Ո՞րն է աշխարհի ամենափոքր գետը, որտե՞ղ է այն, և ինչո՞ւ է այն գետ համարվում

«Հիդրոօդերևութաբանության և մոնիթորինգի կենտրոն» ՊՈԱԿ-ը հոդված է հրապարակել աշխարհի ամենափոքր գետի մասին, որն ընդամենը մի քանի մետր է: Որտե՞ղ է այն, և ինչո՞ւ է այն գետ համարվում.

Եթե պատկերացնեք ամենակարճ գետը, ի՞նչ է մեր մտքին գալիս, միգուցե մի փոքրիկ ջրահոսք, որը կարելի է անցնել մեկ ցատկով։

Ֆիննական Կուոկանյոկին հենց այդպիսին է՝ այն ունի ընդամենը 3․5 մետր երկարություն և այն աշխարհի ամենակարճ գետերից մեկն է։

Սակայն նրա «գետ» լինելու կարգավիճակը կատակ չէ։ Այն իրական է, ունի հոսք, գետի թեքություն և նույնիսկ կամուրջ։

Ինչպե՞ս է ստացվում, որ նույնիսկ ջրի այս փոքրիկ աղբյուրը գետ է համարվում:

Որտե՞ղ է գտնվում Կուոկանյոկին և ինչո՞ւ է փոխվել նրա երկարությունը:

Կուոկանյոկի գետը հոսում է Կենտրոնական Ֆինլանդիայում՝ Էնեկոսկի քաղաքում, ավելի հստակ՝ միացնում է երկու ջրավազանները՝ Սումյայնեն և Ալա-Կեյթելեն լճերը։ Առաջին հայացքից դա ընդամենը կարճ գետակ է նրանց միջև, բայց հիդրոլոգիական տեսանկյունից ամեն ինչ ավելի լուրջ է։

Ամենահետաքրքիրն այն է, որ Կուոկանյոկին ժամանակին նույնիսկ ավելի կարճ էր. 50 տարի առաջ այն երկու մետրից ոչ ավելի էր: Սակայն մարդկային գործունեությունը, կամուրջների վերակառուցումն ու ճանապարհաշինությունը ձգել են այն գրեթե երկու անգամ ավելի երկար: Սովորաբար նման փոփոխությունները վնասում են էկոհամակարգերին, բայց այս դեպքում բնությունը միայն օգուտ քաղեց։

Այժմ փոքրիկ գետակը դարձել է տեղական լանդշաֆտի կարևոր տարրը։

Գետ, թե՞ առվակ:

Կարող է թվալ, որ Կուոկանյոկին ավելի շատ առվակի տեսք ունի։

Առվակը — սեզոնային հոսք է, որը կարող է անհետանալ չորային պայմանների/երաշտի ժամանակ։

Գետը — կայուն ջրային հոսք է՝ ջրի մշտական տեղաշարժով, այն ունի հուն և գետաբերան, ջրի մշտական մուտք։

Կուոկանյոկին, չնայած իր երկարությանը, իրեն ճիշտ գետի պես է պահում. նրա հոսքը չի ցամաքում, ջուրը մշտապես տեղափոխվում է մի լճից մյուսը, իսկ գետի հունի թեքությունը ապահովում է բնական հոսքը։

Ո՞ւմ է պետք այս փոքրիկ գետը:

Թեև այն կարելի է հատել երեք քայլով, Կուոկանյոկին կարևոր էկոլոգիական դեր է խաղում։

Այն օգնում է ջրի շրջանառությանը լճերի միջև՝ հագեցնելով այն թթվածնով և կանխելով ջրի կանգը։

Գետը քիչ է հետաքրքրում զբոսաշրջիկներին, բայց ջրաբաններն ու բնական արտասովոր երևույթների սիրահարները հաճախ այցելում են՝ սեփական աչքերով տեսնելու այն։

Փոքր, բայց նշանակալից:

Կուոկանյոկին վառ օրինակ է, թե ինչպես կարող է նույնիսկ ամենափոքր գետը նշանակալից դեր ունենալ։

Այն կապում է ջրային օբյեկտները, աջակցում է բնությանը և մնում էկոհամակարգի կարևոր տարր։

Ու թեև նրա երկարությունն ընդամենը 3.5 մետր է, գլխավորը ոչ թե չափն է, այլ նշանակությունը։