16:06 16.12.2024
Քրեական ոստիկանության Արարատի մարզային վարչությունում դեկտեմբերի 6-ին հաղորդում էր ստացվել, որ ժամը 10:30-ից ժամը 17:30-ն ընկած ժամանակահատվածում ննջասենյակի պատուհանը կոտրել, մտել էին Նոր Խարբերդ գյուղի 16-րդ փողոցի տներից մեկը և գողացել ոսկյա մատանի ու ոսկյա թևնոց:
Կազմված փաստաթղթերն ուղարկվել էին Մասիսի քննչական բաժին, որտեղ քրեական վարույթ էր նախաձեռնվել:
Մինչ գողությունը բացահայտելու ուղղությամբ միջոցառումներ էին ձեռնարկվում, դեկտեմբերի 12-ին Քրեական ոստիկանության Արարատի մարզային վարչությունում օպերատիվ տեղեկություններ ստացվեցին, որ նախորդ օրը Վայքի բնակիչներից մեկի՝ Մասիս քաղաքի 2-րդ թաղամասում գտնվող տնից գողություն է կատարվել:
Տուժողից ընդունվեց հաղորդում: Պարզվեց, որ դեկտեմբերի 11-ի ժամը 11:30-ից ժամը 12-ն ընկած ժամանակահատվածում ննջասենյակի պատուհանը բացել, մտել էին ներս և գողացել 150 հազար դրամ և դրամապահոց, որի մեջ փող կար:
Փաստով Մասիսի քննչական բաժնում քրեական վարույթ նախաձեռնվեց:
Քրեական ոստիկանների ձեռնարկած օպերատիվ-հետախուզական միջոցառումների շնորհիվ պարզվեց, որ երկու դեպքում էլ գողությունը կատարել էր Նոր Խարբերդ գյուղի բնակիչ 36-ամյա տղամարդը:
Հետագա միջոցառումների արդյունքում 36-ամյա տղամարդը Երևանի Արշակունյաց պողոտայի շենքերից մեկի մոտ հայտնաբերվել, ձերբակալվել և տեղափոխվել է Քրեական ոստիկանության Արարատի մարզային վարչություն, որտեղ տվել է ինքնախոստովանական ցուցմունք: Նա ձերբակալվել և տեղափոխվել է ՀՈԳՎ Մասիսի բաժնի ՁՊՎ:
Դեպքի վայրի զննությամբ 36-ամյա տղամարդու մատնանշված վայրում կոտրված վիճակում հայտնաբերվել է գողացված դրամապահոցը: Ձեռնարկվում են միջոցառումներ՝ գողոնը հայտնաբերելու ուղղությամբ:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
18:35 16.12.2024
Հունաստանի մշակույթի նախարարն ու ԱԳ նախարարի տեղակալն այցելել են Հայոց ցեղասպանության հուշահամալիրՀունաստանի մշակույթի նախարար Լինա Մենդոնին և ԱԳ նախարարի տեղակալ Կոնստաս Ֆրագոյաննիսը դեկտեմբերի 16-ին այցելել են Հայոց ցեղասպանության հուշահամալիր՝ ՀՀ-ում Հունաստանի արտակարգ և լիազոր դեսպան Խրիստոս Սոֆիանոպուլոսի ուղեկցությամբ: Հյուրերին դիմավորել է Հայոց ցեղասպանության թանգարան-ինստիտուտի տնօրեն Էդիտա Գզոյանը: Նա հյուրերին ուղեկցել է դեպի Հայոց ցեղասպանության հուշահամալիր՝ ներկայացնելով հուշահամալիրի ստեղծման պատմությունը: ՀՑԹԻ փոխտնօրենն անդրադարձ է կատարել նաև Ծիծեռնակաբերդի […] ...
