16:30 08.03.2025
Ռուս-հայկական մարդասիրական արձագանքման կենտրոնի «ՆԳՆ փրկարարական ծառայողների 2025 թվականի ուսուցման որակավորման բարձրացման պլան»-ի համաձայն՝ փետրվարի 16-ից մարտի 1-ն ընկած ժամանակահատվածում, Փրկարար ծառայության Փրկարար ուժերի վարչության հատուկ նշանակության փրկարարական աշխատանքների իրականացման կենտրոնից և Գեղարքունիքի մարզային փրկարարական վարչության Սևանի հատուկ ջրափրկարարական ջոկատից թվով 5 փրկարարական ծառայողներ Ռուսաստանի Դաշնությունում անցել են որակավորման բարձրացման դասընթաց «Ջրասուզական պատրաստություն» թեմայով։
Դասընթացի տեսական մասն անցել է ՌԴ ԱԻՆ քաղաքացիական պաշտպանության ակադեմիայում, իսկ գործնական պարապմունքները կազմակերպվել են Մոսկվա գետում:
Դասընթացի նպատակն էր խորացնել ջրասուզակային գործում փրկարարների մասնագիտական գիտելիքներն ու գործնական հմտությունները, զարգացնել նրանց կարողությունները բարդ պայմաններում արդյունավետ գործողությունների իրականացման համար, միևնույն ժամանակ խթանել թիմային համախմբվածությունը՝ ստեղծելով այնպիսի վստահություն, որը կօգնի նրանց հաղթահարել անգամ ամենադժվար և անկանխատեսելի իրավիճակները։
Ջրափրկարարներին ներկայացվել են ջրասուզակային հիվանդությունների դասակարգման հիմունքները, առաջին օգնության կանոնները, հատուկ սարքավորումների և հանդերձանքի կիրառման, ինչպես նաև ջրասուզակի առողջության վրա խորության ազդեցության առանձնահատկությունները:
Միևնույն ժամանակ հայ փրկարարները ծանոթացել են ՌԴ-ում իրականացվող ստորջրյա որոնողական և որոնողափրկարարական աշխատանքների առանձնահատկություններին և անվտանգության կանոնների պահպանման ձևերին, ջրասուզական կայաններում ջրասուզական աշխատանքների կազմակերպման ժամանակ պահանջվող փաստաթղթերի լրացման կարգին և ձևերին, ջրասուզական աշխատանքների իրականացման համար նախատեսված խմբի կազմի, այդ կազմում ընդգրկված առանձին մասնագետների ֆունկցիոնալ պարտականություններին և դրանց իրականացման ձևերի կարգին, ջրասուզակների որակավորման կարգերին, խմբերի ու տարբեր որակավորման կարգեր ունեցող ջրասուզակներին ներկայացվող մասնագիտական կարողությունների և դրանցից բխող մասնագիտական պարտականություններին, ջրասուզական աշխատանքների տեսակներին, աշխատանքների ժամանակ առաջացած վթարային իրավիճակներում ջրասուզական խմբի կողմից իրականացվող գործողություններին։
Գործնական պարապմունքների ընթացքում մասնակիցներն իրականացրել են սուզումներ տարբեր ջրասուզական սարքավորումներով և հանդերձանքով, փնտրել խորտակված առարկաներ և բարձրացրել դրանք ջրի մակերևույթ, ցուցաբերել օգնություն տուժածներին, ինչպես նաև տարբեր պայմաններում ջրի տակ կազմակերպել այլ աշխատանքներ՝ այդպիսով զարգացնելով տարբեր տեսակի ստորջրյա գործիքների կիրառմամբ աշխատանքների և սառցե մակերեսի վրայից ու սառույցի տակ իրականացվող ստորջրյա որոնողական աշխատանքների հմտությունները:
Դասընթացի ավարտից հետո ակադեմիայի ղեկավարի կողմից հայ փրկարարներին հանձնվել են որակավորման բարձրացման հավաստագիր-վկայականներ:
16:00 09.03.2025
Գյումրիի և Փարաքարի ՏԻՄ ընտրություններին ընդառաջ գալա միջոցառում Գյումրիում. Փաշինյանը տեսանյութ է հրապարակելՀՀ վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել, որին կից գրել է․ «Գյումրիի և Փարաքարի ՏԻՄ ընտրություններին ընդառաջ Գյումրիում գալա միջոցառում է»։ ...
