20:43 26.03.2025
Կրթության, գիտության, մշակույթի և սպորտի նախարարությունը կազմակերպում է կրթամշակութային «Վերջին զանգ»–ի մրցույթ: «Արմենպրես»-ի հաղորդմամբ՝ ԱԺ–կառավարություն հարցուպատասխանին այս մասին հայտարարեց Կրթության, գիտության, մշակույթի և սպորտի նախարար Ժաննա Անդրեասյանը:
«Քաղաքացիական պայմանագիր» խմբակցության պատգամավոր Մարինա Ղազարյանը հետաքրքրվեց, թե արդյոք ճի՞շտ են «Վերջին զանգ»–ի միջոցառումներն արգելելու մասին լուրերը:
Նախարարը վստահեցրեց, որ որևէ արգելքի մասին խոսք չկա:
«Ամեն տարի մեր շրջանավարտներին հորդորում ենք, որ չմոռանան, թե ինչի մասին է «Վերջին զանգը»: Դա իրենց կյանքի որոշակի փուլն ամփոփելու, այդ օրն իրենց հույզերը միասին կիսելու, գուցե իրենց գնահատանքի խոսքերն իրենց ուսուցիչներին փոխանցելու, իրենց ընկերների հետ այդ օրը նշելու ժամանակն է: Սակայն ժամանակի հետ մոռանում ենք այդ բովանդակությունը և ամբողջ շեշտադրումը տանում ենք նյութական որոշակի ցուցամոլության, որտեղ անգամ խոսքը հասնում է աներևակայելի բաների, թե քանի խցիկով քանի կողմից պետք է նկարվի միջոցառումը, քանի հարյուր հազար դրամ պետք է տրամադրվի սցենարների գնման համար, որոնք բացարձակապես չեն արտահայտում որևէ երեխայի միտքն ու էմոցիան: Եվ ընդհանրապես այդ օրվա բովանդակությունն ամբողջությամբ կորսվում է և դառնում է ընդամենը տարբեր դպրոցների միջև մրցավազք՝ առաջին հերթին ստեղծելով սոցիալական պարտադրանք բոլոր նրանց համար, որոնք գուցե ամենևին այլ կերպ են պատկերացնում իրենց այդ օրը: Մեր ասածն այն է, որ այս տրամաբանությունից պետք է դուրս գալ: «Վերջին զանգն» իրականում օր է, որտեղ կարող ենք նաև տեսնել մեր երեխաների ստեղծագործական միտքը: Եվ այս տարի հենց այդ տրամաբանության մեջ կազմակերպում ենք նաև կրթամշակութային «Վերջին զանգ»–ի մրցույթ», –ասաց նախարարը:
Մրցույթի համար արդեն ձևավորված են ժյուրիներ՝ ամեն մարզի համար: Դպրոցների մասնակցությունը լինելու է կամավոր, ամբողջ ընթացակարգը ներկայացված է դպրոցներին: Անդրեասյանը նշեց, որ կփորձեն խրախուսել հենց այն բովանդակությունը, որ նախարարությունը ցանկանում է տեսնել:
«Իսկ ուզում ենք տեսնել մի բան՝ ուզում ենք տեսնել, որ այդ օրը մեր դպրոցական բեմերում մեր երեխաները իրենց խոսքն են ասում, և այդ խոսքն արտահայտում է հենց իրենց էմոցիաները, հենց իրենց կողմից ամենակարևորվող ուղերձները և այդ խոսքը լսելի է առանց արտաքին այն ճոխությունների, որոնց վրա այդքան մեծ շեշտադրում է արվում»,– նշեց նա:
23:59 29.03.2025
Վերջին 3 տարում ավելացրել ենք 45.8 հա նոր կանաչ տարածք, տնկել ավելի քան 20 000 ծառ. ԱվինյանՎերջին 3 տարում մենք միասին ավելացրել ենք 45.8 հա նոր կանաչ տարածք, տնկել ենք ավելի քան 20 000 ծառ՝ կաղնի, գնդաձև սոսի, կատալպա և այլն։ Այս մասին Ֆեյսբուքի իր էջում տեղեկացրել է Երևանի քաղաքապետ Տիգրան Ավինյանը: «Ընտրվել են ծառեր, որոնք դիմացկուն են, չեն առաջացնում ալերգիա, ապահովում են մաքուր օդ ու ստվեր, լավ են աճում Երևանի […] ...
