24 11 2024

$

389.76
3.79
€

406.40

+12.09 ^oC

Ադրբեջանի ընդդիմությունը հանրահավաք է անելու՝ պահանջելով ձայնի իրավունքը վերադարձնել ժողովրդին

ՏԱՐԱԾԱՇՐՋԱՆ

14:11 12.04.2018

Արտահերթ նախագահական ընտրությունները բոյկոտելուց հետո Ադրբեջանի ընդդիմությունը մտադիր է հանրահավաք անցկացնել ու պահանջել, որ ձայնի իրավունքը վերադարձվի ժողովրդին, տեղեկացնում են ադրբեջանական լրատվամիջոցները։

Ապրիլի 14-ին անցկացվելիք ցույցի մասնակիցները բողոքում են ընտրություններում կեղծումների, կաշառակերության ու իշխանությունների՝ քաղբանտարկյալներին ազատելուց հրաժարվելու դեմ։ Հանրահավաքը նախաձեռնել է Ադրբեջանի «Ժողովրդավարական ուժերի ազգային ճակատ» կուսակցությունը, որի ղեկավար Ջամիլ Հասանլին նույնպես չի մասնակցել ընտրություններին։

Ադրբեջանի նախագահական ընտրությունների ընթացքում կեղծարարություններն արձանագրել են լրատվամիջոցներն ու ընդդիմադիր այլ գործիչներ։ Նրանցից մեկի բնորոշմամբ՝ կիրառվել են ընտրակեղծիքների բոլոր «ավանդական» ձևերը` «կարուսել», կրկնաքվեարկություններ և այլն։ Ընտրատեղամասերից մեկի դեպքում, օրինակ, փակել են ընթացքն առցանց հեռարձակող տեսախցիկի տեսադաշտը ու արել ինչ ուզում են։

Ադրբեջանի իրական ընդդիմությունն ի սկզբանե հրաժարվել էր մասնակցել արտահերթ ընտրություններին, որովհետև այն անակնկալ էր նրանց համար։ Հերթական ընտրությունները պետք է անցկացվեին հոկտեմբերին, սակայն դրանք նշանակելով ապրիլին՝ գործող նախագահ Իլհամ Ալիևն ընդդիմությանը զրկել էր պատշաճ պատրաստվելու հնարավորությունից։

Իսկ որպես թեկնածու առաջադրված 7 գործիչները դրածոներ էին, որոնք սպասարկում են Բաքվի իշխանությունների շահերը։ Նրանցից մեկը նույնիսկ դավաճան է որակել նրանց, ովքեր կողմ չեն քվեարկի գործող ռեժիմին։

«Բազմաթիվ նախարարներ կան կառավարության կազմում, որոնք դեմ են գործող իշխանություններին։ Եթե ես սկսեմ թվել նրանց անունները, չեմ կարողանա վերջացնել ցուցակը։ Սա դավաճանություն է Ադրբեջանի և դրա առաջնորդի նկատմամբ»,– հայտարարել է Հաջիևը։

«Ազատություն» ռադիոկայանը ներկայացրել է, թե նրանցից ով որքան ժամանակ է հատկացրել Ալիևի գովքին։

Exit-poll հարցումներ իրականացրած տեղական ELS և ֆրանսիական Opinion Way կազմակերպությունների տվյալներով` նրանցից ամենաբարձր արդյունք գրանցել էր Գուդրաթ Հասանգուլիևը (համապատասխանաբար 4․23% և 3․1%): Բայց կենտրոնական ընտրական հանձնաժողովի արդեն պաշտոնական տվյալները փաստեցին, որ Ալիևից բացի, թեկնածուներից ոչ մեկը չի գերազանցել նույնիսկ 4 տոկոսը։

Ադրբեջան

Բաժանորդագրվեք SHANTNEWS.am-ին Telegram-ում

Բոլոր լուրերը

00:00 25.11.2024
Ինդոնեզիայում ժայթքել է Դուկոնո հրաբուխը․ Antara

Կապակցված լուրեր

00:00 25.11.2024

Ինդոնեզիայում ժայթքել է Դուկոնո հրաբուխը․ Antara

Ինդոնեզիայի Հալմահերա կղզում գտնվող Դուկոնո հրաբուխը սկսել է ժայթքել և 3 հազար մետր բարձրությամբ մոխրի սյուն է նետել, հաղորդում է Antara գործակալությունը։ Ինդոնեզիայի արտակարգ իրավիճակների ծառայությունները հրաբխում մի շարք ցնցումներ են գրանցել, որի գագաթը ծովի մակարդակից 1 335 մետր է։ Իշխանությունները կոչ են արել տեղի բնակիչներին հեռու մնալ Դուկոնոյի գագաթից 3 կմ շառավղով և դիմակներ […] ...

