19:23 23.04.2025
Այսօր Արդարադատության նախարար Սրբուհի Գալյանի և Հայաստանում ԵՄ պատվիրակության ղեկավար Վասիլիս Մարագոսի գլխավորությամբ անցկացվել է Հայաստան-ԵՄ արդարադատության ոլորտի ռազմավարական քաղաքականության երկխոսության 4-րդ հանդիպումը։ Հանդիպմանը մասնակցել են պետական մարմինների, քաղաքացիական հասարակության ներկայացուցիչներ և միջազգային գործընկերներ։
Ողջունելով ներկաներին՝ Սրբուհի Գալյանն ընդգծել է, որ նիստի պարբերական անցկացումը վերահաստատում է Հայաստանի հանձնառությունը և ջանքերը՝ խորացնելու ԵՄ-ի հետ հարաբերություններն ու ընդլայնելու կայուն ու արդյունավետ համագործակցությունը:
Նախարարը խոսել է փոխգործակցության հիմնական ուղղությունների մասին՝ առանձնացնելով ՀՀ-ԵՄ Համապարփակ և ընդլայնված գործընկերության համաձայնագիրը, որի իրականացման շրջանակներում Նախարարությունը ևս առանցքային դերակատարում ունի, Հայաստանի և ԵՄ-ի միջև վիզաների ազատականացման երկխոսությունը, ՀՀ-ԵՄ արդարադատության, ազատության և անվտանգության հարցերով ենթակոմիտեի ամենամյա նիստերը, ինչպես նաև ծրագրային համագործակցության տարբեր ձևաչափերը:
Բացման խոսքով հանդես գալով՝ ԵՄ պատվիրակության ղեկավար Վասիլիս Մարագոսը մատնանշել է այն առաջընթացը, որը Հայաստանը գրանցել է դատաիրավական ու հակակոռուպցիոն ռազմավարությունների շրջանակներում, ինչպես նաև անդրադարձել վիզաների ազատականացման երկխոսության շրջանակներում Հայաստան ժամանած առաքելության արձանագրումներին:
Բացման ելույթներից հետո Նախարարի տեղակալ Աննա Կարապետյանը ներկայացրել է դատաիրավական և հակակոռուպցիոն բարեփոխումների ոլորտներում գրանցած առաջընթացը, ինչպես նաև «Աջակցություն Հայաստանում արդարադատության ոլորտի բարեփոխումներին. II փուլ» բյուջետային աջակցության համաձայնագրի շրջանակներում իրականացված գործողությունների մանրամասները:
Հանդիպումը ընթացել է հարց ու պատասխանի ձևաչափով, որի ընթացքում Արդարադատության նախարարը և տեղակալները արձագանքել են հասարակական կազմակերպությունների ու միջազգային գործընկերների հարցադրումներին:
Հանդիպման ավարտին կողմերը վերահաստատել են Հայաստան-ԵՄ բազմաշերտ համագործակցության խորացման կարևորությունը՝ ընդգծելով, որ արդեն իսկ իրականացվող արդյունավետ ծրագրերը կշարունակվեն և իրենց տեղը կգտնեն բարեփոխումների առաջիկա օրակարգերում։
00:00 24.04.2025
Հոգեբանն անվանել է երջանիկ երեխայի մի քանի նշան
00:00 24.04.2025
Հոգեբանն անվանել է երջանիկ երեխայի մի քանի նշանՀոգեբան Կատյա Խիմենես Մոլինսն ասել է, որ երջանիկ երեխային կարելի է ճանաչել մի քանի նշաններով։ Նա դրանք անվանել է La Nacion պարբերականի հետ զրույցում։ Ինչպես նշել է Մոլինսը, երջանիկ երեխան ունի զգացմունքներ արտահայտելու ազատություն։ «Նա կարող է ցույց տալ իր զգացմունքները՝ իմանալով, որ ծնողները կաջակցեն իրեն»,- բացատրել է հոգեբանը։ Նաև նման երեխաները մեծահասակներին միշտ տարբեր […] ...
