16:30 23.12.2024
Ամանորի տոնական օրերին առկա են բոլոր նպաստավոր պայմանները սննդային գործոնով պայմանավորված վարակիչ հիվանդությունների առաջացման համար, քանի որ այդ օրերին ավելի հաճախ են մարդկանց կողմից օգտագործվում երկար, ոչ պատշաճ պայմաններում պահված, բազմակի անգամ տաքացրած կերակրատեսակներ: Բացի այդ օգտագործվում են միմյանց հետ ոչ համատեղելի մթերքներ, որոնք իրենց հերթին պատճառ են դառնում մարսողական համակարգի տարբեր բնույթի խանգարումների. խորհուրդներ Հիվանդությունների վերահսկման և կանխարգելման ազգային կենտրոնից:
Տոնական օրերին սննդային գործոնով պայմանավորված վարակիչ հիվանդություններից խուսափելու համար անհրաժեշտ է.
✔ գնումներ կատարել խանութներից, ոչ թե անկազմակերպ վաճառքի կետերից՝ փողոցից և շուկաների հարակից տարածքից
✔ գնումներ կատարելիս ուշադություն դարձնել մթերքի պահպանման պայմաններին, պիտանելիության ժամկետին, արտաքին տեսքին
✔ աղցանները, մսային կերակրատեսակները, դոնդողը պատրաստել տանը, քիչ քանակներով՝ պահպանելով հիգիենայի կանոնները
✔ Իսկ եթե պատրաստի կերակրատեսակները ձեռք է բերվել խանութներից, ուշադրություն դարձնել պատրաստման և իրացման ժամկետներին, պահպանման պայմաններին, ջերմաստիճանին:
✔ կիսապատրաստվածքները անպայման ենթարկել կրկնակի ջերմային մշակման օգտագործելուց առաջ
✔ Խմորեղենը, կրեմով տորթերը սառնարանում պահել 3 օրից ոչ ավելի
✔ Ձեռքերը անպայման լվանալ սնունդ պատրաստելուց առաջ և ամեն անգամ հում մթերքի հետ շփվելուց հետո
✔ Հում և պատրաստի մթերքի մշակման ժամանակ օգտագործել առանձին մասնատման տախտակներ, դանակներ:
✔ Մանրազնին լվանալ կանաչին, միրգը և բանջարեղենը: Ներմուծված միրգը և բանջարեղենը սովորաբար մշակված են լինում տարբեր քիմիական նյութերով՝ ապրանքային տեսքը երկար ժամանակ պահպանելու համար, այդ պատճառով սրանք բացի մանրէային թունավորումից, կարող են պարունակել նաև քիմիական աղտահարման վտանգ:
✔ խուսափել տնային պայմաններում պատրասված պահածոների օգտագործումից, իսկ օգտագործելու դեպքում այն պետք է եռացնել 15-20 րոպե:
✔ չգնել ու սննդում չօգտագործել անհայտ ծագման, չստուգված սնկեր: Սունկը գնել միայն շուկայից և խանութներից` համապատասխան իրավասու մարմնի կողմից տրված փաստաթղթի առկայության դեպքում:
Եթե վատ եք զգում, հատկապես եթե առկա են մարսողության խանգարումներ, սրտխառնոց, ցավեր որովայնի շրջանում, անհապաղ դիմեք բժշկի:
21:32 23.12.2024
Նեթանյահուն Իսրայելի պաշտպանության բանակին հրամայել է հարձակվել Հութիների ռազմավարական թիրախների վրաԻսրայելի վարչապետ Բենիամին Նեթանյահուն ասել է, որ երկրի պաշտպանության նախարարության ղեկավար Իսրայել Կացի հետ հրամայել է Իսրայելի պաշտպանության ուժերին հարձակվել Եմենում հութիների ռազմավարական օբյեկտների վրա, և այս հարձակումը «վերջինը չէ»: Վարչապետը համապատասխան հայտարարություն է արել՝ ելույթ ունենալով Քնեսեթում։ «Վերջին օրերին պաշտպանության նախարարի հետ միասին մենք հանձնարարել ենք Իսրայելի պաշտպանության բանակին ճշգրիտ հարվածներ հասցնել հութիների ռազմավարական […] ...