23:55 24.11.2024

Լիբանանը հայտնել է, որ 24 ժամվա ընթացքում Իսրայելի օդային հարվածների հետևանքով 84 մարդ է զոհվել

Նոյեմբերի 23-ին իսրայելական ավիահարվածների հետևանքով զոհվել է 84 մարդ, վիրավորվել՝ 213 լիբանանցի։ Նման տվյալներ են բերվում Լիբանանի Առողջապահության նախարարությանն առընթեր արտակարգ իրավիճակների կենտրոնի զեկույցում, որը հրապարակվել է Ֆեյսբուքում: Այդ տեղեկատվության համաձայն՝ 2023 թվականի հոկտեմբերին ռազմական սրացման սկզբից ի վեր Իսրայելի ռմբակոծությունների և հրետանային հարձակումների հետևանքով զոհերի ընդհանուր թիվը կազմում է 3 754, իսկ վիրավորներինը՝ 15 […] ...

23:50 24.11.2024

Չոլակուն և Լասկոնին կհանդիպեն Ռումինիայի նախագահական ընտրությունների երկրորդ փուլում

Ռումինիայի Սոցիալ-դեմոկրատական կուսակցության առաջնորդ, վարչապետ Մարսել Չոլակուն կիրակի օրը կայացած նախագահական ընտրությունների առաջին փուլում ստացել է ձայների 25%-ը։ Երկրորդ արդյունքը ցույց է տվել Ելենա Լասկոնին՝ «Ռումինիայի փրկության միություն» աջ կենտրոնամետ կուսակցությունից, որը ստացել է ձայների 18,1%-ը։ Էքզիթ փոլի այս տվյալները հրապարակվել են ընտրատեղամասերի փակումից անմիջապես հետո՝ ժամը 23:00-ին, Քաղաքային և տարածաշրջանային սոցիոլոգիայի կենտրոնի կողմից: Ընտրություններին […] ...

23:40 24.11.2024

Kyodo. ԱՄՆ-ն և Ճապոնիան Թայվանի տարածքում գործողության պլան են մշակում

ԱՄՆ-ի և Ճապոնիայի զինված ուժերը մտադիր են դեկտեմբերին Թայվանում ռազմական ճգնաժամի դեպքում մշակել համատեղ գործողությունների առաջին պլանը, որը կներառի, մասնավորապես, ամերիկյան հրթիռային ուժերի տեղակայումը հարակից Ֆիլիպիններում և ճապոնական կղզիների հարավ-արևմուտքում: Այնտեղ կտեղակայվեն հատուկ հենակետեր, հայտնում է Kyodo գործակալությունը՝ հղում անելով աղբյուրներին։ Գործակալությունը ընդգծում է, որ Թայվանի ճգնաժամի դեպքում այդ ամբողջ հսկայական տարածքը վերածվելու է պատերազմի […] ...

23:20 24.11.2024

Իրավապահները Թբիլիսիում ցուցարարների ավտոշարասյանը թույլ չեն տվել հասնել խորհրդարան

Թբիլիսիում Վրաստանի ՆԳՆ աշխատակիցները հրաժարվել են թույլ տալ ցուցարարների ավտոշարասյանը խորհրդարանի շենք հասնել։ Այս մասին հայտնում է ՏԱՍՍ-ի թղթակիցը հանրահավաքի վայրից։ Ոստիկանության ներկայացուցիչների խոսքով՝ որոշումը կայացվել է խորհրդարանի մոտ նախատեսվող բողոքի ակցիայի անվտանգության միջոցառումներից ելնելով։ Մինչդեռ իրավապահները խնդիր չունեն թույլ տալ ոտքով մարդկանց մոտենալ խորհրդարանին։ Ընտրությունների արդյունքների դեմ Թբիլիսիում հանրահավաքը սկսվել է նոյեմբերի 24-ի երեկոյան։ […] ...

23:00 24.11.2024

SpaceX հրթիռը ուղեծիր է ուղարկել Starlink ինտերնետային արբանյակների նոր խումբ

Falcon 9 հրթիռy կիրակի օրը հաջողությամբ ուղեծիր է դուրս բերել 20 մինի արբանյակների ևս մեկ խմբաքանակ՝ համալրելու Starlink համակարգի գլոբալ ինտերնետ ծածկույթի ուղեծրային համաստեղությունը, հաղորդում է SpaceX ծրագրավորող ընկերությունը: «Հաստատվել է Starlink 20 արբանյակների արձակումը»,- ասվում է հաղորդագրության մեջ։ Հրթիռն արձակվել է Կալիֆոռնիայում ԱՄՆ Վանդենբերգ տիեզերական ուժերի բազայի SLC-4E արձակման հարթակից: Արձակումից մոտ մեկ ժամ […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.