20:10 02.02.2025
Հունվարի 30-ին Թեհրանում կայացել է Հայաստանի Հանրապետության զինված ուժերի կազմավորման 33-րդ տարեդարձին նվիրված հանդիսավոր ընդունելություն: Այս մասին հայտնում են Իրանում ՀՀ դեսպանությունից:
Միջոցառմանը մասնակցել են ԻԻՀ պաշտպանության և զինված ուժերի աջակցման նախարարության, Գլխավոր շտաբի, Արտաքին գործերի նախարարության բարձրաստիճան ներկայացուցիչներ, Մեջլիսի հայազգի պատգամավորներ, ԻԻՀ-ում հավատարմագրված դեսպաններ, ռազմական կցորդներ, ինչպես նաև իրանահայ համայնքի ներկայացուցիչներ:
Ողջունելով հյուրերին և շնորհավորելով ՀՀ ԶՈւ կազմավորման 33-րդ ամյակը՝ դեսպան Գրիգոր Հակոբյանը վերահաստատել է Հայաստանի Հանրապետության կառավարության բալանսավորման ու բալանսավորված արտաքին քաղաքականությունը և ընդգծել ՀՀ հանձնառությունը՝ դիվանագիտական երկխոսության միջոցով հասնելու տարածաշրջանային տևական կայունության ու խաղաղության:
Դեսպան Հակոբյանը նշել է, որ ՀՀ կառավարության տարածաշրջանային քաղաքականության շրջանակում առանձնահատուկ նշանակություն ունի բնական շահերի ու փոխվստահության վրա խարսխված հարաբերությունների առավել խորացումն Իրանի Իսլամական Հանրապետության հետ:
ԻԻՀ-ում ՀՀ ռազմական կցորդ, գնդապետ Սևադա Շաբանյանը ներկայացրել է ՀՀ զինված ուժերի կազմավորման ընթացքը, բանակի առկա մարտահրավերները, նպատակներն ու իրականացվող բարեփոխումները:
ԻԻՀ ԶՈւ ռազմաօդային ուժերի հրամանատարի տեղակալ, բրիգադրի գեներալ Մեհդի Հադիանն իր ելույթում շնորհավորել է ՀՀ ԶՈւ կազմավորման տարեդարձը և ընդգծել, որ Իրանի Իսլամական Հանրապետության համար անընդունելի է աշխարհաքաղաքական ցանկացած փոփոխություն, որի շրջանակում Թեհրանն աջակցում է տարածաշրջանային երկրների տարածքային ամբողջականությունն ու սահմանների անքակտելիությունը:
23:40 02.02.2025
«Հեզբոլլահ»-ի մահացած առաջնորդ Նասրալլահին կհուղարկավորեն փետրվարի 23-ին«Հեզբոլլահ» շարժման գլխավոր քարտուղար Հասան Նասրալլահին, ով մահացել է անցյալ տարվա սեպտեմբերի վերջին, և Լիբանանի դիմադրության ավագ հրամանատար Հաշեմ Սաֆիեդդինին կհուղարկավորեն փետրվարի 23-ին, ասել է «Հեզբոլլահի» նոր առաջնորդ Նաիմ Քասեմը տեսաուղերձի ժամանակ։ «Մենք որոշել ենք, որ Հասան Նասրալլահի և Հաշեմ Սաֆիեդդինի հուղարկավորության արարողությունը տեղի կունենա փետրվարի 23-ին՝ կիրակի օրը», – ասել է Քասեմը։ Անցած տարվա […] ...
23:35 02.02.2025
Սպորտը միայն հաղթանակների մասին չէ, այն կամքի, միասնականության և առողջ ապրելակերպի խորհրդանիշ է. ԱվինյանՋերմուկում Համահայկական ձմեռային 2-րդ խաղերի բացման արարողությունն էր: Երևանի թիմերը կմրցեն հոկեյում, դահուկավազքում, լեռնադահուկային սպորտում, սնոուբորդում, շախմատում և սպորտային պարերում: Այս մասին ֆեյսբուքյան իր էջում գրել է Երևանի քաղաքապետ Տիգրան Ավինյանը: «Վստահ եմ, որ մեր մարզիկները լավագույնս հանդես կգան։ Սպորտը միայն հաղթանակների մասին չէ․ այն կամքի, միասնականության և առողջ ապրելակերպի խորհրդանիշ է։ Հաջողություն բոլոր մասնակիցներին»,-գրել […] ...
