11:53 07.02.2025
Փետրվարի 6-ին տեղի է ունեցել Միգրացիոն քաղաքականության երկխոսության հարթակի երրորդ հանդիպումը, որին մասնակցել է Ներքին գործերի նախարարի տեղակալ Արմեն Ղազարյանը։
Ներկա էին նաև Ներքին գործերի նախարարության, Միգրացիայի և քաղաքացիության ծառայության, ոլորտի այլ գերատեսչությունների, ինչպես նաև հասարակական և միջազգային կազմակերպությունների ներկայացուցիչներ։
Բացման խոսքով հանդես են եկել Ներքին գործերի նախարարի տեղակալ Արմեն Ղազարյանը և «Մարդը կարիքի մեջ» ՀԿ-ի Արևելյան գործընկերության և Բալկանների տարածաշրջանային տնօրեն Պետր Դրբոհլավը։
ՆԳ նախարարի տեղակալ Արմեն Ղազարյանն իր խոսքում ընդգծել է միասնական հարթակի կարևորությունը և նշել, որ այն հնարավորություն է տալիս առավել արդյունավետ համակարգել միգրացիայի և քաղաքացիության ոլորտում հիմնական առաջնահերթությունները՝ արդյունքում հենք ստեղծելով քաղաքականության, ռազմավարությունների մշակման և հիմնական հարցերի շուրջ կառուցողական երկխոսության համար։
Հանդիպման ընթացքում զեկույցներով ներկայացվել են միգրացիայի և քաղաքացիության գործընթացների թվայնացման օրակարգը, ինչպես նաև ՀՀ ռազմավարական կառավարման համակարգի արդիականացման հայեցակարգը, անդրադարձ է կատարվել բնակչության պետական ռեգիստրի մասին նոր օրենքին, ՀՀ քաղաքացիության շնորհմանը և դադարեցմանը, Հայաստանում օտարերկրացիներին կացության կարգավիճակների և ապաստանի տրամադրման թվայնացված գործընթացներին և այլ հարցերի։ Օրակարգում ընդգրկված էին նաև Միգրանտների և փախստականների հետ տարվող սոցիալական աշխատանքի ձեռնարկին և վերապատրաստման մոդուլին և «Միգրացիան և կանայք․ առողջության պահպանում և առողջական կարիքների գնահատում» ծրագրի արդյունքներին վերաբերող հարցեր։
Հանդիպման ավարտին Միգրացիայի և քաղաքացիության ծառայության պետ Նելլի Դավթյանը կարևորել է հարթակի շրջանակում աշխատանքային հանդիպումների շարունակականությունը։ Նախանշվել են երկխոսության հարթակի շրջանակում առաջիկա անելիքներն ու դրանց հիմնական ուղղությունները։
Հարթակի իրականացմանն աջակցում է «Մարդը կարիքի մեջ» կազմակերպության կողմից իրականացվող «Միգրացիոն համակարգի հզորացումը Հայաստանի Հանրապետությունում» ծրագիրը։ Այն համաֆինանսավորվում է Եվրոպական միության Միգրացիոն գործընկերության գործիքի (MPF) շրջանակում՝ Միգրացիոն քաղաքականության մշակման միջազգային կենտրոնի (ICMPD) միջոցով։
15:02 07.02.2025
Թրամփը Մայքլ Գավուքչյանին նշանակել է Նովեգիայում ԱՄՆ դեսպան
14:55 07.02.2025
Նիկոլ Փաշինյանը դրական է գնահատել ԱՄՆ փոխնախագահի հետ հանդիպումըՀՀ վարչապետ Նիկոլ Փաշինյանը դրական է գնահատել ԱՄՆ փոխնախագահի հետ հանդիպումը։ Այս մասին նա գրառում է կատարել Ֆեյսբուքի իր էջում։ «Սպիտակ տանը ճանաչողական հանդիպում ունեցա ԱՄՆ փոխնախագահ Ջեյմս Դեյվիդ Վենսի հետ։ Լավ խոսակցություն ունեցանք»,-գրել է Փաշինյանը։ ...
14:50 07.02.2025
Ռուսաստանը պատրաստ է Ուկրաինայի հարցով բանակցություններին․ ՊեսկովՌուսաստանը պատրաստ է Ուկրաինայի հարցով բանակցություններին, ռուսական կողմը բաց է դրանց համար։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։ «Ռուսաստանը շարունակում է պատրաստ լինել բանակցությունների համար», – ասել է Պեսկովը: Նրա խոսքով՝ կարգավորումը պետք է լինի բանակցությունների արդյունքում։ «Առայժմ այս առումով կոնկրետ ոչինչ չկա»,-հավելել է Պեսկովը։ ...
14:43 07.02.2025
ԶՊՄԿ-ն գործադուլի պատճառով օրական 400 միլիոն դրամի վնաս է կրելԶանգեզուրի պղնձամոլիբդենային կոմբինատը մոտ մեկ շաբաթ կոմբինատի մի խումբ աշխատակիցների և կոմբինատի հետ չառնչվող քաղաքացիների կողմից իրականացվող գործողությունների հետևանքով օրական մոտ 400 միլիոն դրամի վնաս է կրել, իսկ պետությունը միայն հարկերի տեսքով կրել է օրական ավելի քան 100 միլիոն դրամի վնաս։ «Արմենպրես»-ին այս մասին հայտնել են Զանգեզուրի պղնձամոլիբդենային կոմբինատից։ «Մոտ մեկ շաբաթ մի խումբ օրինազանց […] ...
14:35 07.02.2025
Համայնքային ոստիկանները հայտնաբերել են կեղծ թղթադրամով վճարում կատարած անձինՓետրվարի 6-ին Համայնքային ոստիկանության Սիսիանի բաժին 28-ամյա մի կին հաղորդում է տվել, որ անհայտ անձը Որոտանի փողոցում գտնվող իրենց խանութ-սրահից կատարել է 2500 դրամի գնում՝ վճարելով 10 հազար կեղծ թղթադրամ: Մեկնած օպերատիվ խումբը պարզել է, որ կեղծ թղթադրամով վճարումը կատարել է 29-ամյա մի երիտասարդ կին։ Նա հրավիրվել է բաժին և խոստովանել արարքը: Փաստաթղթերը ներկայացվել են […] ...
14:28 07.02.2025
Մի´ օգտագործեք հակաբիոտիկներ, քանի որ դրանք ցուցված չեն գրիպի և սուր շնչառական վարակների բուժման համար․ ՀՀ ԱՆՀՀ առողջապահության նախարարությունը հորդորում է չօգտագործել հակաբիոտիկներ, քանի որ դրանք ցուցված չեն գրիպի և սուր շնչառական վարակների բուժման համար։ ...