23:40 23.04.2025
Հայաստանի սամբոյի հավաքականները՝ Կիպրոսի Լիմասոլ քաղաքում մեկնարկած Եվրոպայի առաջնությանըՀայաստանի սամբոյի հավաքականները մասնակցում են Կիպրոսի Լիմասոլ քաղաքում մեկնարկած Եվրոպայի առաջնությանը: Մեծահասակներ/տղամարդիկ, մարզական սամբո․ Դավիթ Հովսեփյան 58կգ Մաքսիմ Մանուկյան 64կգ Կառլեն Մահինյան 71կգ Բորիս Շատվերյան 79կգ Վահագն Չալյան 88կգ Արսեն Խանջյան 98կգ Ժորա Բաղդասարյան +98կգ Մեծահասակներ/տղամարդիկ, մարտական սամբո․ Համլետ Սուքիասյան 58կգ Մայիս Ներսեսյան 64կգ Մհեր Մերջանյան 71կգ Արթուր Մալխասյան 79կգ Ավետիք Պողոսյան 88կգ Արման Ավանեսյան […] ...
23:22 23.04.2025
Դիետոլոգը հերքում է կարտոֆիլի վնասակարության մասին առասպելըԿարտոֆիլը վատ «համբավ» ունի, քանի որ շատերը վախենում են, որ այն բարձրացնում է արյան մեջ շաքարի մակարդակը և մեծացնում շաքարախտի վտանգը, ասել է բրիտանացի սննդաբան Քրիստինա Բոշը: Նա հերքել է կարտոֆիլի վնասակարության մասին առասպելը The Guardian-ի հետ զրույցում։ Ըստ մասնագետի՝ այս մթերքի վնասն ու օգուտը կախված է կարտոֆիլի տեսակից և պատրաստման եղանակից։ Նա հավելել է, […] ...
23:16 23.04.2025
Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբԱպրիլի 23-ին՝ ժամը 22:20-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խոզնավար բնակավայրի ուղղությամբ, ինչի հետևանքով վնասվել է բնակելի տուն։ Տուժածներ չկան: «Ադրբեջանական կողմին կոչ ենք անում հետաքննել Խոզնավարի բնակելի տան գնդակոծման փաստը և հանդես գալ հրապարակային պարզաբանումներով։ Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին […] ...
23:13 23.04.2025
Երևանում անցկացվեց ամենամյա ջահերով երթը Ծիծեռնակաբերդի հուշահամալիրԵրևանի Հանրապետության հրապարակից մեկնարկեց ու Ծիծեռնակաբերդի հուշահամալիրում Հայոց ցեղասպանության զոհերի հիշատակին ծաղիկներ խոնարհելով եզրափակվեց ամենամյա ավանդական ջահերով երթը: «Արմենպրես»-ի հաղորդմամբ՝ ջահերով երթն այս տարի անցկացվեց «Մի´ ուրացիր» խորագրի ներքո, իսկ երթի մասնակիցների ձեռքերում, ջահերից բացի, կային նաև Լեռնային Ղարաբաղի բնակավայրերի անուններով ցուցանակներ։ Երթի կազմակերպիչները նշեցին, որ ջահերով երթն արդարության համար շարունակվող պայքարի խորհրդանիշն է։ Երթի […] ...
23:10 23.04.2025
Բժիշկը նշել է լյարդի չորս հիմնական թշնամիներըՎիրաբույժ Ալեքսանդր Ումնովը խոսել է լյարդի չորս հիմնական թշնամիների մասին: Նա իր կարծիքն է հայտնել Lenta.ru-ի հետ զրույցում։ Վիրաբույժը ալկոհոլն անվանել է որպես առողջ լյարդի ամենակարևոր և ակնհայտ թշնամին, քանի որ չափից ավելի օգտագործումը քայքայում է օրգանի բջիջները։ Դրա հետևանքը լյարդի ցիռոզն է՝ հիվանդի համար ուղեկցող բարդություններով, նշել է Ումնովը։ Լյարդի համար խնդիր են նաև […] ...
