11:15 04.03.2025
«Քաղաքացիական պայմանագիր» խմբակցության պատգամավոր Հայկ Սարգսյանը առաջարկում է շահումով խաղերի և բուքմեյքերական գործունեության համար սահմանել 10 տոկոս շրջանառության հարկ։
«Արմենպրես»-ի հաղորդմամբ՝ Ազգային ժողովի հերթական նիստի ժամանակ նա նշեց, որ վերջին 13 տարիներին շահումով խաղերի և բուքմեյքերական գործունեության ծավալները կտրուկ աճել են։
«Եթե 2010 թվականին շրջանառության ծավալները կազմում էին 35 միլիոն դոլար, իսկ հարկերի հարաբերակցությունը 2,6 միլիոն դոլար էր կամ 7,2 տոկոս, ապա 2010-2023 թվականների ընթացքում գործունեության ծավալն աճել է ավելի քան 440 անգամ և 2023 թվականին ծավալները կազմել են 15,8 միլիարդ դոլար, իսկ հավաքագրվող հարկերը կազմել են 67 միլիոն դոլար կամ ծավալի 0,4 տոկոսը։ Երբ նայում ենք հարկերի տեսակարար կշիռը ծավալում, տեսնում ենք, որ 2010 թվականին հարկերի տեսակարար կշիռը 7,2 տոկոս էր՝ մինչդեռ 2023 թվականին հարկերի տեսակարար կշիռը իջել է և հասել է 0,4 տոկոսի»,- ընդգծեց Սարգսյանը։
Նրա խոսքով՝ վերջին հինգ տարիների ընթացքում մի շարք օրենսդրական փոփոխություններ են իրականացվել, որոնք առաջին հայացքից գալիս էին սահմանափակելու և կրճատելու ծավալները, սակայն դրանք, ինչպես ցույց տվեց ժամանակը, այդքան էլ նպատակին չծառայեցին։
«2019 թվականին օրենքով արգելվեց գրասենյակներով բուքմեյքերական գործունեություն ծավալելու հնարավորությունը։ Խաղացողները տեղափոխվեցին առցանց հարթակ, որտեղ սկսեցին հարյուրապատիկ ավելի շատ մեծ գումարներ վատնել, իսկ բուքմեյքերական գործունեությամբ զբաղվողները կրճատեցին իրենց ծախսերը գրասենյակ պահելու, աշխատավարձեր վճարելու և դրանցից առաջացող հարկեր վճարելու մասով։ 2019 թվականին օրենքով արգելվեց բուքմեյքերական գործունեության գովազդը։ Այս քայլով նույնպես կրճատվեցին բուքմեյքերական ընկերությունների միլիոնավոր դոլարների ծախսերը հարկերի և պետական տեղական տուրքերի մասով։
Բացի ծախսեր կրճատելուց, այս քայլով Հայաստանում գործող ընկերությունները ստացան շուկան իրենց ձեռքում պահելու բացարձակ մենաշնորհ, քանի որ այլ ընկերություններն այլևս չէին կարող ձևավորվել կամ մուտք գործել հայկական շուկա։
Վերջին 5 տարիների ընթացքում կատարվել են մի շարք փոփոխություններ,որոնք միտված են եղել հարկային բեռի բարձրացմանը, սակայն, ինչպես ցույց է տալիս վերլուծությունը, ձեռնարկված քայլերը բավարար չեն և անհրաժեշտ է հարկային բեռը կրկին բարձրացնել»,- ընդգծեց Սարգսյանը։
Ներկայացված նախագծով նախատեսվում է 10 տոկոս շրջանառության հարկ սահմանել շահումով խաղերի ոլորտի համար՝ գործող հարկերից ու տուրքերից բացի։
«Վերլուծելով միջազգային փորձը, տեսնում ենք, որ բազմաթիվ երկրներում սահմանված են 10 տոկոս և ավելի բարձր շրջանառության հարկ։ Մասնավորապես՝ Վրաստանում 10 տոկոս, Ավստրալիայում 15 տոկոս, Գերմանիայում 5-20 տոկոս, Իտալիայում 20-22 տոկոս, Լեհաստանում 12 տոկոս, Պորտուգալիայում 8-16 տոկոս, Իսպանիայում 8-10 տոկոս, Հունգարիայում 15 տոկոս»,- եզրափակեց Սարգսյանը։
14:00 04.03.2025
ՀՀ ԱԺ նախագահի վստահեցմամբ՝ Հռոմի ստատուտի ընդունումը ՀՀ-ին հնարավորություն է տվել խաղաքարտ ունենալ տարբեր բանակցային սեղաններինԵթե Հայաստանը Հռոմի ստատուտը չընդուներ, հիմա շատ ավելի վատ իրավիճակում կլիներ: Դա բանակցային սեղաններին խաղաքարտ ունենալու հնարավորություն է ստեղծել: «Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ Ազգային ժողովի նախագահ Ալեն Սիմոնյանը: «Մենք, եթե Հռոմի ստատուտը չընդունեինք, շատ ավելի վատ իրավիճակում կլինեինք հիմա: Նաև տարբեր բանակցությունների շրջանակում մեր դիրքորոշումը շատ ավելի թույլ կլիներ: Ապագայում […] ...
