18:08 17.03.2025
Տեղի է ունեցել ավագ սերնդի ներկայացուցիչների հիմնախնդիրներով զբաղվող միջգերատեսչական հանձնաժողովի ընդլայնված նիստ, որին մասնակցել են շահագրգիռ գերատեսչությունների, ոլորտում գործունեություն իրականացնող հասարակական կազմակերպությունների ներկայացուցիչներ, շուրջօրյա խնամքի հաստատությունների աշխատակիցներ։
Նիստի օրակարգում ավագ սերնդի ներկայացուցիչների հիմնահարցերի ոլորտի 2026-2028 թվականների միջնաժամկետ ծախսային ծրագրի հայտի ներկայացումն էր։
Աշխատանքի և սոցիալական հարցերի նախարարի տեղակալ Տաթևիկ Ստեփանյանը, ընդգծելով պետության կողմից իրականացվող միջնաժամկետ ծախսային ծրագրերի ձևավորման գործում նաև հասարարակական կազմակերպությունների աջակցության դերը, նշել է, որ ավագ սերնդի ներկայացուցիչների հիմնահարցերի ոլորտում առկա միջոցառումներին զուգահեռ կան նաև նոր նախաձեռնություններ, որոնց իրականացումը ապահովելու է ակտիվ, առողջ և արժանապատիվ ծերություն։ Վերջինս խոսել է նաև ժողովրդագրության ռազմավարությունից բխող այն գործողությունների և միջոցառումների մասին, որոնք նպաստելու են համայնքում ավագ սերնդի ներկայացուցիչների ներուժի լիարժեք օգտագործմանը։
Նախարարության հավասար հնարավորությունների վարչության տարեցների հիմնահարցերի բաժնի պետ Հայկ Հարությունյանը նիստի անդամներին ներկայացրել է Հայաստանի և Արևելյան Եվրոպայի երկրների բնակչության ցուցանիշների համեմատական ուսումնասիրության արդյունքները։ Խոսել է նաև Հայաստանում տարեց անձանց տարբեր տարիներին առկա թվաքանակի աճի կամ նվազման, դրանց վրա ազդող հանգամանքների մասին։
Վերջինս անդրադարձել է ավագ սերնդի ներկայացուցիչների հիմնահարցերի ոլորտում կիրառվող օրենսդրական փաստաթղթերին, շուրջօրյա խնամքի հաստատություններում մատուցվող ծառայություններին, շենքային պայմանների բարելավմանը, ինչպես նաև համայնքահեն ծառայությունների զարգացման աշխատանքներին։
Հարց ու պատասխան ձևաչափով նիստի անդամները քննարկել են ոլորտում առկա խնդիրները, 2026-2028թթ․ հայտում ներառված միջոցառումները, ներկայացրել են իրենց դիտարկումներն ու առաջարկները։
22:11 17.03.2025
Վերջին տարիներին Գյումրիում իրականացվել են մոտ 11 մլրդ դրամի սուբվենցիոն ծրագրերՎերջին տարիներին Գյումրիում մոտ 11 մլրդ դրամի սուբվենցիոն ծրագրեր են իրականացվել, 144 մլն ծախսվել է միայն մշակութային շենքերի նորոգման համար: Հայաստանի երկրորդ քաղաքում Տիկնիկային թատրոնն ու Ասլամազյան քույրերի պատկերասրահն են բարեկարգվել՝ Կառավարություն-համայնք գործակցությամբ: Ամբողջությամբ պետբյուջեի հատկացումներով են վերափոխվել, ամրացվել Վ. Աճեմյանի անվան դրամատիկական թատրոնի, թիվ 1 ավագ դպրոցի հուշարձան-շենքերը: Մանրամասները՝ ՀՀ կառավարության տեսանյութում: ...
21:54 17.03.2025
Հայաստանը ողջունել է Ղրղզստանի և Տաջիկստանի միջև պետական սահմանի մասին պայմանագրի ստորագրումըՀայաստանի ողջունում է Ղրղզստանի և Տաջիկստանի միջև պետական սահմանի մասին պայմանագրի ստորագրումը։ Այս մասին ՀՀ ԱԳՆ-ն հայտարարություն է տարածել X-ի միկրոբլոգում: «Սա սահմանային հարցերի խաղաղ լուծման լավագույն օրինակներից է և երկու հարևան պետությունների քաղաքական կամքի դրսևորում՝ խաղաղ համակեցության և նրանց ժողովուրդների բարօրության ուղղությամբ։ Հույս ունենք, որ այս կարևոր քայլը կհանգեցնի կայուն խաղաղության, անվտանգության և համագործակցության […] ...
21:43 17.03.2025
ԱՄՆ-ն ռազմական տեխնիկա է ուղարկում Հայաստան. ո՞րն է նպատակըԹեև Հայաստանն ու Ադրբեջանը հայտարարեցին, թե ավարտել են խաղաղության պայմանագրի շուրջ բանակցությունները, բայց Ադրբեջանը կարծես չի շտապում ստորագրել այդ փաստաթուղթը: Ավելին՝ վերջին օրերին մի քանի անգամ ապատեղեկատվություն է տարածել, թե սահմանին Հայաստանը կրակ է բացել իրենց դիրքերի ուղղությամբ: Այս ապատեղեկատվությունից հետո էլ հայտնի է դառնում, որ ԱՄՆ նախագահի ազգային անվտանգության հարցերով խորհրդականը զանգել է Բաքու […] ...
21:32 17.03.2025
Ֆրանսիայում ՀՀ դեսպանը հանդիպել է Լուվրի թանգարանի նախագահ-տնօրենի հետՄարտի 17-ին Ֆրանսիայում ՀՀ դեսպան Արման Խաչատրյանը հանդիպել է Լուվրի թանգարանի նախագահ-տնօրեն Լորանս դե Կարի հետ։ Այս մասին հայտնել են Ֆրանսիայում ՀՀ դեսպանությունից։ Հանդիպման ընթացքում անդրադարձ է կատարվել մշակույթի ոլորտում Ֆրանսիայի և Հայաստանի միջև հաստատված համագործակցությանը։ Զրուցակիցները քննարկել են մասնավորապես Լուվրի թանգարանի Արևելքի անտիկ շրջանի դեպարտամենտի, ինչպես նաև Բյուզանդական և Արևելքի քրիստոնյաների ժառանգությանը նվիրված նոր […] ...
21:19 17.03.2025
Մհեր Գրիգորյանը և «Վիզ էյր»-ի գլխավոր տնօրենը քննարկել են Հայաստանում ընկերության գործունեության ընդլայնման հնարավորություններըՓոխվարչապետ Մհեր Գրիգորյանն ընդունել է «Վիզ էյր» ընկերության կոմերցիոն և գործառնական գլխավոր տնօրեն Մայքլ Դելեհանթի գլխավորած պատվիրակությանը: Հանդիպման սկզբում փոխվարչապետ Մհեր Գրիգորյանը կարևորել է ընկերության գործունեությունը Հայաստանում՝ ընդգծելով դրա նշանակությունը զբոսաշրջության և մարդկանց շարժունակության ակտիվացման տեսանկյունից: Զրուցակիցները քննարկել են Հայաստանում «Վիզ էյր» ընկերության գործունեության ընդլայնման հնարավորությունները՝ ինչպես Երևանի «Զվարթնոց» միջազգային, այնպես էլ Գյումրի քաղաքի վերանորոգված […] ...
