14:32 19.02.2025
Արդարադատության նախարարի տեղակալ Տիգրան Դադունցի գլխավորած պատվիակությունը մասնակցել է Տոկիոյում (Ճապոնիա) կայացած «Քաղաքական երկխոսություն վեճերի այլընտրանքային լուծման վերաբերյալ՝ միջազգային հաշտարարության տարածումը Ասիա-խաղաղօվկիանոսյան տարածաշրջանում» համաժողովին: Ասիական զարգացման բանկի հրավերով՝ հայկական պատվիրակությունը ներկայացրել է Հայաստանում վեճերի լուծման այլընտրանքային մեխանիզմների զարգացման ուղղությամբ իրականացվող ընդգրկուն բարեփոխումները՝ ընդգծելով դրանց կարևոր դերը միջազգային ներդրումային, առևտրային և տնտեսական վեճերի արդյունավետ կարգավորման գործում: Ելույթ ունենալով համաժողովին Տիգրան Դադունցն ընդգծել է Արդարադատության նախարարության հանձնառությունը՝ ստեղծելու վեճերի լուծման ավելի արդյունավետ և բարենպաստ իրավական միջավայր, ինչպես նաև տեղական օրենսդրությունը համահունչ դարձնելու միջազգային լավագույն փորձին։ Նա կարևորել է արբիտրաժի և հաշտարարության կիրառության ընդլայնումը, ինչը կնպաստի դատարանների ծանրաբեռնվածության նվազեցմանը և վեճերի ավելի արագ կարգավորմանը։ Նախարարի տեղակալը կարևորել է նաև Ասիական զարգացման բանկի աջակցությունը Հայաստանում վեճերի լուծման եղանակների զարգացման, հատկապես Արբիտրաժի և հաշտարարության հայաստանյան կենտրոնի ստեղծման գործում:
ՀՀ պատվիրակության կազմում էին «Օրենսդրության զարգացման կենտրոն» հիմնադրամի տնօրեն Դավիթ Ղարիբյանը, ավագ իրավաբան-փորձագետ Մարիա Պետրոսյանը և «Արբիտրաժի և հաշտարարության հայաստանյան կենտրոնի» տնօրենի ժ/պ Լիլիթ Պետրոսյանը:
Կոնֆերանսը կազմակերպվել է Ասիական զարգացման բանկի ինստիտուտի (ADBI), Ասիական զարգացման բանկի՝ «Իրավունքի և քաղաքականության բարեփոխումների» ծրագրի, ՄԱԿ-ի Միջազգային առևտրային իրավունքի հանձնաժողովի (UNCITRAL) և Ճապոնիայի արդարադատության նախարարության համագործակցությամբ՝ համախմբելով ավելի քան 15 երկրի պաշտոնական ներկայացուցիչներին և առաջատար կենտրոններին՝ քննարկելու վեճերի լուծման այլընտրանքային մեխանիզմների զարգացման հեռանկարները:
14:09 21.02.2025
Պեսկով. Պուտինը բաց է Ուկրաինայի հարցով խաղաղ բանակցությունների համարՌուսաստանի նախագահ Վլադիմիր Պուտինը պատրաստ է եղել և մնում է այդպիսին Ուկրաինայի շուրջ ստեղծված իրավիճակը բանակցությունների միջոցով լուծելու համար, հայտարարել է ՌԴ նախագահի մամուլի քարտուղար Դմիտրի Պեսկովը։ «Նախագահ Պուտինը բաց է մնում Ուկրաինայի շուրջ խաղաղ բանակցությունների միջոցով կարգավորման համար»,- ընդգծել է նա։ ...
14:00 21.02.2025
Պեսկովը պատասխանել է Ռուսաստանի և ԱՄՆ-ի միջև Շվեյցարիայում գաղտնի բանակցությունների մասին հարցինՌԴ նախագահի մամուլի քարտուղար Դմիտրի Պեսկովը հայտարարել է, որ տեղեկություն չունի Շվեյցարիայում Ռուսաստանի և ԱՄՆ-ի միջև Ուկրաինայի հարցով «գաղտնի» բանակցությունների մասին։ «Ես չեմ կարող պատասխանել այս հարցին, ես նման տեղեկություն չունեմ», – ասել է Պեսկովը լրագրողներին՝ մեկնաբանելով այն տեղեկությունը, որ Միացյալ Նահանգների և Ռուսաստանի ներկայացուցիչները «գաղտնի» հանդիպել են Շվեյցարիայում և ոչ պաշտոնական բանակցություններ են վարել […] ...
13:53 21.02.2025
ՈՒԵՖԱ-ն հրապարակել է Չեմպիոնների լիգայի շաբաթվա խորհրդանշական հավաքականըՈՒԵՖԱ-ի Չեմպիոնների լիգայի մամուլի ծառայությունը 1/16 եզրափակչի պատասխան խաղերից հետո ներկայացրել է շաբաթվա խորհրդանշական հավաքականը: Խորհրդանշական հավաքականում երկուական ներկայացուցիչ ունեն Մադրիդի «Ռեալը», բելգիական «Բրյուգեն» և նիդերլանդական «ՊՍՎ Էյնդհովենը»: ...
13:45 21.02.2025
Մայրաքաղաքի բոլոր հիմնական փողոցներն այս պահին անցանելի են. ներգրավվել է ընդհանուր թվով 80 հատուկ մասնագիտացված և այլ տեխնիկաՄայրաքաղաքի բոլոր հիմնական փողոցներն այս պահին անցանելի են: Ողջ գիշեր աշխատանքների իրականացմանը ներգրավվել է ընդհանուր թվով 80 հատուկ մասնագիտացված և այլ տեխնիկա, ինչպես նաև 300 աշխատակից: Այս պահին աշխատանքները շարունակվում են նաև քաղաքի երկրորդական փողոցներում, մայթերում և աստիճանահարթակներին: ...
13:38 21.02.2025
Ընտրություններին մասնակցել ցանկացող քաղաքական ուժերը պետք է օգտահաշիվ ստանալու դիմում ներկայացնեն ԿԸՀԱյն կուսակցությունները և կուսակցությունների դաշինքները, որոնք ցանկություն ունեն մասնակցել մարտի 30-ին կայանալիք Փարաքար և Գյումրի համայնքների ավագանու արտահերթ ընտրություններին, գրանցման ու ընտրական ցուցակների էլեկտրոնային եղանակով ձևավորման համար պետք է օգտահաշիվ ստանալու դիմում ներկայացնեն Կենտրոնական ընտրական հանձնաժողով։ Սա վերաբերելի է նաև այն կուսակցություններին ու դաշինքներին, որոնք նախորդող ընտրություններին մասնակցել են և ունեցել իրենց օգտահաշիվները․ օգտահաշիվների ակտիվացման […] ...
13:30 21.02.2025
Արթուր Սերոբյանը գոլի հեղինակ է դարձել «Շերիֆի» կազմումՀայաստանի ազգային հավաքականի եզրային հարձակվող Արթուր Սերոբյանը գոլ է խփել Տիրասպոլի «Շերիֆի» կազմում Տաշքենդի «Լոկոմոտիվի» դեմ ընկերական խաղում: Սերոբյանը 11-մետրանոցից հարվածը հետ է մղել դարպասապահը, սակայն հայ ֆուտբոլիստը առաջինն է հասել գնդակին և ուղարկել այն դարպասը: «Շերիֆը» հաղթել է 2-0 հաշվով: Սերոբյանը մոտ մեկ ամիս առաջ է վարձավճարով տեղափոխվել «Շերիֆ»: ...
