Ռուսաստանը մշտական խորհրդակցությունների մեջ է Իրանի հետ և պատրաստ է անել այն ամենը, ինչ անհրաժեշտ է իրանական միջուկային խնդրի քաղաքական և դիվանագիտական լուծման համար։ Այս մասին ճեպազրույցում ասել է ՌԴ նախագահի մամուլի քարտուղար Դմիտրի Պեսկովը՝ խոսելով Թեհրանի և Վաշինգտոնի միջև թեմայի շուրջ երկխոսության հարցում Մոսկվայի միջնորդական ջանքերի հնարավորության մասին։
«Մենք մշտական խորհրդակցությունների մեջ ենք մեր իրանցի գործընկերների հետ, այդ թվում՝ միջուկային գործարքի թեմայի շուրջ։ Մենք մշտապես կապեր ենք պահպանում և խորհրդակցություններ ենք անցկացնում այդ հարցի շուրջ։ Այդ գործընթացը կշարունակվի, այդ թվում՝ մոտ ապագայում։ Ռուսաստանը պատրաստ է գործադրել բոլոր ջանքերը, անել հնարավոր ամեն ինչ, որպեսզի օգնի լուծել այս խնդիրը քաղաքական և դիվանագիտական միջոցներով»,–ասել է Պեսկովը։
