21:06 27.12.2024
Բեկորներն ու վկաների ցուցմունքները հիմք են տալիս կարծելու, որ դեկտեմբերի 25-ին Ղազախստանի Ակտաուի մոտ կործանված AZAL ինքնաթիռի աշխատանքում արտաքին միջամտություն է եղել, ասել է Ադրբեջանի թվային զարգացման և տրանսպորտի նախարար Ռաշադ Նաբիևը, հայտնում է ադրբեջանական Report գործակալությունը։
Նաբիևն ասել է, որ վիրավոր ուղևորները և ողջ մնացած բորտուղեկցորդուհիները հայտնել են, որ Գրոզնիում պայթյունի ձայն են լսել։
«Ինքնաթիռի թևի վրա հայտնաբերվել են անցքեր, իսկ օդանավի ներսում գրանցվել են ֆյուզելաժի վնաս և բեկորների հետքեր։ Տուժած Ռուսաստանի քաղաքացիները նաև հայտնել են, որ Գրոզնիում երեք պայթյուն են լսել: Նրանց խոսքով՝ դրսից պայթյունների ձայներ են լսվել, որից հետո ինչ-որ բան հարվածել է ինքնաթիռին»,- ընդգծել է նախարարը։
Նաբիևը խոսքով, Ղազախստանի պաշտոնյաները վկայակոչում են Ռոստովում դիսպետչերի կողմից առաջարկված ինքնաթիռում թթվածնի բալոնի պայթյունի վարկածը։
«Մենք կարծում ենք, որ անհրաժեշտ է ստուգել այդ տեղեկատվության ճշգրտությունը»,- ասել է նա։
Նրա խոսքով, ինքնաթիռի թռիչքի երթուղին վերլուծելիս կարելի է տեսնել, որ այն Մախաչկալայով փոխել է ուղղությունը դեպի Ակտաու։ Բացի այդ, հետաքննությունը կպարզի, թե ինչու է օդաչուն որոշում կայացրել վթարային վայրէջք կատարել։ Պարզաբանման կարիք ունի նաեւ օդանավում GPS-ի անջատման հարցը։
Նաբիևը նշել է, որ ինչպես տեղական, այնպես էլ միջազգային փորձագետները բարձր են գնահատել ինքնաթիռի անձնակազմի գործողությունները, ովքեր հերոսություն են ցուցաբերել և կատարել օպտիմալ վայրէջք, ինչի շնորհիվ հաջողվել է փրկել ինքնաթիռում գտնվող բազմաթիվ ուղևորների։
«Ադրբեջանը, օգտվելով իր իրավունքից, հետաքննության գործընթացում ներգրավել է միջազգային խորհրդատուների և արդեն կապ է հաստատել նրանց հետ»,- ընդգծել է նա։
Նախարարը հայտնել է, որ Embraer 190 ինքնաթիռի կործանումից հետո Ադրբեջանի նախագահ Իլհամ Ալիեւի հանձնարարությամբ ստեղծվել է հատուկ հանձնաժողով։ Նրա անդամները մեկնել են Ակտաու՝ վթարի հանգամանքները մանրամասն ուսումնասիրելու համար։ Նրանք զննել են դեպքի վայրը և հանդիպել Ադրբեջանի և այլ երկրների տուժած քաղաքացիների հետ։
«Embraer»-ի երկու մասնագետներ դեպքի վայրում են և աշխատում են քննչական խմբի կազմում, հավելել է նա։ Շաբաթ օրը հետաքննությանը կմիանան Բրազիլիայի փորձագետները։
13:19 28.12.2024
Բելառուսում Հայաստանի դեսպանը չի վերադարձել ՄինսկԲելառուսում Հայաստանի դեսպան Ռազմիկ Խումարյանը Հայաստան ետ կանչվելուց հետո Մինսկ չի վերադարձել։ Այդ մասին Radar Armenia-ին ասել է ԱԳՆ խոսնակ Անի Բադալյանը։ Խումարյանը խորհրդակցությունների համար Հայաստան էր հրավիրվել դեռևս 2024 թվականի հունիսին։ ...
