14:03 10.04.2018
«Այն, որ պետք է վավերացվի ՀՀ-ԵՄ համաձայնագիրը, կասկած լինել չի կարող, դա բխում է մեր ազգային պետական շահերից, բայց կան մի շարք մտահոգություններ և ռիսկեր»,- այս մասին ՀՀ-ԵՄ համաձայնագրի վավերացման նախագծի քննարկման ժամանակ նշեց ԱԺ փոխնախագահ, «Ծառուկյան» խմբակցության անդամ Միքայել Մելքումյանը:
Նա հռետորական հարց հնչեցրեց, թե ինչու Հայաստանը պետք է մոբիլիզացվի ու ԵՄ-ի հետ համաձայնագրի ստորագրումից հետո անի այն քայլերը, որոնք 10 տարի չի արել:
«Խոսք գնաց մոնոպոլիաների, հավասար մրցակցության մասին: Մենք հավատո՞ւմ ենք, որ արդար մրցակցային հարաբերություններ են ձևավորվելու Հայաստանում, իհարկե, ո՛չ: Հավատո՞ւմ ենք, որ կարող է ստեղծված արդյունքը արդարացի բաշխվել, իհարկե, ո՛չ, կարող է: Կարող է, օրինակ, փորձեն մեղմացումներ անել, բայց հիվանդության բուժումը մնալու է»,- ասաց Մելքումյանը:
Իսկ ինչ վերաբերում է այն դրույթին, թե պետք է Մեծամորի ատոմակայանի անվտանգ ապագործարկման համար ճանապարհային քարտեզ ընդունվի, Աժ փոխնախագահի խոսքերով՝ մինչև 2027 թվականը երկարաձգել ենք մեր ատոմակայանի շահագործման ժամկետը, որի համար 270 մլն դոլարի վարկ ենք վերցրել:
«Մենք արդեն 7-8 տարի է՝ պետք է ունենայինք 1000 ՄգՎտ-անոց նոր ատոմակայան, հետո դա փոխեցինք, որ ունենանք ավելի փոքր՝ 500 ՄգՎտ-անոց, բայց փող դնողը չկա: Հիմա էլ խոսում ենք, թե մոդուլային նոր տեխնոլոգիաներ ունենանք: Ես ուզում եմ ասել, որ այսօր Ռուսաստանը առաջին անգամ խոշորագույն՝ 20 մլրդ դոլար ներդնում է անում Թուրքիայում նոր ատոմակայան կառուցելու համար: Երբ էներգետիկայի նախարար Նովակին հարցնում էին, թե ինչու եք շահագրգռված՝ Թուրքիայում ատոմակայան ունեենաք, նա ասում է, սա պատվեր է Ռուսաստանի համար և մեքենասարքավորումների ու աշխատատեղերի հնարավորություն է: Մեկ ժամ զոդման գործը 800 դոլար արժե: Այսօր Բելառուսը Լիտվայի սահմանին երկու խոշոր ատոմակայան է կառուցում: Սա ԵԽԽՎ-ում նոր քննարկման թեմա է դարձել: Նոր ատոմակայանի կառուցումը միլիարդավոր դոլարներ է պահանջում, եթե 7-8 տարում այդ փողը չի եղել, որտե՞ղ է երաշխիքը, որ սրանից հետո էլ կլինի»,- ասաց Մելքումյանը:
Նա նշեց, որ ԵՄ-ի հետ բանակցություններում պետք է հստակ լինի, որ եթե չի կառուցվում նոր ռեակտորը, դա չեղարկվում է:
ԱԺ նիստին ուղիղ կարող եք հետևել այստեղ.
23:00 03.04.2025
Քննարկվել են ՀՀ բուհերի և Իլիայի համալսարանի միջև համագործակցության հնարավորություններն ու հեռանկարներըԱպրիլի 3-ին Վրաստանում ՀՀ դեսպան Աշոտ Սմբատյանը հանդիպեց Թբիլիսիի Իլիայի համալսարանի ռեկտոր, պրոֆեսոր Նինո Դոբորջգինիձեի հետ: Այս մասին հայտնել են Վրաստանում ՀՀ դեսպանությունից։ Հանդիպմանը քննարկվեցին ՀՀ բուհերի և Իլիայի համալսարանի միջև համագործակության հաստատման հնարավորություններն ու հեռանկարները։ ...
