13:40 12.01.2025
Ձևավորվում է Շրջակա միջավայրի նախարարությանը և ՅՈՒՆԻՍԵՖ-ին առընթեր Կլիմայի փոփոխության հարցերով երիտասարդական խորհուրդ։ Այս մասին հայտնում են ՀՀ շրջակա միջավայրի նախարարությունից։
«Խորհուրդը ծառայելու է երիտասարդներին որպես հարթակ, որի միջոցով նրանք կարող են՝
գործի դնել իրենց հմտություններն ու պատկերացումները քաղաքականությունների մշակման ուղղությամբ,
քննարկել կլիմայի և բնապահպանության գծով առկա խնդիրները փորձագետների, որոշում ընդունողների և այլ կողմերի հետ
բարձրաձայնել իրենց շրջապատում և համայնքներում առկա խնդիրները և առաջարկել լուծումներ։
Խորհուրդը հիմնելու առաջնային նպատակը դեռահաս և երիտասարդ անձանց կարողությունների ամրապնդումն է՝ կլիմայի փոփոխությունների հետ կապված գործողությունների պլանավորման և որոշումների կայացման վերաբերյալ, որպեսզի երիտասարդ ջատագովները կարողանան ներգործություն ունենալ կլիմայի փոփոխությունների հետ կապված ներպետական քաղաքականությունների վրա։
ՅՈՒՆԻՍԵՖ-ը, իր գործընկերների հետ, կապահովի խորհրդի անդամներին անհրաժեշտ գիտելիքներով, հմտություններով և համագործակցության հարթակներով, որոնք անհրաժեշտ են Երեխաների, երիտասարդության և կլիմայական գործունեության մասին հռչակագրի շրջանակներում աշխատելու որպես կլիմայի փոփոխությանը դիմակայող գործիչներ։
Խորհուրդը նաև աջակցելու է ՅՈՒՆԻՍԵՖ-ին և Նախարարությանը՝ առկա քաղաքականությունները, միջոցառումները քարտեզագրելու և վերլուծելու, ինչպես նաև առաջարկություններ մշակելու գործում, որոնց շնորհիվ գործողությունների ազգային ծրագիրը (ԳԱԾ) կդառնա առավել երեխայակենտրոն և երիտասարդամետ։
Հայտ կարող են ներկայացնել 16-ից 24 տարեկան շահագրգիռ երիտասարդները։
Խորհուրդը կազմված կլինի տարբեր կենսագրությամբ և տարբեր մարզեր ներկայացնող առավելագույնը 18 անդամից, ովքեր խորհրդի կազմում կգործեն առնվազն մեկ տարի և առավելագույնը երեք տարի ժամկետով։ Խորհուրդը կհանդիպի տարին առնվազն 6 անգամ, կլինեն նաև լրացուցիչ առցանց միջոցառումներ։
Հայտերի ուսումնասիրության հանձնաժողովը նախապես որոշված չափանիշների հիման վրա կգնահատի ստացված բոլոր հայտերը, որի արդյունքում նախնական ընտրություն անցած թեկնածուները կհրավիրվեն հարցազրույցի։ Հարցազրույցի փուլում թեկնածուներին հնարավորություն է ընձեռվելու ներկայացնել իրենց փորձն ու մոտիվացիան։
Հարցազրույցի փուլից հետո հանձնաժողովը ընտրելու է խորհրդի վերջնական կազմը՝ ապահովելով ընտրության արդարացի և համակողմանի գործընթաց։ Բոլոր դիմումատուները կտեղեկացվեն ընտրության գործընթացի արդյունքների մասին։
Դիմելու համար լրացրեք ստորև առկա դիմումաձևը մինչև 2025թ. հունվարի 25-ը»,-ասված է հաղորդագրության մեջ։
17:50 12.01.2025
Սիյարտո. ԱՄՆ պատժամիջոցները հանգեցնում են վառելիքի գների բարձրացմանըՌուսաստանի դեմ ԱՄՆ պատժամիջոցների վերջին փուլը լուրջ էներգետիկ խնդիրներ է ստեղծում Կենտրոնական Եվրոպայի համար և բարձրացնում վառելիքի գները: Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն՝ մեկնաբանելով Ջո Բայդենի վարչակազմի որոշումը՝ պատժիչ միջոցներ կիրառել ռուսական նավթագազային ընկերությունների, ինչպես նաև սերբական NIS ընկերության դեմ։ «Պատժամիջոցների այս նոր փաթեթը լուրջ մարտահրավեր […] ...