15:50 09.03.2025
Մերցը բացառել է Գերմանիայի կողմից սեփական միջուկային զենք ձեռք բերելու տարբերակըՔրիստոնեա-դեմոկրատական միության (ՔԴՄ) առաջնորդ, Գերմանիայի հավանական ապագա կանցլեր Ֆրիդրիխ Մերցը բացառել է Գերմանիայի սեփական միջուկային զենք ունենալու տարբերակը, սակայն ասել է, որ մտադիր է Ֆրանսիայի և Մեծ Բրիտանիայի հետ քննարկել Եվրոպան իրենց միջուկային ուժերի միջոցով պաշտպանելու հարցը։ «Միջուկային զենքի փոխանակումն այն թեման է, որը մենք պետք է քննարկենք»,- ասել է նա Deutschlandfunk ռադիոկայանին տված հարցազրույցում։ […] ...
15:30 09.03.2025
Ուկրաինան բացել է պետական ռազմական տեխնոլոգիաների հասանելիությունըՈւկրաինայի իշխանությունները բացել են պետությանը պատկանող ռազմական տեխնոլոգիաների հասանելիությունը։ Այս մասին հայտարարել է Ուկրաինայի ռազմավարական արդյունաբերության նախարար Գերման Սմետանինը։ «Պետությանը պատկանող ռազմական տեխնոլոգիաներին հասանելիությունը բաց է: Կառավարությունը հավանություն է տվել բանաձևին, որը կարգավորում է ուկրաինական զենքի նախագծային փաստաթղթերը տարբեր բիզնես սուբյեկտներին փոխանցելու կանոնները՝ արտադրությունը մեծացնելու նպատակով», – գրել է նա Telegram-ի ալիքում: Նախարարի խոսքով, եթե […] ...
15:10 09.03.2025
Համայնքապետը՝ հյուսիսից. Ջեմմա Հարությունյանը՝ իր գործունեության մասինՀամայնքապետը՝ հյուսիսից. Ջեմմա Հարությունյան: Մանրամասները՝ Կառավարության տեսանյութում։ ...
14:50 09.03.2025
Մեծ Բրիտանիան շարունակում է հետախուզական տեղեկություններ փոխանակել Ուկրաինայի հետՄեծ Բրիտանիան շարունակում է Ուկրաինայի հետ հետախուզական տեղեկատվության փոխանակումը և կիբերանվտանգության աջակցությունը: Այս մասին Sky News-ին տված հարցազրույցում հայտարարել է Լանկաստերի դքսության կանցլեր (հատուկ հանձնարարությունների նախարար) Փեթ Մաքֆադենը։ «Մենք շարունակում ենք զենք մատակարարել Ուկրաինային և տրամադրել հետախուզական աջակցություն և օգնություն կիբերճակատում», – ասել է նա։ Մաքֆադենը հավելել է, որ Մեծ Բրիտանիայի պաշտպանության նախարար Ջոն Հիլին […] ...
14:29 09.03.2025
Լաթաքիայում վերսկսվել են բախումները Սիրիայի անվտանգության ուժերի և Ասադի կողմնակիցների միջևԼաթաքիա նահանգում վերսկսվել են բախումները անվտանգության ուժերի, որոնք ենթակա են Սիրիայի նոր իշխանություններին, և երկրի նախկին նախագահ Բաշար ալ-Ասադի զինված կողմնակիցների միջև։ Այս մասին հայտնում է Al-Ikhbaria հեռուստաալիքը։ Հանրային անվտանգության վարչությունը լրացուցիչ ուժեր է ուղարկել Տարտուս նահանգում գտնվող Էլ-Կադմուս քաղաքի տարածք՝ «անվտանգությունը պահպանելու, կայունությունը բարձրացնելու և տարածաշրջանում անդորրը վերականգնելու նպատակով»։ ...