22:49 03.04.2025
Երևանի Էրեբունի վարչական շրջանի մի շարք հասցեներում գազ չի լինի«Գազպրոմ Արմենիա» ընկերությունից հայտնել են, որ պլանային աշխատանքներ իրականացնելու նպատակով՝ ապրիլի 4-ին ժամը 10:00-ից մինչև ժամը 16:00-ն, կդադարեցվի Երևան քաղաքի Էրեբունի վարչական շրջանի Սարի թաղի 7-րդ փողոցի թիվ 67 բազմաբնակարան շենքի, 7-րդ փողոցի, 7-րդ փողոց նրբանցքի, 9-րդ փողոց նրբանցքի, 12-րդ, 13-րդ, 13-րդ փողոց նրբանցքի, 14-րդ, 15-րդ, 16-րդ, 17-րդ, 18-րդ, 19-րդ, 19ա, 21-րդ փողոցների առանձնատների գազասպառողների […] ...
22:38 03.04.2025
Մխիթար Հայրապետյանը հանդիպել է Էստոնիայի արդարադատության և թվայնացման նախարարի հետՀՀ ԲՏԱ նախարար Մխիթար Հայրապետյանն ապրիլի 3-ին Էստոնիա կատարած աշխատանքային այցի շրջանակում հանդիպել է Էստոնիայի արդարադատության և թվայնացման նախարար Լիիսա֊Լի Պակոստայի հետ: Հանդիպմանը մասնակցել են նաև ՀՀ ԲՏԱ նախարարի առաջին տեղակալ Գևորգ Մանթաշյանն ու Հայաստանի տեղեկատվական համակարգերի գործակալության տնօրեն Ներսես Երիցյանը: Կողմերն ընդգծել են, որ երկկողմ այցերը կնպաստեն ոլորտային հարաբերությունների խորացմանը, մասնավորապես թվային կառավարման, կիբեռանվտանգության […] ...
22:29 03.04.2025
Գյումրիից սկսվում է այն ազդակը, որ իշխանությունները պրոբլեմ ունեն․ Գուրգեն Սիմոնյանը՝ Գյումրիի ընտրությունների մասինՎերջին օրերին մեր երկրում ամենաթեժ ու ամենաքննարկված ներքաղաքական թեման Գյումրիի ընտրություններն են։ Միևնույն ժամանակ դրանք ամենաինտրիգայինն ու ամենաքաղաքականացվածն էին։ Թեմայի շուրջ «Հեռանկարն» այսօր զրուցել է Շնորհապետական կուսակցության նախագահ, քաղաքական գիտությունների թեկնածու Գուրգեն Սիմոնյանի հետ։ Արդյո՞ք այս ընտրությունները ձախողում էին իշխանությունների համար, սա հետընթաց էր, թե՞ առաջընթաց, իսկ հետագա զարգացումների ո՞ր սցենարն է ավելի հավանական։ Այս […] ...
22:18 03.04.2025
Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքըԱպրիլի 3-ին տեղի է ունեցել «Քաղաքացիական պայմանագիր» կուսակցության Նախաձեռնող խմբի նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Քննարկվել է քաղաքացիների առաջարկների հիման վրա Իրական Հայաստանի գաղափարախոսության շուրջ կատարվող աշխատանքների ընթացքը։ ՀՀ ԱԺ պատգամավոր Թագուհի Ղազարյանը հանդես է եկել զեկույցով և պատասխանել նիստի մասնակիցների հարցերին։ ...
22:10 03.04.2025
Երևանում «Lexus»-ը կոտրել է ճանապարհային երթևեկության ցուցանակը և հայտնվել մայթինԱպրիլի 3-ին, արտակարգ դեպք է տեղի ունեցել Երևանում: Ժամը 02:00-ի սահմաններում, «Lexus» մակնիշի ավտոմեքենան Նժդեհի փողոցում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել բազալտե եզրաքարին, անցել հետիոտնի համար նախատեսված հատվածը, կոտրել ճանապարհային երթևեկությունը կարգավորող ցուցանակներն ու տեղադրված «Իդրամ» վճարային տերմինալը և հայտնվել մայթին՝ դեղատան աստիճանների մոտ: Ինչպես հայտնում է shamshyan.com-ը, մոտ 2 […] ...