17:29 12.01.2025
Կալաս. ԵՄ-ն հունվարի վերջին կքննարկի Սիրիայի դեմ պատժամիջոցների վերացման հարցըԵվրամիության արտաքին գործերի նախարարները հունվարի վերջին կքննարկեն Սիրիայի դեմ պատժամիջոցների վերացման հնարավորությունը, հայտարարել է ԵՄ դիվանագիտական ծառայության ղեկավար Քաջա Կալլասը։ «Մենք աշխատում ենք, որպեսզի մինչ այս պահը իսկապես հնարավոր դառնա որոշել, թե արդյոք մենք կարող ենք պատժամիջոցները վերացնել»,-մեջբերում է Reuters-ը նրա խոսքերը: Հունվարի 27-ին նախատեսվում է Բրյուսելում ԵՄ խորհրդի նիստը, որին ակնկալվում է, որ ԵՄ […] ...
17:10 12.01.2025
Դատական իշխանության հեղինակության բարձրացման ուղղությամբ բավականին անելիք ունեն դատավորները. ԲԴԽ նախագահԱյսօր՝ դատական իշխանության օրվան նվիրված պաշտոնական միջոցառմանը Բարձրագույն դատական խորհրդի նախագահ Արթուր Աթաբեկյանը շնորհավորել է դատավորներին և դատական ծառայողներին՝ առանձնահատուկ կարևորելով այն հանգամանքը, որ ժողովրդավարության ուղիով ընթացող բոլոր երկրներում առանձնակի դերակատարություն ունեն դատարանները, որոնց գործունեության արդյունքները թե՛ պետության, թե՛ հասարակության ձևավորման և կենսագործունեության ընթացքում մշտապես կրել են իրավունքի գերակայության, արդյունավետ արդարադատության և արդար դատաքննության երաշխավորի […] ...
16:50 12.01.2025
Հավասարության և ճգնաժամերի հարցերով եվրահանձնակատարը եկել է ՈւկրաինաՀավասարության և ճգնաժամերին նախապատրաստվելու և արձագանքելու հարցերով եվրահանձնակատար Այա Լյաբիբը ժամանել է Ուկրաինա։ Այս մասին նա գրել է X-ում։ Սկսելով ուկրաիներեն առավոտյան մաղթանքից՝ նա ասել է․ «Եվրամիությունը բոլոր եղանակային պայմանների ընկեր է, և ոչ միայն ընկեր՝ լավ եղանակի դեպքում, մենք շարունակում ենք ուժեղ մարդասիրական օգնություն ցուցաբերել Ուկրաինային և նրա ժողովրդին»։ Բելգիայից եվրահանձնակատարի այցը չհայտարարված է։ ...
16:29 12.01.2025
2024 թ. արձանագրված փոփոխությունները. ԱԳՆ2024 թվականին ՀՀ արտաքին գործերի նախարարությունը, դիվանագիտական ներկայացուցչություններն ու հյուպատոսական հիմնարկներն ապահովել են հյուպատոսական ծառայությունների մատուցման բնականոն ընթացքը, հայտնում են ՀՀ ԱԳՆ-ից։ «2024 թ. արձանագրված փոփոխությունները. Հունվարի 1-ից սովորական (ոչ կենսաչափական) անձնագրերն օտարերկրյա պետություններում համարվել են վավերական՝ անկախ անձնագրի 4-րդ էջում օտարերկրյա պետություններում վավերականության մասին նշման առկայությունից: 2024 թ. փետրվարի 1-ին ուժի մեջ է մտել […] ...
16:10 12.01.2025
The Korea Times. Հարավային Կորեայի նախագահի անվտանգության շարքերում պառակտման նշաններ կանՊառակտման և դժգոհության նշաններ են ի հայտ եկել Կորեայի Հանրապետության նախագահ Յուն Սեոկ-յոլի անվտանգության ծառայության շարքերում, ինչը կանխել է պետության ղեկավարի ձերբակալությունը հունվարի 3-ին՝ քննիչների հետ առերեսման ժամանակ։ Այս մասին հայտնում է The Korea Times թերթը։ Հունվարի 10-ին անվտանգության պետ Պակ Չուն-Ջունը ներկայացավ ոստիկանական հարցաքննության և հրաժարական տվեց, որն ընդունվեց նախագահի պաշտոնակատար Չոյ Սանգ-Մոկի կողմից։ […] ...
