանրապետական կուսակցության հետ:
«Մենք տեսնում ենք, որ Ռոբերտ Քոչարյանն ընդհանրապես քաղաքականության և քաղաքական գործընթացների մեջ իր մասնակցության մասին խոսում է շատ աբստրակտ, ապառնի ժամանակով և առանց որևէ կոնկրետության»,- ասաց նա:
Հարցին` արդյո՞ք ինչ-որ ճնշում է եղել ՀՀ երկրորդ նախագահի վրա, նա պատասխանեց, որ այլ ճնշումների տեղ չի երևում:
«Ռոբերտ Քոչարյան քաղաքական գործոնը Հայաստանի ակտուալ քաղաքականության մեջ մենք տեսնում ենք, որ զրոյական է, և դա, իհարկե, շատ կարևոր ձեռքբերում է»,- նշեց Մեհրաբյանը:
Անդրադառնալով երկրորդ նախագահի հնչեցրած տեսակետին, թե դեկտեմբերին անցկացվելիք արտահերթ խորհրդարանական ընտրությունները կլինեն «Փաշինյանի անձնական տակտիկական հաղթանակը, բայց պարտություն` մեր պետականության համար», փորձագետը նշեց.
«Ես կարծում եմ, որ Ռոբերտ Քոչարյանն իր գնահատականներում թյուրիմացության մեջ է` չնայած ունի դրա իրավունքը»:
Փորձագետի կարծիքով` արդեն իսկ զրոյական է նաև արտաքին աջակցությունը: Նրա գնահատմամբ` Ռոբերտ Քոչարյանի նկատմամբ հետաքրքրությունն ուղիղ համեմատական է նրա ազդեցությանը և ներքաղաքական գործընթացներում նրա դերին.
«Ըստ այդմ՝ մենք տեսնում ենք, որ առանձնապես` ինչ ասաց, ինչ չասաց, ինչպես ասաց, ինչպես չասաց, մեծ նշանակություն չունի»:
Փորձագետը բացառեց նաև երկրորդ նախագահի` ընդդիմախոս լինելու գործոնը: Կուսակցություն ստեղծելու մասին Ռոբերտ Քոչարյանի հայտարարությանն անդրադառնալով՝ Մեհրաբյանն արձագանքեց.
«Ես չգիտեմ` կստեղծի՞, թե՞ չի ստեղծի, դա միանգամայն իր իրավունքն է, բայց ինչ էլ ստեղծի, քաղաքական հարթության վրա դրա նշանակությունը չնչին է լինելու»:
Հարցին` նոր կառավարության հնարավոր սխալներն արդյո՞ք չեն կարող աշխատել երկրորդ նախագահի օգտին, նա պատասխանեց.
«Կառավարության սխալները, բնականաբար, նախևառաջ կաշխատեն կառավարության դեմ, բայց դա դեռ փաստ չէ, որ կաշխատեն հօգուտ Ռոբերտ Քոչարյանի»:
Ինչ վերաբերում է Հանրապետական կուսակցության` արտահերթ ընտրություններին մասնակցելու հնարավորությանը, Մեհրաբյանը պատասխանեց.
«Հարցի լավագույն հասցեատերը ՀՀԿ-ն է: Մեզ տեղեկացրին, որ նրանք դեռ որոշում չունեն, կունենան, կտեսնենք, ըստ այդմ էլ կգնահատենք, թե նրանց մասնակցությունն ինչ կտա թե՛ իրենց, թե՛ պետությանը: Չեմ կարծում, որ շատ մեծ շանսեր ունեն, ցածր եմ գնահատում նրանց հնարավորությունները նույնիսկ այդ խորհրդարանական անցումային շեմը հաղթահարելու առումով»:
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
14:16 19.04.2025
Նախագահ Վահագն Խաչատուրյանն ընդունել է Ղազախստանի մշակույթի և տեղեկատվության նախարար Աիդա ԲալաևայինՀանրապետության նախագահ Վահագն Խաչատուրյանը ընդունել է Ղազախստանի մշակույթի և տեղեկատվության նախարար Աիդա Բալաևային: Նախարարի գլխավորած պատվիրակությունը մեր երկրում է գտնվում ապրիլի 18-19-ին Հայաստանում Ղազախստանի մշակութային օրերի միջոցառումներին մասնակցելու շրջանակում: Ողջունելով նախարարին՝ նախագահ Խաչատուրյանը ընդգծել է, որ նման այցերը ոչ միայն խորացնում են երկկողմ կապերը, այլև նոր շունչ են հաղորդում ժողովուրդների միջև բարեկամական հարաբերությունների զարգացմանը։ Նա […] ...
13:58 19.04.2025
Հռոմում մեկնարկել է ԱՄՆ-ի և Իրանի միջև բանակցությունների երկրորդ փուլըՀռոմում մեկնարկել է ԱՄՆ-ի և Իրանի միջև Թեհրանի միջուկային ծրագրի շուրջ ստեղծված ճգնաժամի կարգավորման բանակցությունների երկրորդ փուլը։ Այս մասին հայտնում է Իրանի պետական հեռարձակողը, փոխանցում է ՏԱՍՍ-ը: Խորհրդակցությունները անցկացվում են Օմանի դեսպանի նստավայրում։ Ավելի վաղ Իրանի ԱԳ նախարարության պաշտոնական ներկայացուցիչ Էսմայիլ Բաղային հայտնել էր, որ Իտալիայի մայրաքաղաքում անուղղակի բանակցություններ կանցկացվեն Օմանի ԱԳ նախարարի միջնորդությամբ։ ...
13:50 19.04.2025
Այսօր կկայանան վերջին տուրի հանդիպումները. Հոկեյի ԱԱԱյսօր Երևանում կկայանա տափօղակով հոկեյի Աշխարհի IV դիվիզիոնի առաջնության վերջին տուրը։ Հայաստանի հավաքականն ԱԱ-ի շրջանակում վերջին հանդիպումը կանցկացնի՝ մրցելով Ինդոնեզիայի հետ։ Հանդիպումը կմեկնարկի 17։00-ին։ Այսօրվա հանդիպումների ժամանակացույցը․ Մալայզիա — Ուզբեկստան / 14։00 Հայաստան — Ինդոնեզիա / 17։00 Իրան — Քուվեյթ / 20։00 Հայաստանի հավաքականն ունի 9 միավոր և երկրորդն է մրցաշարային աղյուսակում, իսկ առաջատարն Ուզբեկստանի […] ...
13:33 19.04.2025
Իրանի ԱԳ նախարարը ժամանել է ՀռոմԻրանի ԱԳ նախարար Աբբաս Արաղչին ժամանել է Իտալիայի մայրաքաղաք Հռոմ՝ մասնակցելու Միացյալ Նահանգների հետ բանակցությունների երկրորդ փուլին։ Ինչպես տեղեկացնում է իրանական IRNA գործակալությունը, Թեհրանն ու Վաշինգտոնը բանակցություններ են վարում Իսլամական Հանրապետության քաղաքացիական միջուկային ծրագրի և Իրանի դեմ ամերիկյան պատժամիջոցների դադարեցման շուրջ քննարկումների համար: ...
13:22 19.04.2025
Առաջիկա օրերի եղանակային կանխատեսումըՀանրապետության տարածքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ: Ապրիլի 21-24-ին առանձին վայրերում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանն ապրիլի 19-ի ցերեկը, 20-22-ին աստիճանաբար կբարձրանա 3-5 աստիճանով։ Երևան քաղաքում ապրիլի 19-ի ցերեկը սպասվում է առանց տեղումների եղանակ։ Ապրիլի 20-24-ին […] ...
