13:33 20.01.2025
Հայաստանի Հանրապետության վարչապետ Նիկոլ Փաշինյանի արձանագրել է, որ Հայաստանում ներդրված ապօրինի գույքի բռնագանձման համակարգն աշխատում է հաջողությամբ։
«Արմենպրես»-ի հաղորդմամբ՝ այս մասին վարչապետ Փաշինյանը նշել է «Ֆեյսբուք»-ի իր էջում տեղադրված տեսանյութում։
«Շատերդ եք լսել ասացվածքը, որ եթե ուզում ես մարդուն կերակրել, ոչ թե նրան ձուկ տուր, այլ նրան սովորեցրու ձուկ բռնել»,-նշել է Նիկոլ Փաշինյանը։
Վարչապետը հավելել է, որ կառավարությունն այս ասացվածքի առաջարկած տրամաբանությամբ է առաջնորդվել՝ Հայաստանում ապօրինի գույքի վերադարձի համակարգը ներդնելիս, որը վերաբերվում է ապօրինի կերպով սեփականաշնորհված և կոռուպցիոն միջոցներով ձեռք բերված գույքերին և օրենքով նախատեսված այլ դեպքերի։
«Շատ կարևոր է արձանագրել, որ այս համակարգը այլևս ներդրված է Հայաստանում և աշխատում է հաջողությամբ։ Ես առիթ ունեցել եմ ներկայացնելու այն գույքերը, որոնք արդեն իսկ վերադարձվել են Հայաստանի Հանրապետությանը, ընդ որում օրենսդրական տարբեր մեխանիզմների գործադրմամբ և ուզում եմ այս համատեքստում երկու բան արձանագրել: Առաջինը՝ ապօրինի գույքի վերադարձի և ընդհանրապես պետական շահի և համայնքային շահի համակարգով ապօրինի կերպով ձեռք բերված գույքերի վերադարձի համակարգը վերաբերվում է, այո, նախկինում տեղի ունեցած այդ երևույթներին, 2018 թվականի ժողովրդական ոչ բռնի թավշյա հեղափոխությունից առաջ տեղի ունեցած նմանատիպ երևույթներին, բայց վերաբերվում է նաև հեղափոխությունից հետո տեղի ունեցող, տեղի ունեցած նման հնարավոր դեպքերին և երևույթներին։ Եվ ահա սա այն է, որ արժևորում է ներդրված համակարգը, որովհետև համայնքային ու պետական շահերի պաշտպանության տանիքի ներքո այդ ապօրինի գույքերի միջոցների վերադարձը թիրախավորում է ոչ թե կոնկրետ ժամանակաշրջան, այլ թիրախավորում է կոնկրետ երևույթ»,-ասել է վարչապետը։
Նիկոլ Փաշինյանի դիտարկմամբ՝ ժողովրդից տարված գույքը, պետությունից գողացված և ապօրինի ձևով ձեռք բերված գույքը պետք է վերադարձվի պետությանն, այսինքն՝ ժողովրդին։
«Եվ ես այսօր ուզում եմ արձանագրել, որ այդ համակարգը ներդրված է, գործում է, ինչի առիթով ուզում եմ շնորհավորել բոլորիս, որովհետև դա 2018 թվականի հեղափոխության կարևոր խնդիրներից մեկն էր: Եվ ուզում եմ արձանագրել, որ այն ինչ խոստացել էինք, ահա իրականացված է, ներդրված է և այս ներդրված համակարգը հատիկ առ հատիկ վերադարձնելու է ժողովրդից գողացված բոլոր գույքերը»,-եզրափակել է Հայաստանի վարչապետը:
Ապօրինի ծագում ունեցող գույքիօ բռնագանձման մասին օրենքը Հայաստանում գործում է 2020 թվականի ապրիլից։ Այս պահին ընթացքի մեջ են ապօրինի ծագում ունեցող գույքի վերադարձի բազմաթիվ հայցադիմումներ, մի շարք դեպքերում ապօրինի ծագում ունեցող գույքն արդեն իսկ վերադարձվել է պետությանը։
21:00 20.01.2025
Լիտվան Ուկրաինային է փոխանցել 4,5 հազար անօդաչու թռչող սարք
21:00 20.01.2025
Լիտվան Ուկրաինային է փոխանցել 4,5 հազար անօդաչու թռչող սարքԼիտվան Ուկրաինային է փոխանցել 4,5 հազար անօդաչու թռչող սարք, որոնց արժեքը կազմում է 5 միլիոն եվրո։ Այս մասին հայտնում է Բալթյան Հանրապետության պաշտպանության նախարարությունը։ «Անօդաչու թռչող սարքերի խմբաքանակը ժամանել է Ուկրաինա և վերջինիս ներկայացուցիչներին է փոխանցվել անցյալ շաբաթվա վերջին»,- ասվում է հաղորդագրության մեջ։ Անօդաչու թռչող սարքերի տեսակներն ու արտադրողը նշված չեն: Սկզբում անօդաչու թռչող սարքի […] ...
