17:42 03.04.2025
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Վիետնամի Սոցիալիստական Հանրապետության կրթության և մասնագիտական ուսուցման նախարարի տեղակալ Նգուեն Վան Ֆուկին:
Հանդիպմանը ներկա է եղել նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Թագուհի Ղազարյանը:
ԿԳՄՍ նախարարի տեղակալ Արթուր Մարտիրոսյանը ողջունել է գործընկերոջը՝ կարևորելով Հայաստանի և Վիետնամի միջև համագործակցությունն ու բարեկամությունը:
Հանդիպման ընթացքում կողմերը, մասնավորապես, անդրադարձել են բարձրագույն և մասնագիտական կրթության ոլորտներում համագործակցության հնարավորություններին:
Արթուր Մարտիրոսյանն ընդգծել է, որ Հայաստանում ընթանում են լայնածավալ բարեփոխումներ կրթության բոլոր մակարդակներում՝ ներկայացնելով դրանց հիմնական ուղղությունները: ԿԳՄՍ նախարարի տեղակալը տեղեկացրել է՝ մշակման փուլում է «Բարձրագույն կրթության և գիտության մասին» օրենքի նախագիծը, որը բարելավումներ է նախատեսում նաև օտարերկրյա ուսանողների ուսուցման կազմակերպման առումով: «Ակադեմիական քաղաք» ծրագրի համատեքստում անդրադարձ է եղել նաև ուսանողների փոխանակման ծրագրերին, միջբուհական համագործակցությանը, համատեղ կրթահետազոտական ծրագրեր իրականացնելու հնարավորությունների զարգացման հեռանկարներին: Ընդգծվել է նաև մասնագիտական ուսուցման ոլորտում երկու երկրների կրթական կառույցների միջև փոխգործակցության ստեղծումը՝ որպես կապերի ամրապնդման հնարավորություն:
Նգուեն Վան Ֆուկը ևս կարևորել է տարբեր ուղղություններով երկկողմ համագործակցությունը՝ նշելով, որ վիետնամական կողմն առանձնակի հետաքրքրված է «Թումո» տեխնոլոգիական կենտրոնի գործունեությամբ, և կարևորվում են համանման կառույցների միջև կապերի հաստատումն ու համատեղ ծրագրերի հնարավորությունը:
Հանդիպման ընթացքում կողմերն անդրադարձել են երկուստեք հետաքրքրություն ներկայացնող այլ հարցերի:
11:51 04.04.2025
Թրամփը մոտ ապագայում կարող է հեռախոսազրույց ունենալ Պուտինի հետ․ PoliticoԱՄՆ նախագահ Դոնալդ Թրամփը մոտ ապագայում կարող է հեռախոսազրույց ունենալ ՌԴ նախագահ Վլադիմիր Պուտինի հետ, գրում է Politico-ն՝ վկայակոչելով Լոնդոնի և Բեռլինի աղբյուրները։ Հրատարակության տվյալներով՝ այս մայրաքաղաքներում ակնկալում են, որ Թրամփի և Պուտինի զրույցը կարող է տեղի ունենալ կամ մինչև հանգստյան օրերը կամ հանգստյան օրերից հետո։ Մարտի 31-ին ՌԴ նախագահի մամուլի քարտուղար Դմիտրի Պեսկովը հայտարարել […] ...
11:33 04.04.2025
Քննարկվել են կրթական ոլորտում Հայաստան-Վիետնամ համագործակցության հնարավորություններըՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Վիետնամի Սոցիալիստական Հանրապետության կրթության և մասնագիտական ուսուցման նախարարի տեղակալ Նգուեն Վան Ֆուկին: Հանդիպմանը ներկա է եղել նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Թագուհի Ղազարյանը: ԿԳՄՍ նախարարի տեղակալ Արթուր Մարտիրոսյանը ողջունել է գործընկերոջը՝ կարևորելով Հայաստանի և […] ...
11:21 04.04.2025
Կհրավիրվեն խորհրդարանական լսումներՀՀ ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ ապրիլի 9-ին կհրավիրվեն խորհրդարանական լսումներ՝ «Ճանապարհային երթեւեկության անվտանգությունը Հայաստանի Հանրապետությունում» թեմայով: Այս մասին հայտնում են ՀՀ ԱԺ-ից։ ...
11:14 04.04.2025
ԱՄՆ-ի հետ հարաբերությունները այլևս նույնը չեն լինի Թրամփի գործողությունների պատճառով․ Կանադայի ԱԳՆԿանադայի արտաքին գործերի նախարար Մելանի Ջոլին ասել է, որ Կանադայի և Եվրամիության հարաբերությունները Միացյալ Նահանգների հետ երբեք նույնը չեն լինի՝ կապված ԱՄՆ նախագահ Դոնալդ Թրամփի՝ առևտրի ոլորտում գործողությունների հետ: «Մենք հասկանում ենք, որ հարաբերություններն այլևս նույնը չեն լինի: Ամերիկացիները ցանկանում են այլ կերպ վարվել հարցերի հետ, մենք դա հասկանում ենք: Եվ այսպես, մենք կձգտենք համաձայնության […] ...
10:55 04.04.2025
ԱՍՀ նախարարի տեղակալ Դավիթ Խաչատրյանը մասնակցել է ՄԱԿ-ի ԵՏՀ տարածաշրջանի կայուն զարգացման համաժողովինՀՀ աշխատանքի և սոցիալական հարցերի նախարարի տեղակալ Դավիթ Խաչատրյանն ապրիլի 2-ից 3-ը մասնակցել է Ժնևում կայացած ՄԱԿ-ի «Կայուն, ներառական, գիտահեն և ապացուցահեն լուծումների առաջխաղացում ԵՏՀ տարածաշրջանում 2030 թ. Կայուն զարգացման օրակարգի և դրա Կայուն զարգացման նպատակների համար» խորագրով միջազգային համաժողովին։ Համաժողովին մասնակցել են տարբեր երկրների բարձրաստիճան պաշտոնյաներ, քաղաքականություն մշակողներ, փորձագետներ և այլ շահագրգիռ կողմեր՝ անդրադառնալու […] ...
