13:09 18.10.2018
ՀՀ երկրորդ նախագահ Ռոբերտ Քոչարյանը РИА Новости լրատվական գործակալությանը տված հարցազրույցում հայտարարել է, որ մտադիր է իր կուսակցությունը ստեղծել և մտնել ընդդիմության շարքերը:
«Եթե վերադառնում ես քաղաքականություն, ուրեմն պետք է այդ մասին մտածել»,- ասել է Քոչարյանը՝ ի պատասխան այն հարցի՝ արդյո՞ք պատրաստվում է իր կուսակցությունը ստեղծել:
ՀՀ նախկին նախագահի խոսքերով՝ կուսակցության անվանումը սկզբունքային հարց չէ:
«Սկզբունքային են այն մոտեցումները, որոնք պետք է որդեգրել… Այժմ ես ընդդիմադիր դաշտում շատ լուրջ վակուում եմ տեսնում և ենթադրում եմ, որ պետք է այն լրացնել՝ երկրի շահերից ելնելով»,- հավելել է Քոչարյանը:
Ռոբերտ Քոչարյանը նաև նշել է, որ որևէ բարձր պաշտոն զբաղեցնելու ձգտում չունի:
«Եթե նման ձգտում ունենայի, 10 տարի չէի ապրի իմ սեփական կյանքով: Իրավիճակն այնպես է զարգանում, որ իրադրությունը քեզ ներքաշում է գործընթացի մեջ, որից չես կարող պարզապես հեռու մնալ՝ հաշվի առնելով կենսագրությունդ, բնույթդ և կյանքի նկատմամբ դիրքորոշումդ»,- ասել է Քոչարյանը:
Խոսելով առաջիկա արտահերթ ընտրություններին չմասնակցելու մասին՝ Քոչարյանը հստակեցրել է, որ պարզապես չի հասցնում:
«Ես անկուսակցական եմ եղել: Դա նշանակում է, որ հարկավոր է զրոյից կուսակցություն ստեղծել, այլ ոչ թե վերականգնել եղածը: Ընդ որում, կցանկանայի ընտրությունների գնալ նոր, նորացված թիմով: Սովորաբար ինչպիսի՞ն են առաջին գործողությունները, երբ ուզում ես թիմ հավաքել: Սկսում ես ուսումնասիրել մարդկանց, որոնց չգիտես, շրջապատին, որոնց հետ շփվել ես, աշխատել ես», – ասել է ՀՀ երկրորդ նախագահը:
Այնուամենայնիվ, ըստ Քոչարյանի, հաշվի առնելով ստեղծված իրավիճակը՝ անհրաժեշտ է ներգրավել նոր, տաղանդավոր, երիտասարդ և էներգիայով լի մարդկանց:
«Իհարկե, կարելի է ներգրավել հին թիմից որոշ մարդկանց, ում դու գիտես, ովքեր քեզ հետ աշխատել են: Սակայն ամեն դեպքում պետք է հենվել նոր սերնդի վրա, իսկ դա անելն այնքան էլ հեշտ չէ, դրա համար ժամանակ է հարկավոր»,- եզրափակել է Քոչարյանը:
21:17 19.04.2025
Երևանում «Nissan»-ը բախվել է եզրաքարին, հայտնվել հետիոտնի համար նախատեսված վայրում և կոտրել երկաթե ճաղավանդակըԱպրիլի 19-ին, ավտովթար է տեղի ունեցել Երևանում: Ժամը 12:40-ի սահմաններում «Nissan» մակնիշի ավտոմեքենան Դավիթաշենից դեպի Աշտարակ տանող ճանապարհահատվածում՝ Աշտարակի խճուղում, դեռևս անհայտ հանգամանքներում, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին՝ կոտրելով երկաթե ճաղավանդակը: Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար տուժածներ չկան: Վթարի փաստով ՊԾ Երևան քաղաքի […] ...
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