20:48 20.01.2025
Reuters. Թրամփը 24 ժամվա ընթացքում հրամանագիր կստորագրի միայն երկու սեռերի ճանաչման մասինՀանրապետական Դոնալդ Թրամփը, ով շուտով կստանձնի Միացյալ Նահանգների նախագահի պաշտոնը, մտադիր է առաջիկա 24 ժամվա ընթացքում հրամանագիր ստորագրել, ըստ որի երկրի իշխանությունների կողմից ճանաչվում է ընդամենը երկու սեռ։ Այս մասին հայտնում է Reuters-ը՝ Վաշինգտոնի ապագա վարչակազմի ներկայացուցչին հղումով։ Հրամանագրի համաձայն՝ ԱՄՆ դաշնային իշխանությունները կճանաչեն միայն արական և իգական սեռերի գոյությունը։ Հանրապետականը ավելի վաղ խոստացել էր […] ...
20:40 20.01.2025
Էրդողանը ողջունել է Գազայի հատվածում հրադադարըԹուրքիայի նախագահ Ռեջեփ Թայիփ Էրդողանը ողջունել է Գազայի հատվածում պաղեստինյան արմատական ՀԱՄԱՍ շարժման և Իսրայելի միջև հրադադարի համաձայնագրի ուժի մեջ մտնելը։ «Մենք ողջունում ենք Գազայում հրադադարի շուրջ պայմանավորվածությունների ձեռքբերումը: Հուսով ենք, որ դրանք կիրականացվեն բոլոր փուլերում, մենք ակնկալում ենք, որ միջազգային հանրությունը կապահովի, որ Իսրայելը կատարի իր պարտավորությունները»,-ասել է Թուրքիայի ղեկավարը Անկարայում Սլովակիայի վարչապետի հետ […] ...
20:30 20.01.2025
IFFHS-ը հրապարակել է 2024թ. աշխարհի ուժեղագույն ազգային առաջնություններըԻտալիայի Ա Սերիան Ֆուտբոլի պատմության և վիճակագրության միջազգային ֆեդերացիայի (IFFHS) կողմից ճանաչվել է 2024թ. աշխարհի ուժեղագույն ազգային առաջնություն: Այս մասին հայտնում է կազմակերպության պաշտոնական կայքը։ Իտալիայի առաջնությունը IFFHS-ի սահմանած չափանիշներով ստացել է 1992 միավոր։ Ուժեղագույնների հնգյակում են նաև Իսպանիայի Լա լիգան (1885), Անգլիայի Պրեմիեր լիգան (1871), Բարզիլիայի Ա Սերիան (1859) և Գերմանիայի Բունդեսլիգան (1606)։ Հայաստանի […] ...
20:25 20.01.2025
Բայդենը Թրամփի համար գրառում է թողել Օվալաձև աշխատասենյակումՋո Բայդենը, որի նախագահական լիազորությունների ժամկետը կավարտվի տեղական ժամանակով կեսօրին, երկարամյա ավանդույթի համաձայն՝ գրառում է թողել իր իրավահաջորդ Դոնալդ Թրամփին։ Պետության հեռացող ղեկավարն այս մասին լրագրողներին ասել է այն ժամանակ, երբ առաջին տիկին Գիլը Սպիտակ տան մուտքի մոտ սպասում էր հանրապետականին և նրա կնոջը՝ Մելանյային։ Դեմոկրատին հարցրել են՝ արդյոք նա գրություն է թողել Թրամփին։ Բայդենը […] ...
20:15 20.01.2025
Իրանը ՀԱՄԱՍ-ի գործարքն անվանել է Իսրայելի կապիտուլյացիաԻսրայելն ընդունեց իր պարտությունը և կապիտուլյացիայի ենթարկեց արմատական պաղեստինյան ՀԱՄԱՍ շարժմանը՝ համաձայնելով Գազայի հատվածում հրադադարի մասին համաձայնագրի։ Նման կարծիք է հայտնել Իրանի զինված ուժերի գլխավոր շտաբի պետ, գեներալ-լեյտենանտ Մոհամմադ Բաղերին։ «Սիոնիստները (նկատի ունի Իսրայելի իշխանություններին) խոստովանեցին, որ այլ ելք չունեն, քան հանձնվել և համաձայնվել հրադադարի։ «Դիմադրության առանցքը» անդրդվելիորեն դիմակայեց այս փորձությանը և հրադադար պարտադրեց հակառակորդին, […] ...
