17:06 03.04.2025
ԱԺ ֆինանսավարկային եւ բյուջետային հարցերի մշտական հանձնաժողովի նախագահ Ծովինար Վարդանյանն ապրիլի 3-ին հանդիպել է «Berlin Economics» անկախ խորհրդատվական կազմակերպության գործադիր տնօրեն Ռիկարդո Ջիուչիի, կազմակերպության Հայաստանի պատասխանատու Դմիտրի Չերվիակովի, Գերմանական տնտեսական միավորման գործադիր տնօրեն Մերի Նավասարդյանի, պատվիրակության անդամ Յենթե Մորկի հետ:
«Berlin Economics» անկախ խորհրդատվական կազմակերպության գործադիր տնօրեն Ռիկարդո Ջիուչին ներկայացրել է Հայաստանի տնտեսական եւ էներգետիկ համակարգի ոլորտներում ընկերության իրականացրած հետազոտության ցուցանիշների վերաբերյալ կատարված վերլուծությունները եւ ուսումնասիրությունները, պատասխանել հնչած հարցերին: Ներկայացնելով տնտեսական ոլորտում իրականացված վերլուծության արդյունքները՝ Ռիկարդո Ջիուչին մասնավորապես նշել է, որ Հայաստանում վերջին 5-6 տարվա ընթացքում ՀՆԱ-ն դոլարով արտահայտված կրկնապատկվել է: «Այստեղ ՀՆԱ-ն մեկ շնչի հաշվով ավելի բարձր է, քան, օրինակ, հարեւան Ադրբեջանում»,- նշել է բանախոսը:
Անդրադարձ է եղել Ադրբեջանի հետ խաղաղության պայմանագրի ստորագրման պարագայում մեր երկրի տնտեսության վրա փաստաթղթի դրական ազդեցությանը: Ըստ ներկայացված վերլուծության՝ երկու երկրների միջեւ խաղաղության պայմանագրի ստորագրումը կնպաստի նաեւ Թուրքիայի հետ ուղիղ առեւտրաշրջանառություն ունենալուն, երկու երկրների միջեւ զբոսաշրջության զարգացմանը, Հայաստանում օտարերկրյա ուղիղ ներդրումների ավելացմանը, ծախսերի կրճատմանը:
Շնորհակալություն հայտնելով իրականացված վերլուծության համար՝ հանձնաժողովի նախագահ Ծովինար Վարդանյանը կարեւորել է խաղաղության պայմանագրի կնքումը՝ նշելով, որ ստորագրման պարագայում այն դրական ազդեցություն կունենա տարածաշրջանում թե՛ խաղաղության ապահովման, թե՛ տնտեսական առումներով:
11:51 04.04.2025
Թրամփը մոտ ապագայում կարող է հեռախոսազրույց ունենալ Պուտինի հետ․ PoliticoԱՄՆ նախագահ Դոնալդ Թրամփը մոտ ապագայում կարող է հեռախոսազրույց ունենալ ՌԴ նախագահ Վլադիմիր Պուտինի հետ, գրում է Politico-ն՝ վկայակոչելով Լոնդոնի և Բեռլինի աղբյուրները։ Հրատարակության տվյալներով՝ այս մայրաքաղաքներում ակնկալում են, որ Թրամփի և Պուտինի զրույցը կարող է տեղի ունենալ կամ մինչև հանգստյան օրերը կամ հանգստյան օրերից հետո։ Մարտի 31-ին ՌԴ նախագահի մամուլի քարտուղար Դմիտրի Պեսկովը հայտարարել […] ...
11:33 04.04.2025
Քննարկվել են կրթական ոլորտում Հայաստան-Վիետնամ համագործակցության հնարավորություններըՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Վիետնամի Սոցիալիստական Հանրապետության կրթության և մասնագիտական ուսուցման նախարարի տեղակալ Նգուեն Վան Ֆուկին: Հանդիպմանը ներկա է եղել նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Թագուհի Ղազարյանը: ԿԳՄՍ նախարարի տեղակալ Արթուր Մարտիրոսյանը ողջունել է գործընկերոջը՝ կարևորելով Հայաստանի և […] ...
11:21 04.04.2025
Կհրավիրվեն խորհրդարանական լսումներՀՀ ԱԺ պաշտպանության եւ անվտանգության հարցերի մշտական հանձնաժողովի նախաձեռնությամբ ապրիլի 9-ին կհրավիրվեն խորհրդարանական լսումներ՝ «Ճանապարհային երթեւեկության անվտանգությունը Հայաստանի Հանրապետությունում» թեմայով: Այս մասին հայտնում են ՀՀ ԱԺ-ից։ ...
11:14 04.04.2025
ԱՄՆ-ի հետ հարաբերությունները այլևս նույնը չեն լինի Թրամփի գործողությունների պատճառով․ Կանադայի ԱԳՆԿանադայի արտաքին գործերի նախարար Մելանի Ջոլին ասել է, որ Կանադայի և Եվրամիության հարաբերությունները Միացյալ Նահանգների հետ երբեք նույնը չեն լինի՝ կապված ԱՄՆ նախագահ Դոնալդ Թրամփի՝ առևտրի ոլորտում գործողությունների հետ: «Մենք հասկանում ենք, որ հարաբերություններն այլևս նույնը չեն լինի: Ամերիկացիները ցանկանում են այլ կերպ վարվել հարցերի հետ, մենք դա հասկանում ենք: Եվ այսպես, մենք կձգտենք համաձայնության […] ...
10:55 04.04.2025
ԱՍՀ նախարարի տեղակալ Դավիթ Խաչատրյանը մասնակցել է ՄԱԿ-ի ԵՏՀ տարածաշրջանի կայուն զարգացման համաժողովինՀՀ աշխատանքի և սոցիալական հարցերի նախարարի տեղակալ Դավիթ Խաչատրյանն ապրիլի 2-ից 3-ը մասնակցել է Ժնևում կայացած ՄԱԿ-ի «Կայուն, ներառական, գիտահեն և ապացուցահեն լուծումների առաջխաղացում ԵՏՀ տարածաշրջանում 2030 թ. Կայուն զարգացման օրակարգի և դրա Կայուն զարգացման նպատակների համար» խորագրով միջազգային համաժողովին։ Համաժողովին մասնակցել են տարբեր երկրների բարձրաստիճան պաշտոնյաներ, քաղաքականություն մշակողներ, փորձագետներ և այլ շահագրգիռ կողմեր՝ անդրադառնալու […] ...
