18:13 16.10.2018
Կենսաթոշակները և նպաստները ամբողջ ծավալով կշարունակվեն վճարվել, եթե նույնիսկ հունվարի 1-ի դրությամբ (բյուջետային տարվա սկիզբ) նոր բյուջեն Ազգային ժողովում ընդունված ու նախագահի ստորագրությամբ հաստատված չլինի։ Սա օրենքի պահանջ է, և բյուջեի չընդունվելը սրա վրա չի ազդի, ի տարբերություն այլ ոլորտների։
Միացյալ Նահանգներում այսպիսի դեպքերը կոչվում են «շաթդաուն» («անջատում»)։ Եվ պատճառն այն է, որ եթե բյուջեն ժամանակին չի ընդունվում, իսկ դա հաճախ է լինում, կառավարության ֆինանսավորմամբ գործող բազմաթիվ ծրագրեր ուղղակի «անջատվում են»։ Ֆինանսավորում շարունակում են ստանալ միայն պետության համար կենսական նշանակության ոլորտները՝ պաշտպանություն, անվտանգություն, սոցիալական պաշտպանություն և այլն։
Հայաստանի մյուս տարվա բյուջեի ընդունման համար դեռ ժամանակ կա, բայց քաղաքական իրավիճակը այնպիսին է, որ տեսականորեն կարող է բերել բյուջեի ընդունման սովորական ժամկետների խախտման։ Գործնականում դրա հավանականությունը, սակայն, շատ փոքր է։
Այս պահի դրությամբ, կառավարությունը հավանություն է տվել 2019 թվականի բյուջեի նախագծին, ուղարկել է Ազգային ժողով, խորհրդարանի նախագահն էլ որոշել է այն ժամկետները, երբ այդ նախագիծը կքննարկվի հանձնաժողովներում՝ հոկտեմբերի 29 – նոյեմբերի 9։ Այս ընթացքում հանձնաժողովներն իրենց քննարկումներն են անելու, հետո առաջարկությունները ուղարկելու են կառավարությանը, որն էլ նախագիծը (լրամշակելով կամ առանց դրա) վերադարձնելու է Ազգային ժողով՝ նոյեմբերի 13-14-ին քննարկումներ սկսելու համար։
Բայց կառավարության ներկա ղեկավարը մտադիր է մինչ այդ հասնել Ազգային ժողովի լուծարման։ Եթե Նիկոլ Փաշինյանը այսօր հրաժարական է տալիս (ինչի մասին, հավանաբար, կհայտարարի հենց այսօր երեկոյան), և եթե իշխանությունը փաշինյանական թևն իր նպատակներին հասնում է (Ազգային ժողովը երկու անգամ քվեարկությամբ չի ընտրում վարչապետ), ապա խորհրդարանն իր ներկա կազմով լուծարվում է այդ երկշաբաթյա ժամկետից հետո՝ հոկտեմբերի 30-31-ին։ Նոր խորհրդարանը այդ դեպքում ձևավորվում է մինչև դեկտեմբերի կեսերն անցկացվելիք արտահերթ ընտրությունների արդյունքում։
Ազգային ժողովի ներկա կազմը, սակայն, այս ընթացքում չի արձակվելու, քանի որ Սահմանադրության 90-րդ հոդվածի 5-րդ կետը բացառում է այդ իրավիճակը.