21:24 23.12.2024
Զուրաբիշվիլին մտադիր է կրկնակի խորհրդարանական ընտրությունների խորհուրդ ստեղծելՎրաստանի նախագահ Սալոմե Զուրաբիշվիլին մտադիր է խորհրդարան ստեղծել, որը կկազմակերպի կրկնակի խորհրդարանական ընտրություններ, եթե իշխող «Վրացական երազանք» կուսակցությունը չհամաձայնի դրանք անցկացնել։ Այս մասին նա հայտնել է իր տեսաուղերձում։ Ինչպես ասել է Զուրաբիշվիլին, ինքը սպասում է, որ իշխող կուսակցության ղեկավարությունը համաձայնության գա կրկնակի ընտրությունների ժամկետների շուրջ, որոնք, նրա կարծիքով, քաղաքական ճգնաժամից դուրս գալու միակ ելքն են։ […] ...
21:16 23.12.2024
Կյանքի են կոչվել նախագծեր՝ ուղղված կանաչ տարածքների ընդլայնմանն ու կանաչ ֆոնդի երիտասարդացմանը2024թ. ընթացքում Երևանում մի շարք կարևոր նախագծեր կյանքի կոչվեցին, որոնք ուղղված էին կանաչ տարածքների ընդլայնմանն ու կանաչ ֆոնդի երիտասարդացմանը, հայտնում է Երևանի քաղաքապետարանը։ Այս տարի Երևանում անցկացվել է շուրջ 30 կմ ոռոգման նոր ցանց, ավելի քան 12 հա-ով ավելացել են կանաչ տնկարկները, հիմնվել են 4 նոր այգիներ, մեկ քաղաքային ուրբան-անտառ՝ վերականգնվել են Նորքի երբեմնի այգիները: […] ...
21:08 23.12.2024
Շրջանառությունից հանվել է հանրային անվտանգության ապահովման շրջանակում տնտեսվարող սուբյեկտների կողմից իրենց տարածքները տեսահսկման համակարգերով ապահովելու օրենսդրական փաթեթըՀՀ ներքին գործերի նախարարությունը հայտնում է, որ օրակարգից հանվել է (նախագծերը դուրս են բերվել շրջանառությունից և այլևս չեն քննարկվելու այդ տրամաբանությամբ) հանրային անվտանգության ապահովման շրջանակում տնտեսվարող սուբյեկտների կողմից իրենց տարածքները տեսահսկման համակարգերով ապահովելու օրենսդրական փաթեթը: Ի պատասխան ԶԼՄ-ներում տարածված տեղեկատվությունների, որ ՆԳՆ կողմից օրենսդրական նախաձեռնություն է մշակվել այս թեմայով, ՆԳՆ-ն հայտնում է, որ նախաձեռնությունը շրջանառության […] ...
20:52 23.12.2024
Չի վաճառվում․ Գրենլանդիայում արձագանքել են Թրամփի գրառմանըԳրենլանդիայի ժողովրդական համայնքի պատգամավոր Աայա Շեմնիցը հայտարարել է, որ ԱՄՆ նորընտիր նախագահ Դոնալդ Թրամփի մեկնաբանությունը Գրենլանդիայի վերահսկման կարևորության մասին «շատ անհարգալից է» և հուշում է, որ Թրամփը մտադիր է «գնել» կղզին: «Գրենլանդիան դեռ չի վաճառվում։ Կարծում եմ, որ ԱՄՆ ապագա նախագահի «սեփականություն» և «վերահսկողություն» բառերը բավականին հստակ ազդանշան են, որ նրանք ցանկանում են գնել Գրենլանդիան», […] ...
20:47 23.12.2024
Շվեյցարիան մասնակցում է Ուկրաինայում հրադադարի շուրջ բանակցությունների նախապատրաստմանըՇվեյցարիայի իշխանությունները մասնակցում են Ուկրաինայում հրադադարի հաստատման բանակցությունների նախապատրաստմանը, սակայն նոր գագաթնաժողով կազմակերպելու մասին խոսք չկա։ Այս մասին ՏԱՍՍ-ին հայտնել են Շվեյցարիայի ԱԳՆ-ում։ «Շվեյցարիան շարունակում է կապեր պահպանել հակամարտությունում բոլոր շահագրգիռ կողմերի հետ։ Ներկայումս Շվեյցարիան չի ծրագրում երկրորդ խաղաղության կոնֆերանսի անցկացումը», – ասվում է գերատեսչության հաղորդագրության մեջ: Շվեյցարիայի արտաքին գործերի նախարարության ներկայացուցիչները հրաժարվել են բացատրել, […] ...
