18:36 19.03.2025
ԱԺ տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի` մարտի 19-ի նիստի օրակարգում էր նաեւ ՀՀ կառավարության ծրագրի (2021-2026 թթ.) 2024 թվականի կատարման ընթացքի եւ արդյունքների մասին զեկույցը:
2024 թվականին Շրջակա միջավայրի նախարարությունում մշակվել է 69 իրավական ակտ, որից չորսը` օրենք. այս մասին տեղեկացրել է նախարար Հակոբ Սիմիդյանը` հանձնաժողովին ներկայացնելով գերատեսչության նախորդ տարվա կատարած աշխատանքները:
Զեկուցողը կարեւորել է ՀՀ ջրային օրենսգրքում կատարված փոփոխությունները, որոնց արդյունքում հորից ջրօգտագործման դադարեցման դեպքում լուծարման կամ կոնսերվացման աշխատանքները կատարելու են բացառապես շինարարության իրականացման լիցենզիա ունեցող անձինք` ջրօգտագործողի միջոցներով: Նախարարաի խոսքով 2024 թվականի հուլիսի 1-ից մակերեւութային եւ ստորերկրյա ջրային ռեսուրսներից ապօրինի ջրօգտագործման դեպքերի համար նախատեսվել են տարբերակված վարչական տույժեր: Սահմանվել են Արարատի եւ Արմավիրի մարզերի այն համայնքները, որտեղ արգելվում է նոր հորատանցքերի, իսկ ձկնաբուծական նպատակներով նաեւ գործող հորատանցքերի միջոցով նոր ջրօգտագործման թույլտվությունների տրամադրումը: Գործարկվել է փաստացի ջրառի տվյալների առցանց փոխանցման միասնական հարթակը: Հակոբ Սիմիդյանը նշել է, որ արձանագրվել է Սեւանա լճի մակարդակի բարձրացում. 2024 թվականի դեկտեմբերի 31-ի դրությամբ այն կազմել է 1900 մ 39 սմ: Առաջին անգամ կատարվել են Սեւանա լճի ջրի որակի մոնիտորինգային աշխատանքներ: Նախարարի խոսքով շարունակվել են պետբյուջեից ֆինանսավորվող Սեւանի իշխանի պաշարների վերականգնման, ձկնաբուծության զարգացման, ինչպես նաեւ եզակի եւ էնդեմիկ համարվող Սեւանի կողակ ձկնատեսակի պոպուլյացիայի վերականգնման աշխատանքները: Բնության հուշարձանների գույքագրման աշխատանքները եւս շարունակվել են, հիմնադրվել է 9 հա նոր տնկարան:
ՀՀ տարածքային կառավարման եւ ենթակառուցվածքների նախարարի տեղակալ Քրիստինե Ղալեչյանը նախ անդրադարձել է անցած տարի Լոռու եւ Տավուշի մարզերում հեղեղումների հետեւանքով հասցեագրված միջոցառումների իրականացման ու կատարման աշխատանքին, նշել, որ այդ գործընթացները շարունակական են լինելու նաեւ 2025 թվականին: Փոխնախարարը մանրամասնել է նաեւ բնական ռեսուրսների կառավարման, ավտոմոբիլային, օդային եւ երկաթուղային տրանսպորտի ուղղությամբ նախարարության կատարած միջոցառումները, ճանապարհաշինարարական, ջրային տնտեսության ոլորտի աշխատանքները:
Համայնքների բյուջեներին հատկացվող ֆինանսական համահարթեցման դոտացիաները 2025 թվականի համար նախատեսվել է 98 մլրդ դրամ, որը 12,9 մլրդ դրամով ավելի է 2024-ին հատկացված 85,3 մլրդ դրամից:
Նախորդ տարի համայնքների բյուջեների փաստացի եկամուտները կազմել են 273 մլրդ դրամ` գերազանցելով 2023 թվականի նույն ցուցանիշը 10 տոկոսով:
Հանրապետության տարբեր բնակավայրերում 420 սուբվենցիոն ծրագիր եւ ենթածրագիր է իրականացվել` շուրջ 58,7 մլրդ դրամի չափով: Կառավարության տարբեր որոշումներով բյուջեից հատկացվել է 31,8 մլրդ դրամ:
ՀՀ էկոնոմիկայի նախարարի տեղակալ Տաթեւիկ Սարգսյանը ներկայացրել է հաշվետու տարում Էկոնոմիկայի նախարարության` գյուղատնտեսության մասով զեկույցը: 2024 թվականին գյուղատնտեսության համախառն արտադրանքը կազմել է շուրջ 958,8 մլրդ դրամ, նախորդ տարվա նկատմամբ աճը կազմել է 1,6 տոկոս, որից բուսաբուծությունը` շուրջ 455,6 մլրդ դրամ, նախորդ տարվա նկատմամբ աճը կազմել է 0,9 տոկոս: Անասնասնաբուծությունը կազմել է 503,2 մլրդ դրամ, նախորդ տարվա նկատմամբ աճը կազմել է 2,2 տոկոս:
