18:21 24.01.2025
ՆԳ նախարարի տեղակալ Արմեն Ղազարյանը հունվարի 23-ին ընդունել է Եվրոպական հանձնաժողովի Բնակչության պաշտպանության և հումանիտար օգնության գործողությունների հարցերով գլխավոր տնօրինության՝ Հարևանության, Մերձավոր Արևելքի, Հարավ Արևմուտքի և Կենտրոնական Ասիայի հարցերով տնօրեն Անդրեաս Պապակոնստանտինուի գլխավորած պատվիրակությանը։ Հանդիպմանը մասնակցել է նաև Հայաստանում Եվրոպական Միության պատվիրակության ղեկավար Վասիլիս Մարագոսը։
Անդրեաս Պապակոնստանտինուն շնորհակալություն է հայտնել ընդունելության համար և նշանակման կապակցությամբ շնորհավորել է Արմեն Ղազարյանին։
Փոխնախարարը ողջունելով ներկաներին՝ կարևորել է աղետների ռիսկի կառավարման, մասնավորապես՝ աղետների ռիսկի նվազեցման, արտակարգ իրավիճակներին արագ արձագանքման ուղղություններով կարողությունների զարգացումը, պատրաստվածության մակարդակի բարձրացումը և մի շարք այլ ուղղություններով համագործակցության ընդլայնումը։
Նա ներկայացրել է ՆԳ նախարարությունում ընթացող բարեփոխումների շրջանակում Փրկարար ծառայության կառուցվածքային և ֆունկցիոնալ փոփոխությունների ուղղությամբ իրականացվող աշխատանքներն ու առաջնահերթությունները։
Փոխնախարարը շեշտել է, որ աղետների ռիսկի կառավարման համակարգի շարունակական զարգացումը և դիմակայունության բարձրացումը ՆԳ նախարարության գերակա ուղղություններից են։
Անդրեաս Պապակոնստանտինուն և Վասիլիս Մարագոսը կարևորել են ՆԳ նախարարի տեղակալի ներկայացրած ուղղությունները՝ պատրաստակամություն հայտնելով աջակցել այդ ուղղություններում արդյունքների գրանցմանը։
Այս համատեքստում կողմերը հատկապես ընդգծել են աղետներից պատրաստվածության մակարդակի բարձրացման, աղետների ռիսկի գնահատման, ինդեքսավորման և ստացված տվյալների վերլուծության, աղետներից ապահովագրական գործուն համակարգի ներդրման, արտակարգ իրավիճակներում փրկարար կամավորական ինստիտուտի զարգացման հարցերի կարևորությունը և համագործակցության զարգացումը։
Կողմերն անդրադարձել են ԼՂ-ից բռնի տեղահանված անձանց վերաբերյալ գործընթացներում թիրախային խմբերի հետ Միգրացիայի և քաղաքացիության ծառայության անձնակազմի իրականացրած ծավալուն աշխատանքին՝ երկուստեք ընդգծելով թե՛ ծառայողներին, թե՛ քաղաքացիներին հոգեբանական աջակցություն տրամադրելու անհրաժեշտությունը։
Հանդիպման ընթացքում քննարկվել են ԵՄ ընթացիկ ծրագրերը՝ մասնավորապես PPRD East 4 ծրագրի նախագծին վերաբերող հարցեր։ Անդրադարձ է կատարվել ԵՄ Քաղաքացիական պաշտպանության մեխանիզմին (UCPM), Փրկարար ծառայությանը տեխնիկական աջակցության տրամադրմանը, ծառայողների կարողությունների շարունակական զարգացմանը և այլն։
Կողմերը պատրաստակամություն են հայտնել շարունակելու փորձի փոխանակումը և զարգացնելու համագործակցությունը բնակչության պաշտպանության և աղետների ռիսկի կառավարման ոլորտում։
23:12 24.01.2025
Հրդեհ Վանաձոր քաղաքում․ տուժածներ չկանՀունվարի 24-ին, ժամը 19:22-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր քաղաքի Բաղրամյան փողոցում այրվում է չբնակեցված տնակ։ Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երեք մարտական հաշվարկ: Պարզվել է, որ հրդեհը բռնկվել է Բաղրամյան պողոտայում գտնվող ինքնաշեն թիթեղյա տնակում (մոտ 72 քմ)։ […] ...
23:09 24.01.2025
ՃՏՊ Երևան-Գյումրի ավտոճանապարհին․ կան տուժածներՀունվարի 24-ին, ժամը 20:00-ին Շիրակի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Երևան-Գյումրի ավտոճանապարհին տեղի է ունեցել ՃՏՊ, կան արգելափակված քաղաքացիներ. անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Երևան-Գյումրի ավտոճանապարհի 106-րդ կմ-ին բախվել են «Nissan» (վարորդ՝ Կ․ Մ․, […] ...
22:55 24.01.2025
Համացանցում ոմն Լուսինե Գրիգորյանը ԲՏԱ նախարարության անունից կեղծ տեղեկատվություն է տարածումՀՀ բարձր տեխնոլոգիական արդյունաբերության նախարարությունը հայտնում է․ «Հարգելի՛ հայրենակիցներ, Համացանցում ոմն Լուսինե Գրիգորյան, ներկայանալով ՀՀ բարձր տեխնոլոգիական արդյունաբերության նախարարության աշխատակից, նախարարության անունից կեղծ տեղեկատվություն է տարածում՝ ԲՏԱՆ կողմից տեղեկատվական հարթակ ստեղծելու վերաբերյալ։ Հայտնում ենք, որ ՀՀ բարձր տեխնոլոգիական արդյունաբերության նախարարությունը նման աշխատակից չունի, որևէ տեղեկատվական հարթակ չի ստեղծել և չի նախատեսում ստեղծել։ Խնդրում ենք անտեսել […] ...
22:49 24.01.2025
Հութիները Եմենում ձերբակալել են ՄԱԿ-ի մի քանի աշխատակիցներիԵմենի «Անսար Ալլահ» շարժման հութի ապստամբները երկրում ձերբակալել են ՄԱԿ-ի ևս մի քանի աշխատակիցների: Այս մասին ճեպազրույցում հայտարարել է համաշխարհային կազմակերպության ղեկավարի մամուլի քարտուղարի տեղակալ Ֆարհան Հակը։ «Սանաայի դե ֆակտո իշխանությունները ձերբակալել են ՄԱԿ-ի լրացուցիչ թվով անձնակազմի իրենց վերահսկողության տակ գտնվող տարածքում: Ի պատասխան՝ մենք դադարեցրել ենք բոլոր պաշտոնական տեղաշարժերը դե ֆակտո իշխանությունների վերահսկողության տակ […] ...
22:21 24.01.2025
Թուրքիայում եռահարկ բնակելի շենք է փլուզվելԹուրքիայի Քոնիա նահանգում ուրբաթ օրը փլուզվել է եռահարկ շենք, ինչի հետևանքով մի քանի մարդ մնացել է փլատակներում, հայտնում է Yeni Şafak թերթը։ «Սելչուքլուի շրջանում եռահարկ շենք է փլուզվել, դեպքի վայր են ժամանել հրշեջներն ու փրկարարները», – գրում է թերթը։ Շենքի փլուզման պատճառները չեն նշվում։ ...
