19:30 18.12.2024
ՌԴ ԱԳ նախարար Սերգեյ Լավրովը և Հորդանանի ԱԳ նախարար Այման ալ-Սաֆադին հեռախոսով քննարկել են իրավիճակը Սիրիայում. համապատասխան հաղորդագրությունը հրապարակվել է ՌԴ ԱԳՆ կայքում։
«Դեկտեմբերի 17-ին հորդանանյան կողմի նախաձեռնությամբ հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և Հորդանանի Հաշիմյան Թագավորության փոխվարչապետ, արտաքին գործերի և սփյուռքի նախարար Այման ալ-Սաֆադիի միջև, ով տեղեկացրել է Արաբական պետությունների լիգայի գործունեության մասին՝ Ամմանում նախարարների վերջին հանդիպումներից հետո՝ կապված Սիրիայում և նրա շուրջ ստեղծված իրավիճակի հետ»,- ասվում է հայտարարության մեջ։
Ինչպես նշել են ՌԴ ԱԳՆ-ից, Հորդանանի ԱԳՆ ղեկավարը բարձր է գնահատել արաբական աշխարհի պետությունների և Ռուսաստանի Դաշնության դիրքորոշումների սերտությունը՝ ուղղված Սիրիայում իրավիճակի շուտափույթ կարգավորմանը:
«Նախարարներն ընդգծել են Սիրիայում բոլոր քաղաքական և էթնոդավանական ուժերի մասնակցությամբ ազգային երկխոսություն սկսելու անհրաժեշտությունը՝ համաձայն ՄԱԿ-ի Անվտանգության խորհրդի 2254 բանաձևում ամրագրված քաղաքական կարգավորման հիմնարար սկզբունքների:
Այս առումով ընդգծվել է Սիրիայի հարցով ՄԱԿ-ի գլխավոր քարտուղարի հատուկ բանագնաց Գեյր Պեդերսենի պլանի իրագործումն արագացնելու անհրաժեշտությունը՝ մոտ ապագայում հրավիրելու սիրիական բոլոր կողմերի հանդիպում՝ տարածաշրջանային առանցքային երկրների և արտատարածաշրջանային պետություններ ներկայացուցիչների մասնակցությամբ, որոնք կարող են դրական ազդեցություն ունենալ ազգային հաշտեցման գործընթացի կազմակերպման և խթանման, բնակչության հումանիտար խնդիրների անհապաղ լուծման և սիրիացի փախստականների հայրենիք արժանապատիվ վերադարձի համար պայմաններ ստեղծելու հարցերում», – ասվում է ՌԴ ԱԳՆ հաղորդագրությունում:
21:52 18.12.2024
ԱՄՆ Կոնգրեսը հաստատել է 2025 թվականի ֆինանսական տարվա պաշտպանական բյուջենԱՄՆ Կոնգրեսի Սենատը հաստատել է 2025 ֆինանսական տարվա (սկսված հոկտեմբերի 1-ին) համաձայնեցված երկրի պաշտպանական բյուջեի նախագիծը՝ 895 միլիարդ դոլարի չափով։ Ներկայացուցիչների պալատը դեկտեմբերի 11-ին հաստատել է բյուջեի այս օրինագիծը։ Փաստաթուղթն այժմ ուղարկվել է նախագահ Ջո Բայդենին՝ ստորագրության համար։ Նախօրեին Կոնգրեսի երկու պալատների ղեկավարները համաձայնության էին եկել դաշնային կառավարության ֆինանսավորումը երկարաձգելու նախագծի շուրջ: Այն, ի թիվս […] ...
21:44 18.12.2024
Մոսկվայի մարզի Սուրբ Երրորդություն մայրավանքում հրդեհ է բռնկվելՍերգիև Պոսադում գտնվող Սուրբ Երրորդություն մայրավանքի զանգակատանը հրդեհ է բռնկվել, ՏԱՍՍ-ին հայտնել են օպերատիվ ծառայություններից։ «Սուրբ Երրորդություն մայրավանքի զանգակատանը հրդեհ է բռնկվել, այրվում է զանգակատան տանիքը»,- ասել է գործակալության զրուցակիցը։ Դեպքի վայր ժամանած հրշեջները նկատել են, որ զանգակատան երկրորդ հարկից ծուխ է դուրս գալիս։ Մայրավանքի զանգակատունը կառուցվել է 18-րդ դարում, նրա բարձրությունը խաչի հետ միասին ավելի […] ...
21:38 18.12.2024
Քննարկվել են 2022-2027թթ համար Հայաստանի և Ռուսաստանի միջև ստորագրված միջտարածաշրջանային համագործակցության ծրագրի շրջանակներում գրանցված առաջընթացն ու զարգացումներըԱյսօր առցանց ձևաչափով կայացել է Հայաստանի Հանրապետություն–Ռուսաստանի Դաշնություն միջտարածաշրջանային համագործակցության հարցերով աշխատանքային խմբի համանախագահների հանդիպումը, որը վարում էին աշխատանքային խմբի համանախագահներ՝ Հայաստանի Հանրապետության տարածքային կառավարման և ենթակառուցվածքների նախարարի տեղակալ Վաչե Տերտերյանը և Ռուսաստանի Դաշնության տնտեսական զարգացման նախարարի տեղակալ Դմիտրի Վոլվաչը: Համանախագահները քննարկել են 2022-2027թթ համար ՀՀ կառավարության և ՌԴ կառավարության միջև ստորագրված միջտարածաշրջանային համագործակցության ծրագրի […] ...
21:28 18.12.2024
Հովիկ Աղազարյանը դեռ շատ մեղմ ճակատագրի է արժանացել. Արթուր ՀովհաննիսյանԻշխող «Քաղաքացիական պայմանագիր» կուսակցությունն իր արդեն նախկին պատգամավորներին առնչվող աղմկահարույց իրադարձություններից հետո որոշել է բարեվարքության նոր կանոններ մշակել կուսակիցների համար։ Ի՞նչ նոր կանոններ են սահմանվելու իշխող կուսակցության անդամների համար, ի՞նչ են թույլատրելու և ի՞նչն արգելելու։ Այս և այլ հարցերի «Հեռանկարի» տաղավարում անդրադարձել է ՀՀ ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը: ...
21:20 18.12.2024
Դեկտեմբերի 18-ը միգրանտների միջազգային օրն էՄԱԿ-ի Գլխավոր ասամբլեան 2000 թ․ հաստատել է Միգրանտների միջազգային օրը՝ որոշելով այն նշել յուրաքանչյուր տարի դեկտեմբերի 18-ին: Այս մասին հայտնում է ՀՀ ներքին գործերի նախարարությունը։ Միգրացիան բնականոն երևույթ է, որը վերագրվում է մարդկային պատմության ամենավաղ ժամանակներին։ Միգրացիա է և՛ բնակավայրից հեռանալու երևույթը (էմիգրացիա՝ արտագաղթ), և՛ եկողների հոսքը (իմիգրացիա՝ ներգաղթ)։ Հետևաբար, միգրանտը և՛ արտագաղթողն է, և՛ […] ...