«Արտահերթ ընտրության դեպքում գործող Ազգային ժողովի լիազորությունների ժամկետն ավարտվում, և նորընտիր Ազգային ժողովի լիազորությունների ժամկետն սկսվում է նորընտիր Ազգային ժողովի կազմավորումից հետո` երկրորդ երկուշաբթի օրը հրավիրված Ազգային ժողովի առաջին նստաշրջանի բացման պահին»։
Այսինքն՝ չի լինում որևէ «բաց հատված», երբ Ազգային ժողով չկա. նախորդը գումարման խորհրդարանը շարունակում է իրավազոր լինել այնքան, քանի դեռ նորը չի ընդունել լիազորությունները։ Գործնականում սա թույլ է տալիս 2019 բյուջեի ընդունման ծանրությունն ու պատասխանատվությունը թողնել գործող, բայց շուտով ցրվող խորհրդարանի՝ «պաշտոնակատարի» վրա։
Եթե այդպես չլինի, ապա հնարավոր արտահերթ ընտրություններից հետո դեկտեմբերի կեսերին նոր կազմավորված Ազգային ժողովում գործնականում չի հասցնի ընդունել տարվա եկամուտներն ու ծախսերն ամբողջացնող փաստաթուղթը։ Եվ կլինի հայկական «շաթդաուն»։
Տեսական դրույթներով այս իրավիճակը նույնպես նկարագրված է Հայաստանի օրենսդրությամբ մեջ։ Հայաստանի բյուջետային համակարգի մասին օրենքի 22-րդ հոդվածը ասում է.
«Մինչև բյուջետային տարվա սկիզբը պետական բյուջեն չհաստատվելու դեպքում` ծախսերը կատարվում են նախորդ տարվա բյուջեի համամասնություններով»:
Այսինքն, եթե օրինակ, պաշտպանության ոլորտի ծախսերին 2018 թվականի բյուջեով հատկացվել է ծախսերի 16,5 տոկոսը, ապա 2019 թվականի բյուջեն նույն տոկոսն է տրամադրում այդ ոլորտին, մինչև որ նոր բյուջեն կընդունվի։
Նույն հոդվածում նշվում են նաև այլ պայմաններ: Մասնավորապես, գործադիրը այդ ընթացքում շարունակում է կատարել նախկինում կնքած պայմանագրերի պարտավորությունները, շարունակում է կենսաթոշակների և նպաստների վճարումները, ինչպես նաև ներդրումային ծրագրերի ֆինանսավորումը։ Ծախսերի չափը, սակայն, չպետք է խախտի ամսական ֆինանսավորման համամասնությունը, այսինքն՝ հունվարին կառավարությունը իրավունք չունի ծախսել այնքան, որքան նախորդ տարի ծախսել է երկու ամսում։ Եվ սա վերաբերում է նաև առանձին ոլորտային ծախսերին։
Այս ամենը, անշուշտ, ընթացակարգային հսկայական ծանրաբեռնվածություն կառաջացնի՝ թղթաբանությամբ, սահմանափակ ժամկետներով և այլն։ Բայց սրա հավանականությունը այս պահին շատ փոքր է։
23:15 03.04.2025
ՀՀ ԱԳՆ գլխավոր քարտուղարի հանդիպումը Չեխիայի ԱԳ նախարարի տեղակալի հետԱպրիլի 3-ին աշխատանքային այցով Չեխիայում գտնվող ՀՀ ԱԳՆ գլխավոր քարտուղար Դավիթ Կարապետյանը հանդիպում է ունեցել Չեխիայի Հանրապետության ԱԳ նախարարի տեղակալ Յան Մարիանի հետ: Այս մասին հայտնել են ԱԳՆ-ից: Հանդիպման ընթացքում կողմերն անդրադարձել են Հայաստան-Չեխիա երկկողմ հարաբերությունների օրակարգին առնչվող մի շարք հարցերի՝ ընդգծելով փոխադարձ հետաքրքրություն ներկայացնող ոլորտներում երկու երկրների միջև համագործակցության կարևորությունը: Դավիթ Կարապետյանը և Յան […] ...