13:51 04.03.2025
Մոսկվան ողջունում է խաղաղ կարգավորման վերաբերյալ Թրամփի հայտարարություններըՄոսկվան ողջունում է ԱՄՆ նախագահ Դոնալդ Թրամփի՝ Ուկրաինայում խաղաղություն հաստատելու ցանկության մասին հայտարարությունները, հայտարարել է ՌԴ նախագահի մամուլի քարտուղար Դմիտրի Պեսկովը։ Ավելի վաղ Թրամփը հայտարարել էր, որ Ռուսաստանին «միայն վիշտ» է բերել, այս կերպ նա լրագրողների հետ զրույցում պատասխանել է Ռուսաստանի հանդեպ համակրանքի մեղադրանքներին։ «Մենք լսում ենք նրա (խմբ.) հայտարարությունը Ուկրաինայում խաղաղություն հաստատելու մասին: Մենք […] ...
13:45 04.03.2025
ԱՄՆ նախագահ Դոնալդ Թրամփի ադմինիստրացիայի հետ մեր հարաբերությունները դրական են և գործընկերային․ ՀՀ ԱԺ նախագահՀայաստանի և Միացյալ Նահանգների միջև հարաբերությունները գործընկերային մակարդակում են։ «Արմենպրես»-ի հաղորդմամբ՝ ՀՀ Ազգային ժողովում ճեպազրույցի ժամանակ այս մասին հայտարարեց ԱԺ նախագահ Ալեն Սիմոնյանը։ «Մեր հարաբերությունները ԱՄՆ նախագահ Դոնալդ Թրամփի ադմինիստրացիայի հետ դրական են։ Մենք աշխատում ենք իրենց հետ, գործընկերային հարաբերություններ ունենք և շարունակելու ենք»,-նշեց Սիմոնյանը։ ԱԺ նախագահը նաև ընդգծեց, որ Հայաստանը երբեք չի որդեգրել որևէ […] ...
13:37 04.03.2025
Մեծ Բրիտանիան պատրաստ է աջակցել Կիևին․ ՍթարմերՄեծ Բրիտանիան պատրաստ է աջակցել Կիևին՝ Ուկրաինայում երկարաժամկետ խաղաղության հասնելու համար, երեքշաբթի հայտարարել է Մեծ Բրիտանիայի վարչապետ Քիր Սթարմերի գրասենյակը այն բանից հետո, երբ ԱՄՆ-ը դադարեցրեց ռազմական օգնությունը Կիևին։ «Մենք լիովին հավատարիմ ենք Ուկրաինայում երկարաժամկետ խաղաղության հասնելուն և աշխատում ենք առանցքային դաշնակիցների հետ՝ աջակցելու այդ ջանքերին: Դա ճիշտ է և բխում է մեր շահերից», – […] ...
13:22 04.03.2025
Վալենտինա Մատվիենկոն պաշտոնական այցով կժամանի Հայաստան հունիսի 5-6-ինՆախնական պայմանավորվածությամբ` Ռուսաստանի Դաշնային ժողովի Դաշնության խորհրդի նախագահ Վալենտինա Մատվիենկոն պաշտոնական այցով կժամանի Հայաստան հունիսի 5-6-ին։ Այս մասին Ազգային ժողովում լրագրողներին հայտնել է ԱԺ նախագահ Ալեն Սիմոնյանը։ «Պաշտոնական այց է, երկկողմ տարբեր հարցեր կան, որոնք մնացել են։ Կփորձենք այդ հարցերը լուծել»,-ասել է նա։ ...
13:13 04.03.2025
Կանխվել է առանձնապես խոշոր չափերի թմրամիջոցների իրացման դեպք. ՔՈԳՎ բացահայտումըՔրեական ոստիկանության թմրամիջոցների անօրինական շրջանառության դեմ պայքարի վարչությունում օպերատիվ տեղեկություններ էին ստացվել, որ առանձնապես խոշոր չափերի տարբեր տեսակի թմրամիջոցներ, իրացնելու նպատակով, պետք է մաքսանենգ ճանապարհով Իրանից տեղափոխվեն Հայաստան: Տեղեկությունները փոխանցվել են Քննչական կոմիտեի հատկապես կարևոր գործերով քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչություն: Քրեական օրենսգրքի […] ...