Փոխնախարարը նաեւ մանրամասներ է ներկայացրել իրականացված ծրագրերի վերաբերյալ: Նշվել է, որ դրանք շարունակվում են ընթացիկ տարում:
Զեկուցողները պատասխանել են պատգամավորների հարցերին:
Ոլորտային զեկույցներն ընդունվել են ի գիտություն:
22:58 19.03.2025
ՀՀ ԲՏԱ նախարարությունը մասնակցել է «Համաշխարհային բջջային կոնգրես 2025» միջազգային ցուցահանդեսինՀՀ ԲՏԱ նախարարությունը մարտի 3-6-ը Իսպանիայի Թագավորության Բարսելոնա քաղաքում արդեն երրորդ անգամ մասնակցել և «Հայաստան» միասնական տաղավարով հանդես է եկել «Համաշխարհային բջջային կոնգրես 2025» միջազգային ցուցահանդեսին, որտեղ ներկայացվել են ոլորտային 10 մասնակից և 7 այցելու կազմակերպություններ, ինչպես նաև «Ներդրումների աջակցման կենտրոն» (Enterprise Armenia) հիմնադրամը: Այս մասին հայտնել են ԲՏԱ նախարարությունից: Նախարարության պատվիրակությունը գլխավորել է ՀՀ […] ...
22:44 19.03.2025
Կասկադն ավարտուն տեսք կունենա. ԱվինյանԵրևանի քաղաքապետ Տիգրան Ավինյանը Ֆեյսբուքի իր էջում տեղեկացրել է, որ Կասկադն ավարտուն տեսք կունենա։ «Ծրագիրն իրականացվելու է ֆրանսիացի հեղինակավոր ճարտարապետ Ժան-Միշել Վիլմոտի էսքիզի հիման վրա: Պարոն Վիլմոտն այսօր Երևանում էր, ում հետ քննարկեցինք հետագա աշխատանքների ընթացքը»,- գրել է քաղաքապետը: ...
22:37 19.03.2025
Սաուդյան Պրո լիգան չի բանակցում Վինիսիուսի հետՊրո լիգայի Մարքեթինգի և հաղորդակցության բաժնի տնօրենը հայտնել է, որ լիգան չի բանակցում «Ռեալի» բրազիլացի հարձակվող Վինիսիուս Ժունիորի հետ վերջինիս տեղափոխության շուրջ: «Վինիսիուսի տեղափոխությունը շատ զգայուն հարց է: Միայն ակումբներն ունեն ֆուտբոլիստների հետ բանակցություններ վարելու բացարձակ արտոնություն, լիգան չի խառնվում նրանց գործերին: Մենք նաև չենք ստիպում ակումբներին ձեռք բերել այս կամ այն ֆուտբոլիստի: Իհարկե, մենք […] ...
22:29 19.03.2025
Թեհրանի «Ազադի» աշտարակը, լուսավորվել է այդ թվում՝ ՀՀ պետական դրոշովԻրանական Ամանորի նախատոնական միջոցառումների շրջանակում Թեհրանի խորհրդանիշներից մեկը՝ «Ազադի» աշտարակը, լուսավորվել է տարբեր երկրների, այդ թվում՝ Հայաստանի Հանրապետության պետական դրոշով։ Այս մասին հայտնել են Իրանում ՀՀ դեսպանությունից: Աշտարակի վրա ներկայացվել է նաև նոուրուզյան հայերեն շնորհավորանք՝ վկայելով գարնանամուտի այս հնագույն տոնի համամարդկային նշանակությունն ու հայ և իրանցի ժողովուրդների միջև դարավոր բարեկամությունը։ ...
22:20 19.03.2025
Երևան-Սևան ավտոճանապարհին «Mercedes GLE»-ն դուրս է եկել երթևեկելի գոտուց, մի քանի պտույտ շրջվել՝ հայտնվելով ձորում. կան տուժածներՄարտի 19-ին, խոշոր ավտովթար է տեղի ունեցել Կոտայքի մարզում: Ժամը 14:10-ի սահմաններում «Mercedes GLE» մակնիշի ավտոմեքենան Երևան-Սևան ավտոճանապարհի 21,5 կմ հատվածում՝ դեպի Սևան ընթանալիս, դուրս է եկել երթևեկելի գոտուց, և մոտ 100 մետր ապառաժ քարերին բախվելով, մի քանի պտույտ շրջվելով հայտնվել է ձորում՝ քարերի վրա: Ինչպես հայտնում է shamshyan.com-ը, վթարի հետևանքով վարորդն ու ողևորը տեղափոխվել […] ...