23:11 03.04.2025
ԱԽ քարտուղարը կգործուղվի Բելգիայի ԹագավորությունՀՀ վարչապետ Նիկոլ Փաշինյանը որոշում է ստորագրել Բելգիայի Թագավորություն պատվիրակություն գործուղելու մասին։ «Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասով, հիմք ընդունելով կառավարության 2005 թվականի դեկտեմբերի 29-ի N 2335-Ն և վարչապետի 2018 թվականի սեպտեմբերի 19-ի N 1230-Ն որոշումները՝ Աշխատանքային հանդիպումներ ունենալու նպատակով՝ Հայաստանի Հանրապետության անվտանգության խորհրդի քարտուղար Արմեն Գրիգորյանին, անվտանգության խորհրդի քարտուղարի […] ...
23:00 03.04.2025
Քննարկվել են ՀՀ բուհերի և Իլիայի համալսարանի միջև համագործակցության հնարավորություններն ու հեռանկարներըԱպրիլի 3-ին Վրաստանում ՀՀ դեսպան Աշոտ Սմբատյանը հանդիպեց Թբիլիսիի Իլիայի համալսարանի ռեկտոր, պրոֆեսոր Նինո Դոբորջգինիձեի հետ: Այս մասին հայտնել են Վրաստանում ՀՀ դեսպանությունից։ Հանդիպմանը քննարկվեցին ՀՀ բուհերի և Իլիայի համալսարանի միջև համագործակության հաստատման հնարավորություններն ու հեռանկարները։ ...
22:49 03.04.2025
Երևանի Էրեբունի վարչական շրջանի մի շարք հասցեներում գազ չի լինի«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ ապրիլի 4-ին ժամը 10:00-ից մինչև ժամը 16:00-ն, կդադարեցվի Երևան քաղաքի Էրեբունի վարչական շրջանի Սարի թաղի 7-րդ փողոցի թիվ 67 բազմաբնակարան շենքի, 7-րդ փողոցի, 7-րդ փողոց նրբանցքի, 9-րդ փողոց նրբանցքի, 12-րդ, 13-րդ, 13-րդ փողոց նրբանցքի, 14-րդ, 15-րդ, 16-րդ, 17-րդ, 18-րդ, 19-րդ, 19ա, 21-րդ փողոցների առանձնատների գազասպառողների […] ...
22:38 03.04.2025
Մխիթար Հայրապետյանը հանդիպել է Էստոնիայի արդարադատության և թվայնացման նախարարի հետՀՀ ԲՏԱ նախարար Մխիթար Հայրապետյանն ապրիլի 3-ին Էստոնիա կատարած աշխատանքային այցի շրջանակում հանդիպել է Էստոնիայի արդարադատության և թվայնացման նախարար Լիիսա֊Լի Պակոստայի հետ: Հանդիպմանը մասնակցել են նաև ՀՀ ԲՏԱ նախարարի առաջին տեղակալ Գևորգ Մանթաշյանն ու Հայաստանի տեղեկատվական համակարգերի գործակալության տնօրեն Ներսես Երիցյանը: Կողմերն ընդգծել են, որ երկկողմ այցերը կնպաստեն ոլորտային հարաբերությունների խորացմանը, մասնավորապես թվային կառավարման, կիբեռանվտանգության […] ...
22:29 03.04.2025
Գյումրիից սկսվում է այն ազդակը, որ իշխանությունները պրոբլեմ ունեն․ Գուրգեն Սիմոնյանը՝ Գյումրիի ընտրությունների մասինՎերջին օրերին մեր երկրում ամենաթեժ ու ամենաքննարկված ներքաղաքական թեման Գյումրիի ընտրություններն են։ Միևնույն ժամանակ դրանք ամենաինտրիգայինն ու ամենաքաղաքականացվածն էին։ Թեմայի շուրջ «Հեռանկարն» այսօր զրուցել է Շնորհապետական կուսակցության նախագահ, քաղաքական գիտությունների թեկնածու Գուրգեն Սիմոնյանի հետ։ Արդյո՞ք այս ընտրությունները ձախողում էին իշխանությունների համար, սա հետընթաց էր, թե՞ առաջընթաց, իսկ հետագա զարգացումների ո՞ր սցենարն է ավելի հավանական։ Այս […] ...
