17:44 13.02.2025
Փետրվարի 13-ին ՀՀ ԱՆ քրեակատարողական ծառայության կենտրոնական մարմնում «Իրավական նախաձեռնությունների կենտրոն» ՀԿ նախագահ Նարե Հովհաննիսյանի նախաձեռնությամբ տեղի է ունեցել քննարկում՝ «Կանանց ազատազրկման նկատմամբ գենդերազգայուն մոտեցումների կիրառման անհրաժեշտությունը» թեմայով։
Քննարկմանը մասնակցել են Ծառայության կենտրոնական մարմնի և «Աբովյան» քրեակատարողական հիմնարկի, Արդարադատության նախարարության, Մարդու իրավունքների պաշտպանի աշխատակազմի, Պրոբացիայի ծառայության, «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի, Առողջապահության նախարարության «Քրեակատարողական բժշկության կենտրոն» ՊՈԱԿ-ի, «Իրավական նախաձեռնությունների կենտրոն» ՀԿ-ի, Ռաուլ Վալենբերգ մարդու իրավունքների և մարդասիրական իրավունքի ինստիտուտի հայաստանյան գրասենյակի, Հայաստանում կանանց հիմնադրամի, Կանանց ռեսուրսային կենտրոնի ներկայացուցիչները։
Իր ձևաչափով աննախադեպ այս հանդիպման հիմնական նպատակն էր քննարկել մասնակից կառույցների և կազմակերպությունների կողմից «Աբովյան» քրեակատարողական հիմնարկում արձանագրված խնդիրները, ուսումնասիրել առաջարկությունները և գտնել հնարավոր լուծումները։
Մասնավորապես անդրադարձ է եղել հիմնարկի շենքային պայմաններին, ազատազրկված կանանց սննդի և հիգիենայի ապահովմանը, արտաքին աշխարհի հետ կապին, ինչպես նաև բուժսպասարկմանն առնչվող առանձին խնդիրներին։ Հատուկ ուշադրության կենտրոնում են եղել իրենց մոտ մինչև երեք տարեկան երեխա ունեցող ազատազրկված կանանց հարցերը։
Կառույցներից յուրաքանչյուրն իր իրավասության շրջանակներում տվել է հստակ պատասխաններ քննարկման ընթացքում բարձրացված մի շարք հարցերի վերաբերյալ, իսկ որոշ խնդիրներ պահանջում են առավել խորքային լուծումներ, որոնց ուղղությամբ տարվում են համապատասխան աշխատանքներ։
Շարունակական բարեփոխումների համատեքստում ներկայացվել են ազատազրկված կանանց տրամադրվող հանդերձանքի նոր լրակազմը, հեռախոսակապի նորացված համակարգը, ինչպես նաև հիմնարկում իրականացված և շարունակվող մեծածավալ շինվերանորոգման աշխատանքները։
Ներկաները փաստել են նմանատիպ հանդիպումների արդյունավետությունը՝ անմիջական քննարկումների միջոցով խնդիրներին ավելի հրատապ և օպտիմալ լուծումներ տալու համար։
20:58 13.02.2025
Ծառայում եմ Հայաստանի Հանրապետությանը. նորակոչիկների երդման հանդիսավոր արարողությունըԾառայում եմ Հայաստանի Հանրապետությանը. նորակոչիկների երդման հանդիսավոր արարողությունը: ՀՀ պաշտպանության նախարարությունը տեսանյութ է հրապարակել։ ...
20:44 13.02.2025
Վարչապետը կմասնակցի Մյունխենի անվտանգության համաժողովինՎարչապետ Նիկոլ Փաշինյանը փետրվարի 13-16-ն աշխատանքային այցով մեկնել է Մյունխեն: Վարչապետը կմասնակցի Մյունխենի անվտանգության համաժողովի բացման պաշտոնական արարողությանը: Համաժողովի շրջանակում Նիկոլ Փաշինյանը երկկողմ մի շարք հանդիպումներ կունենա արտերկրի գործընկերների հետ: ...
20:39 13.02.2025
ՔՊ նախաձեռնող խմբի նիստում քննարկում ենք Գյումրիի քաղաքապետի ընտրությունները. վարչապետՀՀ վարչապետ Նիկոլ Փաշինյանը Ֆեյսբուքի իր էջում տեղեկացրել է, որ ՔՊ նախաձեռնող խմբի նիստում քննարկում են Գյումրիի քաղաքապետի ընտրությունները: Գրառմանը կից վարչապետը տեսանյութ է հրապարակել: ...
20:22 13.02.2025
ՀՀ միջպետական և հանրապետական նշանակության բոլոր ավտոճանապարհները բաց ենՓետրվարի 13-ին՝ ժամը 20:00-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են։ ...
20:14 13.02.2025
Երևանի և մարզերի որոշ հասցեների էլեկտրամատակարարումը ժամանակավորապես կդադարեցվի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ փետրվարի 14-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 11։00-17:00 Վարդանանց-Խանջյան խաչմերուկի պոմպակայան և հարակից ոչ բնակիչ-բաժանորդներ, Աբովյան փ. 30, 32, 34, 34ա, 36 շենքեր, Մոսկովյան փ. 7, 9 շենքեր, Սայաթ-Նովայի նրբ․ 76-84 առանձնատներ, Ամիրյան փ. 10, 12 շենքեր, Մաշտոցի պող. […] ...
