15:39 26.12.2024
Պետական եկամուտների կոմիտեն հիշեցնում է քաղաքացիներին, որ 2025 թվականի հունվարի 1-ից հիփոթեքային վարկի գծով եկամտային հարկի վերադարձի գործընթացում կլինեն մի քանի փոփոխություններ, որոնք վերաբերելու են, բացառապես, 2025 թվականի հունվարի 1-ից հետո ստացված հիփոթեքային վարկերին, իսկ մինչ այդ հիփոթեքային վարկ ստացած շահառուներին փոփոխությունները չեն վերաբերի։
Ինչ փոփոխություն է լինելու
2025 թվականի հունվարի 1-ից հետո ստացված հիփոթեքային վարկի գծով եկամտային հարկի վերադարձի հնարավորությունը չի գործի, եթե անշարժ գույքը գտնվում, կառուցվում կամ կառուցվելու է Երևան քաղաքի վարչական տարածքում։ Փոխարենը՝ ծրագիրը կշարունակի գործել մարզերում։
Կարևոր է իմանալ
Մինչև 2022 թվականի հունվարի 1-ը ստացված շինարարության թույլտվությունների հիման վրա Երևան քաղաքի վարչական տարածքում կառուցված կամ կառուցվող բնակարաններ ձեռք բերելու դեպքում՝ եկամտային հարկի վերադարձից կարող են օգտվել նաև այն շահառուները, որոնք հիփոթեքային վարկը ստացել են 2025 թվականի հունվարի 1-ից հետո։ Օրինակ, եթե 2025 թվականի հունվարի 1-ից հետո հիփոթեքային վարկով շահառուն ձեռք բերի բնակարան Երևան քաղաքի վարչական տարածքում, ապա կարող է օգտվել եկամտային հարկի վերադարձի հնարավորությունից, եթե այդ անշարժ գույքի շինարարության թույլտվությունը ստացված լինի մինչև 2022 թվականի հունվարի 1-ը։
Ինչ փոփոխություն է լինելու
Մեկ այլ փոփոխությամբ՝ եկամտային հարկի վերադարձի ծրագրի շահառուներին 2025 թվականի հունվարի 1-ից հետո ստացված հիփոթեքային վարկի գծով եռամսյակային պարբերականությամբ վերադարձվող եկամտային հարկի գումարը չի կարող գերազանցել 750 հազար դրամը։
Կարևոր է իմանալ
Մինչև 2025 թվականի հունվարի 1-ը ստացված հիփոթեքային վարկերի գծով շահառուներին, եռամսյակային պարբերականությամբ, կշարունակվի վերադարձվել առավելագույնը 1,5 մլն դրամ։
ՊԵԿ-ը քաղաքացիներին նաև հիշեցնում է, որ ՀՀ մարզերում հիփոթեքային վարկով կառուցապատողից բնակարան (կազմակերպություն կամ անհատ ձեռնարկատեր հանդիսացող կառուցապատողից անհատական բնակելի տուն) ձեռք բերելիս կամ անհատական բնակելի տուն կառուցելիս պետք է հաշվի առնել, որ եկամտային հարկը ՉԻ վերադարձվի՝
2027 թվականի հունվարի 1-ից հետո ստացված հիփոթեքային վարկերի մասով, եթե անշարժ գույքը գտնվում է կամ կառուցվում է կամ կառուցվելու է Արագածոտնի, Արարատի, Արմավիրի և Կոտայքի մարզերի վարչական տարածքներում։
2029 թվականի հունվարի 1-ից հետո ստացված հիփոթեքային վարկերի մասով, եթե անշարժ գույքը գտնվում է կամ կառուցվում է կամ կառուցվելու է վերը չնշված՝ Շիրակի, Լոռու, Տավուշի, Գեղարքունիքի, Վայոց Ձորի և Սյունիքի, մարզերի վարչական տարածքներում։
Նշված սահմանափակումները չեն վերաբերում Կառավարության հաստատած ցանկում ներառված սահմանամերձ բնակավայրերում գտնվող կամ կառուցվող անշարժ գույքին։
Միաժամանակ, կոմիտեն տեղեկացնում է, որ առաջին անգամ եկամտային հարկի գումարների վերադարձման նպատակով փաստաթղթերը հարկային մարմին ներկայացնելու վերջնաժամկետ սահմանված չէ, հետևաբար մինչև 2025 թվականի հունվարի 1-ը ստացված հիփոթեքային վարկերի մասով համապատասխան փաստաթղթերը հարկային մարմին քաղաքացիները կարող են ներկայացնել նաև 2025 թվականի հունվարի 1-ից հետո։
00:00 27.12.2024
Չինաստանը հավանություն է տվել Բրահմապուտրա գետի վրա աշխարհի ամենամեծ ամբարտակի կառուցմանըՉինաստանը հավանություն է տվել աշխարհի ամենամեծ ամբարտակի կառուցմանը, որը համարվում է աշխարհի ամենամեծ ենթակառուցվածքային նախագիծը, որի արժեքը կազմում է 137 միլիարդ ԱՄՆ դոլար: Այն կկառուցվի Տիբեթի Բրահմապուտրա գետի վրա՝ Հնդկաստանի հետ սահմանի մոտ, ինչը անհանգստություն է առաջացրել գետի ափամերձ նահանգներում՝ Հնդկաստանում և Բանգլադեշում։ Չինաստանի կառավարությունը հավանություն է տվել Յարլունգ Զանգբո գետի ստորին հոսանքին (Տիբեթյան անվանումը՝ […] ...
