17:07 18.02.2025
Գեղարքունիքի մարզի ջրային պարեկները Սևան-Մարտունի-Գետափ ճանապարհին ստուգման նպատակով կանգնեցրել են «Կիա» մակնիշի մի մեքենա։
Երևանի բնակիչ 24-ամյա վարորդը թմրանյութ պահելու և օգտագործելու կասկածանքով ձերբակալվել և տեղափոխվել է Համայնքային ոստիկանության Սևանի բաժին։ Բաժնում նա մեքենայի սրահից ներկայացրել է դեղնականաչավուն հետքերով ապակե գլանակ և դեղնականաչավուն զանգվածով ծխախոտի տուփ։
Երևան-Սևան-Իջևան ճանապարհին ծառայություն կատարելիս պարեկները ստուգման նպատակով կանգնեցրել են «Մերսեդես» մակնիշի մի մեքենա: 28-ամյա վարորդը ներկայացրել է դեղնականաչավուն զանգվածով ծխախոտի տուփ։ Նա և 27-ամյա ուղևորը, մեքենայով հանդրեձ, տեղափոխել են Հայանքային ոստիկանության Սևանի բաժին։ Ուղևորը հայտնել է, որ վարորդի ներկայացրած փաթեթը իրենն է, ապա մեքենայի սրահից ներկայացրել է դեղնականաչավուն զանգվածով պոլիէթիլենային տոպրակ։
Գեղարքունիքի պարեկների հաջորդ բացահայտումը դարձյալ Երևան-Սևան-Իջևան ճանապարհին էր: Ստուգման նպատակով նրանք կանգնեցրել են «ՎԱԶ-2107» մակնիշի մի մեքենա։ Թմրանյութ պահելու և օգտագործելու կասկածանքով 55-ամյա վարորդը և 53-ամյա ուղևորը ձերբակալվել և տեղափոխվել են Համայնքային ոստիկանության Սևանի բաժին։ Բաժնում ուղևորը ներկայացրել է դեղնականաչավուն զանգված, ծալովի դանակ և որսորդական հրացանի երկու փամփուշտ։ Հայտնել է, որ թմրանյութը անձնական օգտագործման համար է, իսկ փամփուշտները գտել է։
Նույն ճանապարհահատվածում պարեկները ստուգման նպատակով կանգնեցրել են նաև ՎԱԶ-2115» մակնիշի մեքենա։ 26-ամյա ուղևորը պարեկներին է ներկայացրել կիսամոխրացած հետքերով կաթուցիչ և դեղնականաչավուն զանգվածով երկու փաթեթ։ Հայտնել է, որ զանգվածը թմրանյութ է, անձնական օգտագործման համար պատրաստել է վայրաճ կանեփի թփերից։
Գիշերային ծառայության ընթացքում Գեղարքունիքի պարեկները ստուգման նպատակով կանգնեցրել են «Շեվրոլե» մակնիշի մեքենա։ 38-ամյա վարորդն ու 35-ամյա ուղևորը, թմրանյութ պահելու և օգտագործելու կասկածանքով, տեղափոխվել են Համայնքային ոստիկանության Սևանի բաժին, որտեղ նրանք ներկայացրել են դեղնականաչավուն զանգվածով փաթեթ, կիսամոխրացած հետքերով կաթուցիչներ, 26 գրամից ավելի չորացված զանգված, գաղտնի փականով դանակ, կռփազենք և այլն։
Անկանոն վարելու համար Երևան-Սևան-Իջևան ճանապարհին պարեկները կանգնեցրել են «Մերսեդես» մակնիշի մի մեքենա: Ստուգման ընթացքում Արարատի մարզի բնակիչ 38-ամյա վարորդը պայուսակից ներկայացրել է դեղնականաչավուն զանգված։ Նա ձերբակալվել և, մեքենայով հանդերձ, տեղափոխվել է Համայնքային ոստիկանության Սևանի բաժին, որտեղ հայտնել է, որ ներկայացրածը մարիխուանա է, պահել է անձնական օգտագործման համար։
Գեղարքունիքի պարեկները Սևան քաղաքում ստուգման նպատակով կանգնեցրել են «ՎԱԶ-2114» մակնիշի մեքենան։ Ստուգման ընթացքում 21-ամյա վարորդը մեքենայի սրահից նետել է փաթեթ։ Թմրանյութ պահելու և օգտագործելու հիմնավոր կասկածանքով նա ձերբակալվել և տեղափոխվել է Համայնքային ոստիկանության Սևանի բաժին, որտեղ հայտնել է, որ փաթեթում մարիխուանա էր՝ անձնական օգտագործման համար։
Պարեկների հաջորդ բացահայտումը Վարդենիկ գյուղում էր: Ստուգման նպատակով նրանք կանգնեցրել են «ՎԱԶ-2107» մակնիշի մեքենան։ 32-ամյա վարորդը պարեկներին է ներկայացրել դեղնականաչավուն զանգվածով փաթեթ։ Թմրանյութ պահելու և օգտագործելու կասկածանքով նա ներկայացվել է Համայնքային ոստիկանության Մարտունու բաժին, որտեղ հայտնել է, որ հայտնաբերվածը թմրանյութ է՝ անձնական օգտագործման համար։
