20:30 25.02.2025
Առողջապահության նախարարի առաջին տեղակալ Լենա Նանուշյանն ընդունել է Հայաստանում ԱՀԿ ներկայացուցիչ Սիդհարթա Դատտայի գլխավորած պատվիրակությանը, հայտնում են ՀՀ ԱՆ-ից։
«Առողջապահության նախարարությունը, ԱՀԿ-ի հետ համագործակցությամբ, մեկնարկել է կարևոր առաքելություն` միտված առողջության առաջնային պահպանման օղակի բարեփոխման աշխատանքներին, մարզերում կադրերով համալրման, նպատակային ուսուցման, բժիշկների հավաստագրման, մասնագիտական ներուժի վերապատրաստման և լիցենզավորման գործընթացին:
Երկուստեք կարևորվել է այս նախաձեռնությունը, որը նպաստելու է ոլորտում առկա մարտահրավերների լուծմանը և որակյալ բուժօգնության հասանելիության ապահովմանը:
Լենա Նանուշյանը ներկայացրել է Հայաստանում այս ուղղությամբ իրականացվող ծրագրերը, որոնք ուղղված են առողջության համապարփակ ապահովագրության ներդրմանը, բժշկական ծառայությունների որակի բարելավմանը, բուժաշխատողների հավաստագրմանը: Կարևորելով վերջերս առողջապահության բնագավառի բժշկական մասնագիտությունների նոր ցանկի հաստատումը, ռեզիդենտուրայի ներդրումը, ինչպես նաև մասնագիտությունների բնութագրերի մշակումը` Լենա Նանուշյանը նշել է, որ այն կնպաստի բժշկական ծառայությունների, կադրային ներուժի զարգացմանը:
Անդրադառնալով նպատակային կրթության, ժամանակավոր ուղեգրման սկզբունքին՝ նախարարի առաջին տեղակալը նշել է, որ մարզային բուժհաստատությունները կադրերով համալրելու նպատակով իրականացվում են ծրագրեր: Միաժամանակ, աշխատանքներ են տարվում միջազգային չափանիշներին համապատասխանող լիցենզավորման նոր համակարգ ներդնելու ուղղությամբ, որը նպաստելու է բուժաշխատողների մասնագիտական աճին և աշխատաշուկայում մրցունակության բարձրացմանը:
ԱՀԿ ներկայացուցիչները պատրաստակամություն են հայտնել ցուցաբերելու տեխնիկական աջակցություն այս ուղղությամբ իրականացվող աշխատանքներին:
Կողմերը պայմանավորվածություն են ձեռք բերել շարունակելու քննարկումները` հստակեցնելով համագործակցության նոր առաջարկները»,-ասված է հաղորդագրության մեջ:
22:55 25.02.2025
Մարվել է տան տանիքում բռնկված հրդեհըՓետրվարի 25-ին, ժամը 21:47-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Անաստաս Միկոյան փողոցի տներից մեկի տանիքում հրդեհ է բռնկվել։ Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ, Բժշկական ապահովման վարչության հերթապահ, Ճգնաժամային կառավարման ազգային կենտրոնի օպերատիվ խմբերը։ […] ...
22:43 25.02.2025
Կորպորատիվ կառավարման ձևն ԱՄՆ-ը տեղափոխում է արտաքին քաղաքականություն. Գոռ ՊետրոսյանՎերջին 10-ն օրյակում միջազգային լրահոսում տիրապետողը Թրամփի Ռուսաստանի ու Եվրոպացի լիդերների հետ շփումներն են: Ու դրանում առանցքային հարցերից մեկը վերաբերում է Ուկրաինային: Պատահական չէր, որ եվրոպացի գործընկերների հետ հանդիպումից հետո Ֆրանսիայի նախագահը մեկնեց ԱՄՆ՝ հանդիպելու Թրամփին: Ի՞նչ են այս ամենում առանձնացնում մասնագետները: Այս ու այլ հարցերի անդրադարձել է քաղաքագետ Գոռ Պետրոսյանը՝ «Հեռանկարում»։ Ամբողջական հարցազրույցը՝ տեսանյութում: ...
22:34 25.02.2025
ՃՏՊ Աշտարակ-Ագարակ ավտոճանապարհին․ տուժածներ չկանՓետրվարի 25-ին, ժամը 19:14-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Աշտարակ-Ագարակ ավտոճանապարհի «Արծվի թևեր» կոչվող հատվածում տեղի է ունեցել ՃՏՊ, առկա է գազի արտահոսք։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Աշտարակ-Ագարակ ավտոճանապարհի 7-րդ կմ-ին բախվել են երկու «Opel» մակնիշի […] ...
22:23 25.02.2025
Մոսկվայի ԲԿՄԱ-ի հարձակվողը հանդես կգա «Ուրարտուում»Երևանի «Ուրարտուն» վարձավճարով ձեռք է բերել ռուս հարձակվող Վլադիսլավ Յակովլևին։ Այս մասին հաղորդում է ակումբի մամուլի ծառայությունը: 23-ամյա ֆուտբոլիստի տրանսֆերային իրավունքը պատկանում է Մոսկվայի ԲԿՄԱ-ին: Յակովլևը խաղացել է նաև մերձմոսկովյան «Խիմկիում» ու «Նիժնի Նովգորոդում»: ...
22:17 25.02.2025
Անահիտ Ավանեսյանը պատասխանում է Առողջության համապարփակ ապահովագրության բարեփոխման վերաբերյալ հարցերիԱռողջապահության նախարար Անահիտ Ավանեսյանը ֆեյսբուքի իր էջում տեսանյութ է հրապարակել, որում պատասխանում է Առողջության համապարփակ ապահովագրության բարեփոխման վերաբերյալ հարցերի: Հարց 1: Ո՞րն է բարեփոխման նպատակը: Մանրամասները՝ տեսանյութում: ...
22:07 25.02.2025
ՔՊ վարչության նիստում քննարկեցինք Գյումրիի և Փարաքարի նախընտրական ցուցակները. ՓաշինյանՀՀ վարչապետ Նիկոլ Փաշինյանը Ֆեյսբուքի էջում տեսանյութ է հրապարակել ՔՊ վարչության նիստից։ «Վարչության նիստում քննարկեցինք Գյումրիի և Փարաքարի նախընտրական ցուցակները»,- գրել է նա։ Մանրամասները՝ տեսանյութում։ ...
