17:05 18.12.2024
Հանրապետության նախագահ Վահագն Խաչատուրյանը Կատարի Ազգային տոնի կապակցությամբ ընդունել է Կատարի Պետության գործերի ժամանակավոր հավատարմատար Մոհդ Յուսուֆ Ալ Մուձաֆրին:
«Կարևորում ենք բարեկամ Կատարի հետ բարձրաստիճան երկխոսության աշխուժացումը և քաղաքական ու տնտեսական փոխշահավետ օրակարգի առաջ մղումը: Վստահ եմ, որ առկա են երկկողմ համագործակցությունը որակապես նոր մակարդակի հասցնելու համար անհրաժեշտ նախադրյալներ»,- ասել է նախագահը:
Կատարի գործերի ժամանակավոր հավատարմատարը շնորհակալություն է հայտնել ընդունելության և շնորհավորանքի համար: Նա նախագահ Խաչատուրյանին է փոխանցել Կատարի Պետության էմիր Շեյխ Թամիմ Բին Համադ Ալ Թանիի և երկրի կառավարության ողջույնները:
«Մենք առաջիկա ժամանակահատվածի համար ակնկալում ենք կապերի խորացում և ընդլայնում, երկկողմ հարաբերությունների զարգացում ու առաջխաղացում, առկա համաձայնությունների ու պայմանավորվածությունների իրագործման համար հետևողական աշխատանք, և մենք այդ առումով կգործադրենք մեզնից կախված բոլոր ջանքերը»,- ասել է նա:
Հանդիպման ընթացքում քննարկվել են երկկողմ հետաքրքրություն ներկայացնող ոլորտներում համագործակցության հետագա ընդլայնման հնարավորությունների վերաբերյալ հարցեր:
Մտքեր են փոխանակվել տնտեսության, բարձր տեխնոլոգիաների, մշակույթի, տուրիզմի և այլ բնագավառներում առկա փոխգործակցային ներուժի լիարժեք իրականացման ուղիների և հեռանկարների շուրջ: Կողմերը երկուստեք ընդգծել են տարբեր մակարդակներում փոխայցելությունների և գործակցության խթանման կարևորությունը՝ երկու երկրների միջև առկա հարաբերությունների սերտացման տեսանկյունից:
Զրույցի ընթացքում անդրադարձ է կատարվել տարածաշրջանային իրողություններին և զարգացումներին: Այս համատեքստում կողմերը կարևորել են կայուն խաղաղության և զարգացման օրակարգերի հաստատման անհրաժետությունն ինչին էլ միտված է հայկական կողմից առաջ քաշված «Խաղաղության խաչմերուկ» ծրագիրը:
19:52 18.12.2024
Վարչապետը տիկնոջ հետ այցելել է Շիրակի մարզ
19:52 18.12.2024
Վարչապետը տիկնոջ հետ այցելել է Շիրակի մարզՎարչապետ Նիկոլ Փաշինյանը տիկնոջ՝ Աննա Հակոբյանի հետ, այցելել է Շիրակի մարզ: Այցի շրջանակում երկրի ղեկավարը ծանոթացել է Իսահակյան-Գյումրի հանրապետական նշանակության ճանապարհի Բայանդուր գյուղին մոտակա հատվածի ասֆալտապատման աշխատանքներին: Ավտոճանապարհի 9,923 կմ հատվածի միջին նորոգման աշխատանքներն իրականացվում են ՀՀ պետական բյուջեի պետական նշանակության ավտոճանապարհների միջին նորոգման ծրագրի շրջանակում: Կառավարությունն աշխատանքների իրականացման համար հատկացրել է 599 988 800 […] ...
19:47 18.12.2024
«Բարսելոնան» վերջնագիր է ներկայացրել 2 ֆուտբոլիստի«Բարսելոնան» հատուկ զգուշացում է հայտնել ուրուգվայցի պաշտպան Ռոնալդ Արաուխոյին ու նիդերլանդցի կիսապաշտպան Ֆրենկի դե Յոնգին: Կատալոնական ակումբը ցանկանում է նրանց հետ պայմանագիրը երկարաձգել, բայց ուզում է այդ հարցը հնարավորինս շուտ լուծել, գրում է Diario Sport-ը: «Բարսելոնան» երկու ֆուտբոլիստներին զգուշացրել է, որ պայմանագիրը մինչև ընթացիկ մրցաշրջանի ավարտը չերկարաձգելու դեպքում, այդ խաղացողները տրանսֆերի կհանվեն: Թիմի երկրորդ ու […] ...
19:42 18.12.2024
Գյումրիի օդանավակայանը մեկնման նոր ու ժամանակակից սրահ ունի. վարչապետՎարչապետ Նիկոլ Փաշինյանը տիկնոջ հետ այցելել է Գյումրիի օդանավակայան: «Գյումրիի օդանավակայանը մեկնման նոր ու ժամանակակից սրահ ունի»,-ֆեյսբուքյան իր էջում գրել է վարչապետը և տեսանյութ հրապարակել: ...
19:38 18.12.2024
Բուք, մերկասառույց. իրավիճակը Հայաստանի ճանապարհներինԴեկտեմբերի 18-ին՝ ժամը 19:35-ի դրությամբ, Ծիլքարից դեպի Սպիտակի ոլորաններ բուք է, ճանապարհը դժվարանցանելի է։ Սևանի թերակղզուց մինչև Դիլիջանի թունելի սկզբնամաս, Ալագյազ-Արթիկ ավտոճանապարհին բուք է, տեղ-տեղ՝ մերկասառույց։ Վարդենյաց լեռնանցքով երթևեկելու համար կցորդով տրանսպորտային միջոցների վարորդներին խորհուրդ է տրվում կիրառել անվաշղթաներ։ Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման […] ...
19:34 18.12.2024
Լարսը փակ է բոլոր տեսակի տրանսպորտային միջոցների համարՎրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։ ...
19:30 18.12.2024
Լավրովը Հորդանանի ԱԳՆ ղեկավարի հետ քննարկել է Սիրիայում տիրող իրավիճակըՌԴ ԱԳ նախարար Սերգեյ Լավրովը և Հորդանանի ԱԳ նախարար Այման ալ-Սաֆադին հեռախոսով քննարկել են իրավիճակը Սիրիայում. համապատասխան հաղորդագրությունը հրապարակվել է ՌԴ ԱԳՆ կայքում։ «Դեկտեմբերի 17-ին հորդանանյան կողմի նախաձեռնությամբ հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և Հորդանանի Հաշիմյան Թագավորության փոխվարչապետ, արտաքին գործերի և սփյուռքի նախարար Այման ալ-Սաֆադիի միջև, ով տեղեկացրել է […] ...