23:49 29.03.2025
Քվեարկության օրը բոլոր տեղամասերից իրականացվելու է համաժամանակյա ուղիղ հեռարձակում․ ԿԸՀՄարտի 30-ի ՏԻՄ ընտրությունների համար ձևավորված բոլոր 98 ՏԸՀ-ներն այսօր գումարել են իրենց նիստերը և կահավորել քվեարկության սենյակները: Այս մասին հայտնել են ՀՀ կենտրոնական ընտրական հանձնաժողովից։ Քվեարկության օրը բոլոր տեղամասերից իրականացվելու է համաժամանակյա ուղիղ հեռարձակում, որին կարելի է հետևել այս հղումով։ ...
23:45 29.03.2025
Հրդեհ ավտոտեխսպասարկման կետում․ կանխվել է հրդեհի տարածումը դեպի հարակից շինություններՄարտի 29-ին, ժամը 18:03-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արին Բերդի 1-ին նրբանցքում գտնվող ավտոտեխսպասարկման կետում այրվում է ավտոմեքենա։ Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ: Հրդեհը մեկուսացվել է ժամը 18։18-ին, մարվել՝ 18։29-ին։ Ավտոտեխսպասարկման կետում այրվել են կախովի առաստաղը (մոտ 15 քմ) […] ...
23:33 29.03.2025
Արմավիրի մարզում «ՎԱԶ 21099»-ը դուրս է եկել երթևեկելի գոտուց, բախվել քարերին և կողաշրջվել․ կա վիրավորՄարտի 29-ին, ավտովթար է տեղի ունեցել Արմավիրի մարզում։ Ժամը 18։30-ի սահմաններում Արմավիրի մարզի բնակիչ 50-ամյա Նորայր Մ․-ն իր վարած «ՎԱԶ 21099» մակնիշի ավտոմեքենայով Արմավիր գյուղում դուրս է եկել երթևեկելի գոտուց, բախվել քարերին և կողաշրջվել։ Ինչպես հայտնում է shamshyan.com-ը, վթարի հետևանքով վարորդ Նորայր Մ․-ն մարմնական վնասվածքներով տեղափոխվել է «Արմավիր» բժշկական կենտրոն։ Վթարի մասին ՊԾ Արմավիրի մարզի […] ...
23:17 29.03.2025
Մանսուրյանական բացառիկ ստեղծագործությունը՝ մանկապատանեկան երգչախմբի համարՀՀ ժողովրդական արտիստ, կոմպոզիտոր Տիգրան Մանսուրյանը Երևանի քաղաքապետարանի նախաձեռնությամբ և հատուկ պատվերով հեղինակել է մանկապատանեկան խմբերգային ստեղծագործություն, որը կրում է «Խաղիկներ» խորագիրը: Այս մասին հայտնել են Երևանի քաղաքապետարանից: Այն բաղկացած է ժողովրդական աղոթքներից և միջնադարյան հայրեններից: Մաեստրոյի «Ժողովրդական» այս ստեղծագործությունը առաջին անգամ կհնչի Երևանի քաղաքապետարանի երաժշտական և արվեստի դպրոցների 16-րդ մրցույթ-փառատոնի եզրափակիչ համերգի ընթացքում, որը […] ...
22:44 29.03.2025
Հրշեջ-փրկարարները մարել են խոտածածկ տարածքներում բռնկված հրդեհներըՄարտի 29-ին ՆԳՆ ՓԾ Ճգնաժամային կառավարման ազգային, Արարատի, Արմավիրի, Տավուշի, Լոռու, Գեղարքունիքի, Կոտայքի և Սյունիքի մարզային ճգնաժամային կառավարման կենտրոններում ահազանգեր են ստացվել տարբեր տարածքներում բռնկված խոտածածկույթի հրդեհների վերաբերյալ։ Մասնավորապես՝ Երևանում, Եղվարդ, Չարենցավան, Հրազդան, Մասիս, Վեդի, Սիսիան, Գորիս, Վանաձոր, Մարտունի, Տաշիր քաղաքներում, Արալեզ, Աստղաձոր, Անտառաշատ, Աճանան, Դարակերտ, Դալար, Երանոս, Լեռնաձոր, Լճաշեն, Խնձորեսկ, Հովտաշեն, Նորաշեն, Պառավաքար գյուղերում, […] ...