13:14 28.12.2024
Լարսը բեռնատարների համար փակ էՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատար ավտոմեքենաների համար։ Վարորդներին խորհուրդ է տրվում երթևեկել բացառապես ձմեռային անվադողերով։ ...
13:09 28.12.2024
ԿԳՄՍ նախարարը մասնակցել է Հեղինակային երգի հանրապետական մրցույթ-փառատոնի գալա-համերգին և մրցանակաբաշխությանըԿԳՄՍ նախարարության նախաձեռնությամբ և ֆինանսավորմամբ «Ջերմ Ամանոր Ջերմուկում» ծրագրի շրջանակում Ջերմուկում անցկացվել են Հեղինակային երգի հանրապետական մրցույթ-փառատոնի գալա-համերգը և մրցանակաբաշխության հանդիսավոր արարողությունը: Միջոցառմանը ներկա են եղել ԿԳՄՍ նախարար Ժաննա Անդրեասյանը, նախարարի տեղակալ Դանիել Դանիելյանը, Կառավարության և ՏԻՄ մարմինների ներկայացուցիչներ։ Ողջունելով ներկաներին և շնորհավորելով Հեղինակային երգի հանրապետական մրցույթ-փառատոնի հաղթողներին ու մրցանակակիրներին՝ նախարար Ժաննա Անդրեասյանը շնորհակալություն է […] ...
13:00 28.12.2024
Որպես մանուկ գնացի Եվրո-2024-ին, մրցաշարից հետո հայտնի դարձա ամբողջ աշխարհում. Լամին Յամալ«Բարսելոնայի» և Իսպանիայի ազգային հավաքականի եզրային հարձակվող Լամին Յամալը Դուբայում կայացած Globe Soccer Awards մրցանակաբաշխությունում տարվա լավագույն երիտասարդ ֆուտբոլիստի մրցանակը ստանալուց հետո խոսել է կարիերայում գրանցած կտրուկ առաջընթացի մասին: «Որպես մանուկ գնացի Եվրո-2024-ին, մրցաշարից հետո հայտնի դարձա ամբողջ աշխարհում։ Երբ խոսում էին ազգային հավաքականի մասին, ինձ որպես կարևոր խաղացող չէին նշում։ Բայց երբ վերադարձա, հասկացա, […] ...
12:48 28.12.2024
Հնդկաստանի ԱԳ նախարարը Թրամփի ապագա խորհրդականի հետ քննարկել է երկկողմ գործընկերությունըՀնդկաստանի արտաքին գործերի նախարար Սուբրահմանյամ Ջայշանքարը հանդիպել է ԱՄՆ նորընտիր նախագահ Դոնալդ Թրամփի ազգային անվտանգության հարցերով ապագա խորհրդական Մայքլ Վալցի հետ։ Այս մասին հայտարարել է հնդիկ նախարարը։ Նրա խոսքով, նրանք քննարկել են «երկկողմ գործընկերությունը և ընթացիկ գլոբալ խնդիրները»։ «Ես անհամբեր սպասում եմ նրա հետ աշխատելուն», – ասել է Ջայշանքարը: Հնդկաստանի արտգործնախարարը երեքշաբթի օրն այցելել է […] ...
12:35 28.12.2024
Տարադրամի փոխարժեքները դեկտեմբերի 28-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 394 դրամ, վաճառքի նվազագույն արժեքը՝ 399 դրամ: Եվրոյի առքի առավելագույն արժեքն է 410 դրամ, վաճառքի նվազագույն արժեքը՝ 418 դրամ: Ռուսական ռուբլու առքի առավելագույն արժեքն է 3․8 դրամ, վաճառքի նվազագույն արժեքը՝ 3․89 դրամ: ...