18:30 16.12.2024
Արագածի և Աշտարակի տարածաշրջաններում ձյուն է տեղում. իրավիճակը Հայաստանի ճանապարհներինՓրկարար ծառայությունը տեղեկացնում է, որ ՀՀ տարածքում կա փակ ավտոճանապարհ։ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը: Սպիտակի ոլորանները դժվարանցանելի են կցորդիչով բեռնատարների համար։ Սյունիքի մարզի բարձրադիր գոտիների, Գեղարքունիքի մարզի, Արագածի, Ապարանի տարածաշրջանների ավտոճանապարհներին և Տիգրանաշենի ոլորաններում տեղ-տեղ առկա է մերկասառույց։ Արագածի և Աշտարակի տարածաշրջաններում տեղում է ձյուն։ Վարորդներին […] ...
18:26 16.12.2024
«Բարսելոնան» սենսացիոն պարտություն է կրելԻսպանիայի Լա լիգայի 17-րդ տուրում «Բարսելոնան» տնային խաղում 0-1 հաշվով սենսացիոն պարտություն է կրել «Լեգանեսից»։ «Բարսելոնան» չորրորդ րոպեից պարտվողի դերում էր։ Կատալոնական ակումբը հանդիպման մնացած ժամանակահատվածում ստեղծել է բազմաթիվ գոլային պահեր, սակայն չի կարողացել գրավել դարպասը։ «Բարսելոնան» Լա լիգայում երկրորդ անընդմեջ պարտությունն է կրել սեփական դաշտում, սակայն շարունակում է գլխավորել մրցաշարային աղյուսակը 38 միավորով։ «Լեգանեսն» […] ...
18:22 16.12.2024
Երիտասարդի անձնական խուզարկությամբ թմրամիջոց է հայտնաբերվելՀամայնքային ոստիկանության Թալինի բաժնի ծառայողները, իրացնելով օպերատիվ տեղեկությունները, ապօրինի թմրամիջոցներ ձեռք բերելու և պահելու կասկածանքով Արագածավան գյուղի Հոկտեմբերյան խճուղում հայտնաբերել, ձերբակալել և բաժին են տեղափոխել նույն գյուղի բնակիչ 26-ամյա մի երիտասարդի: Անձնական խուզարկությամբ նրա մոտ հայտնաբերված ծխախոտի տուփում եղած փաթեթներում դեղնականաչավուն, չորացված և մանրեցված զանգված էր՝ ընդհանուր 3,20 գրամ: Դրամապանակում հայտնաբերվել են կանեփի բույսի սերմերով […] ...
18:16 16.12.2024
Ասադն իր առաջին հայտարարությունն է արել Սիրիայից հեռանալուց հետոՍիրիայի նախկին նախագահ Բաշար ալ-Ասադը հայտարարել է, որ նախապես չի ծրագրել հեռանալ երկրից. «Ես ծրագրված չեմ լքել իմ հայրենիքը, ինչպես փորձում են ներկայացնել, և ես չեմ լքել այն մարտերի վերջին ժամերին: Մինչև դեկտեմբերի 8-ի առավոտ ես մնացել եմ Դամասկոսում՝ կատարելով իմ պարտականությունները։ Այդ իրադարձությունների ժամանակ ոչ իմ կողմից, ոչ էլ որևէ մեկի կողմից ապաստանի կամ […] ...
18:10 16.12.2024
Նախագահի նստավայրում տեղի է ունեցել դատավորների երդման արարողությունՀանրապետության նախագահ Վահագն Խաչատուրյանի մասնակցությամբ նախագահական նստավայրում տեղի է ունեցել Արագածոտնի մարզի առաջին ատյանի ընդհանուր իրավասության դատարանի դատավոր Դավիթ Դաբաղյանի, Արարատի և Վայոց ձորի մարզերի առաջին ատյանի ընդհանուր իրավասության դատարանի դատավորներ Գրիգոր Հարությունյանի, Վիրաբ Վարդանյանի, Արմավիրի մարզի առաջին ատյանի ընդհանուր իրավասության դատարանի դատավոր Գևորգ Մանուկյանի, Լոռու մարզի առաջին ատյանի ընդհանուր իրավասության դատարանի դատավոր Բարսեղ Մուրադյանի, […] ...
