08 09 2024

$

387.09
4.32
€

429.94

+23.09 ^oC

Այս ընտրությունները որակապես տարբերվեցին բոլոր նախորդներից. Խոսքի ազատության պաշտպանության կոմիտե

ՀԱՅԱՍՏԱՆ

16:40 24.09.2018

Խոսքի ազատության պաշտպանության կոմիտեն հայտարարություն է տարածել՝ անդրադառնալով Երևանի ավագանու արտահերթ ընտրություններին և դրանք որակելով որպես նախորդներից «որակապես տարբերվող»:

Ներկայացնենք հայտարարությունն ամբողջությամբ.

«Սեպտեմբերի 23-ին՝ Երևանի ավագանու արտահերթ ընտրությունների օրը, թիվ 8/05 ընտրատեղամասում տարածքային հանձնաժողովի նախագահ Նորիկ Երանյանը հարվածել է «1in.am» լրատվական կայքի լրագրող Դիանա Դավթյանի ձեռքին՝ ասելով «միկրոֆոնդ էն կողմ տար»։ Լրագրողը ԽԱՊԿ-ի հետ զրույցում տեղեկացրեց, որ բացի դրանից՝ օպերատորի ուսից քաշել և նկարահանմանը խանգարել է ԱԺ ԲՀԿ պատգամավոր Արթուր Մանուկյանին ուղեկցող անձանցից մեկը։ Հույս ենք հայտնում և պահանջում, որպեսզի իրավապահ մարմինները մանրակրկիտ հետաքննեն կատարվածը և պատասխանատվության ենթարկեն մեղավորներին։

Բարեբախտաբար, այս միջադեպը միակն է Երևանի ավագանու ընտրությունների ընթացքում, երբ խախտվել են լրատվամիջոցի աշխատակիցների իրավունքները։ Սա չափազանց կարևոր փաստ է, եթե հաշվի առնենք, որ ընդամենը մեկ տարի առաջ կայացած ավագանու ընտրությունների օրը գրանցվել էր ֆիզիկական բռնության 2 եւ մասնագիտական գործունեության այլ խոչընդոտումների 5 միջադեպ։

ԽԱՊԿ-ն իր մտահոգությունն է հայտնում նաև լռության օրը՝ սեպտեմբերի 22-ին, Մեդիա կենտրոնում տեղի ունեցածի վերաբերյալ, երբ «Անկախ դիտորդ» դաշինքը ներկայացնում էր իր մոնիտորինգի նախնական արդյունքները, իսկ «Բարգավաճ Հայաստան» կուսակցության ներկայացուցիչները փորձեցին խոչընդոտել այդ գործընթացը։

Մի կողմից դիտորդական առաքելություն իրականացնողները, հրապարակելով իրենց տվյալներն ընտրությունների նախօրեին, մեր գնահատմամբ, խախտեցին լռության օրվա պահանջը, քանի որ դա կարող էր ազդել ընտրողների կողմնորոշման վրա, մյուս կողմից՝ անընդունելի էր ԲՀԿ պատգամավոր Վահե Էնֆիաջյանի ու նրա համակիրների ագրեսիվ պահվածքը, երբ նրանք սրահից վրա հասան և լեզվակռվի մեջ մտան բանախոսների հետ։ Կարծում ենք՝ այս միջադեպը նույնպես կարժանանա իրավասու մարմինների ուշադրությանը։

Այդուհանդերձ, ԽԱՊԿ-ն արձանագրում է, որ, ընդհանուր առմամբ, այս ընտրությունները որակապես տարբերվեցին բոլոր նախորդներից նաև լրագրողների և լրատվամիջոցների համար աշխատանքային բարենպաստ պայմաններ ստեղծելու և անկաշկանդ գործելու առումով։ ԽԱՊԿ-ը կարևորում է այս նախադեպի տարածումը հետագա ընտրություններում»։

Երևանի քաղաքապետի ընտրություններ

ընտրություններ

խոսքի ազատություն

Բաժանորդագրվեք SHANTNEWS.am-ին Telegram-ում

Բոլոր լուրերը

23:59 08.09.2024
Օրանգուտանը ակրոբատիկ հմտությունների շնորհիվ փախել է կենդանաբանական այգուց

Կապակցված լուրեր

23:59 08.09.2024

Օրանգուտանը ակրոբատիկ հմտությունների շնորհիվ փախել է կենդանաբանական այգուց

Տորոնտոյի կենդանաբանական այգում ապրող յոթ օրանգուտաններից մեկը փախել է և ֆիքսվել է տեսանյութում: Այս մասին հայտնում է CTV News-ը։ Քեմբալի անունով օրանգուտանն անհետացել է գիշերվա ընթացքում։ Կենդանաբանական այգու աշխատակիցները չեն կարողացել հասկանալ, թե ուր է նա գնացել, քանի դեռ ականատեսները չեն սկսել նրանց ուղարկել նրա լուսանկարներն ու տեսանյութերը: Պարզվել է, որ Քեմբալին ակրոբատիկ շարժումներով փախուստի […] ...