23:55 26.12.2024
Դոնալդ Թրամփը լեգենդար Ուեյն Գրեցկիին առաջարկել է դառնալ Կանադայի վարչապետԱՄՆ նորընտիր նախագահ Դոնալդ Թրամփը պատմել է կանադացի լեգենդար հոկեյիստ Ուեյն Գրեցկիի հետ զրույցի մասին։ «Զրուցել եմ Ուեյն Գրեցկիի հետ։ Նրան «Մեծագույն» են անվանում հոկեյի աշխարհում։ Նրան առաջարկեցի առաջադրվել Կանադայի վարչապետի պաշտոնում։ Ասացի, որ նա հեշտությամբ կհաղթի և նույնիսկ չունի նախընտրական արշավ անցկացնելու կարիք»,- Truth Social սոցիալական ցանցում գրել է Թրամփը։ 63-ամյա Ուեյն Գրեցկին Հոկեյի […] ...
23:50 26.12.2024
Թրամփի վարչակազմը կարտաքսի անօրինական ներգաղթյալների ընտանիքներինԱՄՆ նորընտիր նախագահ Դոնալդ Թրամփի վարչակազմը երկրից կվտարի անօրինական ներգաղթյալների ընտանիքներին, այդ թվում՝ ծնողներին, որոնց երեխաները ծնվել են ամերիկյան հողում, ասել է հանրապետական վարչակազմի սահմանային անվտանգության հարցերով նոր ղեկավար Թոմաս Հոմանը։ Washington Post-ին տված հարցազրույցում նա ասել է, որ ամերիկյան նոր իշխանությունները մտադիր են արտաքսել ծնողներին՝ նրանց ընտրության հնարավորություն տալով՝ հեռանալ մենակ՝ թողնելով երեխային, կամ […] ...
23:45 26.12.2024
Սիրիային անվտանգության ուժերի առնվազն չորս աշխատակից է զոհվել Հոմսի մերձակայքում գործողության ընթացքումՍիրիայի անցումային կառավարության անվտանգության ուժերը հետապնդում են նախկին ռեժիմի կողմնակիցներին՝ Հոմս քաղաքից հյուսիս-արևմուտք (Դամասկոսից 165 կմ հեռավորության վրա)։ Ինչպես հայտնում է Al Watan թերթը, Բալկասա գյուղում մի խումբ զինված մարդկանց հետ բախման ժամանակ սպանվել է չորս իրավապահ։ Թերթի տվյալներով՝ Դամասկոսի ռազմական գործողությունների վարչությունը մեծ ուժեր է ուղարկել Հոմս նահանգ՝ այնտեղ թաքնված նախկին նախագահ Բաշար ալ-Ասադի […] ...
23:40 26.12.2024
Ի՞նչ է խոստացել Կիլիան Մբապեն «Ռեալի» նախագահինՄադրիդի «Ռեալի» հարձակվող Կիլիան Մբապեն ակումբի նախագահ Ֆլորենտինո Պերեսին խոստացել է բարելավել խաղը։ Marca-ի հաղորդմամբ` 26-ամյա ֆուտբոլիստն ու Պերեսն Իսպանիայի Լա լիգայի 19-րդ տուրի Բիլբաոյի «Աթլետիկի» դեմ խաղից առաջ առանձնազրույց են ունեցել։ Մբապեն ֆունկցիոներին խոստացել է նաև, որ կփոխի խաղային դինամիկան` ավելի արդյունավետ գործելու համար։ Բացի դրանից, ֆրանսիացին վստահեցրել է, որ սկսելու է ավելի շատ […] ...
23:32 26.12.2024
Էստոնիան կառաջարկի ՆԱՏՕ-ին օգտագործել նավատորմը՝ Բալթյան ենթակառուցվածքները պաշտպանելու համարԷստոնիայի վարչապետ Քրիստեն Միխալը ՆԱՏՕ-ի գլխավոր քարտուղար Մարկ Ռյուտեին կառաջարկի մեծացնել Բալթիկ ծովում կարևոր ստորջրյա ենթակառուցվածքի պաշտպանությունը՝ նավերի հետ կապված վերջին միջադեպերից հետո։ Այս մասին Միխալը հայտնել է Տալլինում կայացած մամուլի ասուլիսում՝ կապված Ֆինլանդիայի հետ Estlink 2 հեռահաղորդակցության մալուխի խզման իրավիճակի հետ։ «Ես կապ կհաստատեմ ՆԱՏՕ-ի գլխավոր քարտուղարի հետ՝ քննարկելու ստորջրյա ենթակառուցվածքի պաշտպանության համար նավատորմի […] ...