23:24 02.02.2025
Զելենսկին տարօրինակ առաջարկ է արել ՆԱՏՕ-ինՎլադիմիր Զելենսկին ուկրաինական բանակը բոնուս է անվանել Հյուսիսատլանտյան դաշինքի համար։ Այս մասին նա հայտարարել է Associated Press-ին տված հարցազրույցում։ «Ուկրաինական 800 հազարանոց բանակը բոնուս կլիներ դաշինքի համար, հատկապես, եթե Թրամփը ցանկանում է տուն վերադարձնել արտասահմանում տեղակայված ամերիկյան զորքերին»,- ասվում է հրատարակության մեջ։ Զելենսկին դաշնակիցների համար ամենաէժան տարբերակն է անվանել նաև ՆԱՏՕ-ին Ուկրաինայի անդամակցությունը։ ...
22:58 02.02.2025
Կոտայքի մարզում «Mitsubishi Outlander»-ը դուրս է եկել հանդիպակաց երթևեկելի գոտի և բախվել ծառերին․ հիվանդանոց տեղափոխված վարորդն ու 2 ուղևորը եղել են ոչ սթափԱյսօր՝ փետրվարի 2-ին, ավտովթար է տեղի ունեցել Կոտայքի մարզում։ Ժամը 20։15-ի սահմաններում Կոտայքի մարզի բնակիչ 29-ամյա Գևորգ Գասպարյանը իր վարած «Mitsubishi Outlander» մակնիշի ավտոմեքենայով Բալահովիտ գյուղում դուրս է եկել հանդիպակաց երթևեկելի գոտի և բախվել ծառերին։ Ինչպես հայտնում է shamshyan.com-ը, վթարի հետևանքով 3 հոգի մարմնական վնասվածքներով տեղափոխվել է «Աբովյան» բժշկական կենտրոն։ Վթարի փաստով Աբովյանի քննչական բաժնում […] ...
22:37 02.02.2025
Թբիլիսի-Սանկտ Պետերբուրգ չվերթն իրականացնող ինքնաթիռը հարկադիր վայրէջք է կատարելԹբիլիսիից Սանկտ Պետերբուրգ չվերթն իրականացնող «Azimut» ավիաընկերության ինքնաթիռը անսարքության ազդանշան ստանալուց հետո վայրէջք է կատարել Սանկտ Պետերբուրգի օդանավակայանում։ Այս մասին ՏԱՍՍ-ին հայտնել է ընկերության ներկայացուցիչը։ ««Azimut» ավիաընկերության ինքնաթիռում, որն իրականացնում էր Թբիլիսի-Սանկտ Պետերբուրգ չվերթը, անսարքության մասին ահազանգ է ստացվել Մոսկվայի ժամանակով 19:34-ին: Ինքնաթիռը բարեհաջող վայրէջք է կատարել Սանկտ Պետերբուրգի Պուլկովո օդանավակայանում»,- ասել է գործակալության զրուցակիցը։ ...
22:11 02.02.2025
Արեգակի վրա չորս հզոր բռնկում է տեղի ունեցելԿիրակի օրը Արեգակի վրա տեղի է ունեցել M հզորության նախավերջին դասի չորս բռնկում, ՏԱՍՍ-ին հայտնել են Կիրառական երկրաֆիզիկայի ինստիտուտից: Օրվա ամենահզոր բռնկումը գրանցվել է Մոսկվայի ժամանակով 17:04-ին։ Արեգակնային բռնկումները բաժանվում են հինգ դասի՝ կախված ռենտգենյան ճառագայթման հզորությունից՝ A, B, C, M և X: Բռնկումները սովորաբար ուղեկցվում են արեգակնային պլազմայի արտանետումներով, որոնց ամպերը, հասնելով Երկիր, կարող […] ...