Սևան-Գեղամավան ճանապարհին պարեկները կանգնեցրել են «Լադա» մակնիշի մի մեքենա։ 21-ամյա ուղևորը հայտնել է, որ մոտը դեղնականաչավուն զանգված կա։ Թմրանյութ պահելու և օգտագործելու կասկածանքով վարորդն ու ուղևորը տեղափոխվել են Համայնքային ոստիկանության Սևանի բաժին։
Բոլոր դեպքերով կազմված փաստաթղթերը ներկայացվել են նախաքննական մարմին։
22:27 20.02.2025
Ժամանակավորապես սահմանափակել է տրանսպորտային միջոցների մուտքը մայրաքաղաքի Արմենակյան և Գլինկայի փողոցներՆԳՆ մամուլի քարտուղար Նարեկ Սարգսյանը Ֆեյսբուքի իր էջում գրել է. «Անվտանգության նկատառումներից ելնելով՝ Պարեկային ծառայությունը ժամանակավորապես սահմանափակել է տրանսպորտային միջոցների մուտքը մայրաքաղաքի Արմենակյան և Գլինկայի (Սարի թաղ) փողոցներ։ Կոչ ենք անում երթևեկել բացառապես ձմեռային անվադողներով, պահպանել ճանապարհային երթևեկության կանոնները։ ՆԳՆ Ոստիկանությունն ու Փրկարար ծառայությունը շարունակում են իրականացնել ուժեղացված ծառայություն»: ...
22:23 20.02.2025
ԱԺ նախագահ Ալեն Սիմոնյան ելույթ է ունեցել Միջերկրածովյան խորհրդարանական վեհաժողովի 19-րդ լիագումար նիստումԱԺ նախագահ Ալեն Սիմոնյան ելույթ է ունեցել Միջերկրածովյան խորհրդարանական վեհաժողովի 19-րդ լիագումար նիստում: Ելույթում, մասնավորապես, ասվում է. «Ձերդ գերազանցություննե՛ր, Հարգելի՛ գործընկերներ, Տիկնա՛յք եւ պարոնա՛յք, Առաջին հերթին ցանկանում եմ իմ երախտագիտությունը հայտնել Սենատի նախագահ Իգնացիո Լա Ռուսսային, Պատգամավորների պալատի նախագահ Լորենցո Ֆոնտանային եւ Միջերկրածովյան խորհրդարանական վեհաժողովի նախագահ Էնաամ Մայարային՝ այս հեղինակավոր միջոցառմանը ելույթ ունենալու հրավերի համար: […] ...
22:15 20.02.2025
Երևանի արտաքին լուսավորության ցանցը կգործի ամբողջ գիշերՀաշվի առնելով առատ ձյան տեղումները՝ «Երքաղլույս» ՓԲԸ-ն հայտնում է, որ Երևանի արտաքին լուսավորության ցանցը կգործի ամբողջ գիշեր: ...
22:08 20.02.2025
Մինչև ժամը 22։30, Պարեկային ծառայությունը փակել է Երևան-Սևան ճանապարհի՝ Աբովյանի կամուրջից մինչև Չարենցավան քաղաքի մուտք հատվածըՆԳՆ մամուլի քարտուղար Նարեկ Սարգսյանը Ֆեյսբուքի էջում գրել է. «Անվտանգության նկատառումներից ելնելով, մինչև ժամը 22։30, Պարեկային ծառայությունը փակել է Երևան-Սևան ճանապարհի՝ Աբովյանի կամուրջից մինչև Չարենցավան քաղաքի մուտք հատվածը։ Կոչ ենք անում երթևեկել բացառապես ձմեռային անվադողներով, պահպանել ճանապարհային երթևեկության կանոնները։ ՆԳՆ Ոստիկանությունն ու Փրկարար ծառայությունը շարունակում են իրականացնել ուժեղացված ծառայություն։» ...
22:04 20.02.2025
Քաղաքային տրանսպորտի աշխատանքը դժվարացած է, հնարավոր են ուշացումներ․ իրականացվում են ձնամաքրման աշխատանքներԵրևանում շարունակվող առատ ձյան տեղումները լուրջ դժվարություններ են առաջացրել ինչպես տրանսպորտի, այնպես էլ փողոցների անցանելիության առումով։ Մաքրման աշխատանքները ընթանում են արտակարգ ռեժիմով, բայց տեղումների ինտենսիվությունը դեռ շատ բարձր է, ինչի հետևանքով ճանապարհները կրկին ծածկվում են ձյունով, իսկ խցանումները հաճախ խոչընդոտում են ձնամաքրման մեքենաների օպերատիվ տեղաշարժը։ Այս մասին նշվում է Երևանի քաղաքապետարանի տարածած հաղորդագրության մեջ: Քաղաքային […] ...
