11:56 21.09.2018
ԱԻՄ առաջնորդ Պարույր Հայրիկյանը սեպտեմբերի 21-ին Հանրապետության հրապարակում լրագրողների հետ հանդիպմանը կրկին հիշեցրեց` այսօր ոչ թե անկախության 27-ամյակը պետք է նշել, այլ ինքնորոշման:
«Եթե դու ունես այգի և այգուց ուզում ես տեղափոխվել այլ այգի, ի՞նչ կմտածես ապագայի մասին` ծա՞ռը տանել, թե՞ պտուղները, բնականաբար, ծառը, որ հաջորդ տարի էլ պտուղ ունենաս, մեր ինքնորոշումն է ծառը: Չի կարելի խաբել և կոչել «անկախության» տոն. մենք մայիսի 28 ենք ունեցել, 1988թ.` 30 տարի առաջ, Ազատության հրապարակում Մովսես Գորգիսյանի բուռն մասնակցությամբ ԱԻՄ-ը նշեց անկախության 70-ամյակը. եթե 30 տարի առաջ նշել ենք անկախության 70-ամյակը, ամբողջ ազգն է տոնել, ուրախացել, ինչպե՞ս ենք այսօր 27-ամյակը նշում»,- հարց ուղղեց նա:
Հայրիկյանը խոսեց ազգի, երկրի անկախության ևս մեկ խորհրդանիշի, այն է` խորհրդարանի մասին, ընդգծեց` երեկ մեր երկրում պետականորեն նշվեց խորհրդարանի 100-ամյակը:
«Եթե դուք պառլամենտի, այսինքն` անկախության 100-ամյակ եք նշում, ինչպե՞ս եք մեկ օր անց նշում 27-ամյակը»,- նշեց Հայրիկյանը:
ԱԻՄ առաջնորդի խոսքով` ինքնորոշումն այնպիսի ձեռքբերում է, որ կարող է սերունդներ դաստիարակել, ապա հավելեց` չի կարելի թույլ տալ, որ հարևան Վրաստանը, Ադրբեջանը իրենց անկախության 100-ամյակը նշեն, իսկ մենք մեզ արհեստականորեն տանենք, մտցնենք մանկահասակ ազգերի շարքը:
«Մենք մեր անկախությունն առաջին անգամ պաշտպանել ենք Հայկի և Բելի կռվում` 4 500 տարի առաջ: Աստված տա` մենք արժանի լինենք այս տոնին, և այդպես շարունակենք մեր հետագա հազարամյա կյանքը»,- ասաց նա:
Հայրիկյանը նաև տեղեկացրեց, որ բացարձակ ժողովրդավարության նախագիծ է ներկայացրել Կառավարություն: Նա նշեց` վարչապետը խոսում է այն մասին, որ երկիրը պետք է պատկանի ժողովրդին, բայց տեղյակ չէ` ինչպես, ինքն էլ տալիս է այդ «ինչպես»-ի պատասխանը:
17:54 28.04.2025
Դավիթ Խուդաթյանն ու Գևորգ Պապոյանն այցելել են Զանգեզուրի պղնձամոլիբդենային կոմբինատՀՀ էկոնոմիկայի նախարար Գևորգ Պապոյանն ու ՀՀ տարածքային կառավարման և ենթակառուցվածքների նախարար Դավիթ Խուդաթյանն ապրիլի 28-ին աշխատանքային այց են կատարել Սյունիքի մարզ։ Նախարարներն այցելել են «Զանգեզուրի պղնձամոլիբդենային կոմբինատ» ՓԲԸ, ընկերության գլխավոր տնօրեն Ռոման Խուդոլիի ուղեկցությամբ շրջել բաց հանքում, հարստացուցիչ ֆաբրիկայի կիսաինքնամանրացման աղացի և գնդաղացի տեղամասերում, ծանոթացել արտադրական գործընթացին, ընկերության արդիականացման և արտադրողականության բարձրացման ուղղությամբ իրականացվող […] ...
17:46 28.04.2025
Բարեղամ Հարությունյանի մենամարտը ոչ-ոքի է ավարտվելԲոսնիա և Հերցեգովինայի Բանյա Լուկա քաղաքում կայացած IBA.PRO 4 միջազգային մրցաշարում Եվրոպայի փոխչեմպիոն Բարեղամ Հարությունյանի մասնակցությամբ` սերբ Օմեր Ամետովիչի դեմ պրոֆեսիոնալ մենամարտում գրանցվել է ոչ-ոքի։ Հարությունյանն առավելություն է ունեցել մենամարտի ընթացքում, երկրորդ ռաունդում նույնիսկ նոկդաունի է ենթարկել մրցակցին, սակայն մրցավարները ոչ-ոքի են արձանագրել։ ...
17:40 28.04.2025
Հայտնաբերվել է 395 ոչ սթափ վարորդ․ պարեկների անցած շաբաթվա ծառայության արդյունքներըԱպրիլի 21-ից 28-ը մայրաքաղաքում իրականացված ծառայության ընթացքում Երևանի պարեկները հայտնաբերել են ճանապարհային երթևեկության կանոնների 4073 խախտում, պահպանվող հատուկ տարածք է տեղափոխվել 131 ավտոմեքենա։ Մասնավորապես, հայտնաբերվել է ոչ սթափ վիճակում մեքենա վարող՝ 161, առանց վարորդական իրավունքի վկայականի՝ 297 անձ։ Հայտնաբերվել է հաշվառման համարանիշի հետ կապված՝ 24, չամրակապված վարելու՝ 574, առանց մանկական նստատեղի՝ քարսիթի՝ 12, վարելու ընթացքում […] ...
17:30 28.04.2025
Թրամփը հայտարարել է երրորդ համաշխարհային պատերազմի վտանգի մասինԱՄՆ նախագահ Դոնալդ Թրամփը Atlantic-ին տված հարցազրույցում ևս մեկ անգամ հայտարարել է, որ Ուկրաինայում հակամարտությունը ներկայումս չի սպառնում ամերիկացիների կյանքին, բայց կարող է պոտենցիալ վերաճել երրորդ համաշխարհային պատերազմի։ «Ես փորձում եմ շատ կյանքեր փրկել: Գիտեք, Ուկրաինան և Ռուսաստանը մեր կյանքերի հետ կապ չունեն, բայց այն կարող է ավարտվել Երրորդ համաշխարհային պատերազմով», – ասել է Թրամփը: […] ...
17:22 28.04.2025
Իրանի իշխանությունները նշել են Բենդեր-Աբբաս նավահանգստում տեղի ունեցած պայթյունի պատճառըԻրանի հարավային Հորմոզգան նահանգի Բենդեր-Աբբաս քաղաքի Շահիդ Ռաջայի նավահանգստում պայթյունը տեղի է ունեցել անփութության պատճառով, մեղավորները հայտնաբերվել են, հետաքննություն է ընթանում, հայտարարել է Իրանի ներքին գործերի նախարար Իսկանդար Մոմենին։ «Հանձնաժողով է ստեղծվել՝ հետաքննություն անցկացնելու համար, մեղավորները բերման են ենթարկվել, բացատրել են պայթյունի հետ կապված որոշ հարցեր, հետաքննությունը շարունակվում է։ Ես երեկ արդեն բացատրեցի, թե ինչպես […] ...