23:35 08.09.2024

Խոշոր ավտովթար՝ Արմավիրի մարզում. «ՎԱԶ 2106»-ը բախվել է «Ford»-ին, դուրս եկել երթևեկելի գոտուց և հարվածել ծառին. կա 6 տուժած

Այսօր՝ սեպտեմբերի 8-ին, խոշոր ավտովթար է տեղի ունեցել Արմավիրի մարզում։ Ժամը 15:25-ի սահմաններում Երևան-Արմավիր ավտոճանապարհի 25.5 կմ հատվածում բախվել են «ՎԱԶ 2106» և «Ford Transit» մակնիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 6 հոգի, որոնց առաջինն օգնության են հասել քաղաքացիները և օպերատիվորեն ժամանած «Վաղարշապատ» բժշկական կենտրոնի շտապօգնության բժիշկների հերթապահ խմբերը, […] ...

23:13 08.09.2024

Չինացին 104 օր աշխատել է մեկ հանգստյան օրով և մահացել

Չինաստանում 30-ամյա տղամարդը մահացել է 104 օր մեկ հանգստյան օրով աշխատելուց հետո։ Այս մասին հայտնում է South China Morning Post (SCMP) թերթը։ Չժեցզյան նահանգային դատարանը պարզել է, որ Ա’Բաոն մահացել է պնևմակոկային վարակի հետևանքով առաջացած օրգանների անբավարարությունից: Նշվում է, որ հիվանդության պատճառը կարող է լինել թույլ իմունային համակարգը։ Դատարանի որոշման մեջ ասվում է, որ ընկերությունը […] ...

22:48 08.09.2024

Առաջին անգամ հայերեն են թարգմանվել Հարոլդ Փինթերի, Սառա Քեյնի, Էրիկ Էմանուել Շմիտի, Քզավիե Դյուրանժեի և Ուաժդի Մուաուադի պիեսները

Երևանի քաղաքապետարանի կողմից «Թատերական Երևան» ծրագրի շրջանակում դեռևս անցյալ տարի հայտարարվել էր թարգմանական մրցույթ, որը նպատակ ուներ խթանել ժամանակակից դրամատուրգների ստեղծագործությունների բնագրային թարգմանությունը: Մասնավորապես, առաջին անգամ հայերեն են թարգմանվում Հարոլդ Փինթերի, Սառա Քեյնի, Էրիկ Էմանուել Շմիտի, Քզավիե Դյուրանժեի և Ուաժդի Մուաուադի պիեսները: Գրքի երևանյան յոթերորդ փառատոնի շրջանակում «Մհեր Մկրտչյան» արտիստական թատրոնում տեղի ունեցավ օրերս տպագրված […] ...

22:27 08.09.2024

Բորելը մտադիր է Կիև այցելել մինչև իր մանդատի ավարտը

ԵՄ դիվանագիտության ղեկավար Ժոզեպ Բորելն ասել է, որ Ուկրաինան իր աշխատանքի վերջին ամիսներին առաջնահերթություն է մնալու, և նա ակնկալում է կրկին այցելել Կիև՝ նախքան իր լիազորությունները Էստոնիայի նախկին վարչապետ Կայա Կալլասին փոխանցելը։ «Ուկրաինան եղել է իմ մանդատի գլխավոր առաջնահերթությունը: Այժմ, երբ իմ պաշտոնավարումը մոտենում է ավարտին, ես կձգտեմ օգտագործել վերջին ամիսները՝ զարգացնելու համագործակցությունը և մեծացնելու […] ...

22:04 08.09.2024

Խոշոր ավտովթար՝ Երևանում. բախվել են «Nissan Murano»-ն և «Kia Forte»-ն. կա 3 տուժած

Այսօր՝ սեպտեմբերի 8-ին, խոշոր ավտովթար է տեղի ունեցել Երևանում։ Ժամը 18:40-ի սահմաններում Արցախի պողոտա-Էրեբունի փողոցի խաչմերուկում բախվել են «Nissan Murano» և «Kia Forte» մակնիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի մարմնական վնասվածքներով տեղափոխվել է Երևանի տարբեր հիվանդանոցներ։ Վթարի փաստով քննչական բաժնում նախաձեռնվել է քրեական վարույթ, պարզում է վարորդների […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.