Անցած աշխատանքային շաբաթը Շրջակա միջավայրի նախարարության կառույցներում

Շրջակա միջավայրի նախարարությունը ամփոփել է անցած աշխատանքային շաբաթը՝ նախարարության կառույցներում․

«Բնապահպանական ծրագրերի իրականացման գրասենյակ ՊՀ-ում
ՄԱԶԾ-ԿԿՀ «Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագրի՝ Բնապահպանական ԾԻԳ-ի կողմից իրականացվող բաղադրիչի շրջանակներում 2024 թ․ դեկետմբերի 9-ից 13-ը իրականացվել է վերապատրաստման հնգօրյա դասընթաց Երևան համայնքում Էներգետիկ կառավարման տեղեկատվական համակարգի (EMIS) գործարկման թեմայով:

Դասընթացի շրջանակներում Երևանի քաղաքապետարանի ենթակայությամբ գործող հաստատությունների ներկայացուցիչները տարբեր վարչական շրջաններից ծանոթացան EMIS համակարգին, համակարգում գրանցման և դրա գործարկման ընթացակարգերին: Մասնակիցներին ներկայացվեց նաև գազի, էլեկտրաէներգիայի և ջրի ամսական տվյալները համակարգ ներմուծելու գործընթացը՝ ընդգծելով ընձեռվող հնարավորությունները սպառման ցուցանիշները վերլուծելու և գնահատելու, ինչպես նաև սպառումը ավելի արդյունավետ դարձնելու, ավելի կայուն կառավարում իրականացնելու համատեքստում։

«Հիդրոօդերևութաբանության և մոնիթորինգի կենտրոն» ՊՈԱԿ-ում
Արթիկի օդերևութաբանական կայանը դեկտեմբերի 5-ին հյուրընկալել էր Շիրակի մարզի Անուշավանի միջնակարգ դպրոցի աշակերտներին։
Այցի ընթացքում աշակերտները ծանոթացան օդերևութաբանական պարամետրերի դիտարկման, գրանցման, ինչպես նաև տեղեկատվության հաղորդման կարգին։
National park ”Sevan”

«Սևան» ազգային պարկ ՊՈԱԿ -ի Այցելուների կենտրոնն աշխատանքային շաբաթվա ընթացքում հյուրընկալել էր Ա.Աբրահամյանի անվան միջնակարգ դպրոցի հինգերորդ դասարանի աշակերտներին, ովքեր ծանոթացան ազգային պարկի արգելոցների և
արգելավայրերի հետ, ինչպես նաև ուսումնասիրեցին Սևանա լճի
էկոհամակարգը և ազգային պարկի տարածքում առկա բուսական և կենդանական աշխարհը։
«Խոսրովի անտառ» պետական արգելոց-ում
Էկոկրթական ծրագրերի շրջանակներում «Խոսրովի անտառ» պետական արգելոց» ՊՈԱԿ-ի թանգարան էին այցելել Վեդու թիվ 1 հիմնական դպրոցի 9-րդ դասարանի աշակերտները:
Աշակերտներին ներկայացվեց «Խոսրովի անտառ» պետական արգելոցի» պատմությունը, բուսական և կենդանական աշխարհը, պատմամշակութային հուշարձանները, «Գոռավանի ավազուտներ» և «Խոր Վիրապ» պետական արգելավայրերն իրենց բնորոշ ֆլորայով ու ֆաունայով:
Arloopa հավելվածի միջոցով նկարվեցին ընձառյուծի հետ:
Դիտեցին ֆոտոթակարդների կողմից նկարահանված լավագույն կադրերը:
Արգելոցապարկային Համալիրում
ՊՈԱԿ-ի գիտության բաժնի աշխատակիցները Ձորաղբյուրի միջն. դպրոցի աշակերտների հետ իրականացրել են միջոցառում-քննարկում «Մեր շրջակայքն առանց թափոնների» թեմայով: Միջոցառման շրջանակում քննարկվել են թափոնների դերն աշխարհում, դրանց արդյունավետ կառավարման, վերամշակման անհրաժեշտության խնդրի և լուծման ուղիների վերաբերյալ հարցերը:
Միջոցառմանն աշակերտները փորձեցին թափոնները վերաիմաստավորել` իրենց գաղափարներով:
«Արգելոցապարկային համալիր» ՊՈԱԿ-ի ենթակայությամբ գործող «Ջրվեժ» անտառպարկում ստեղծվել են ամանորյա նկարահանման նոր տաղավարներ` ըստ Կազմակերպությունում գործող ծառայությունների:
«Արփի լիճ» ազգային պարկ» ՊՈԱԿ-ում
Էկոլոգիական գիտելիքների ամրապնդման, հայրենի բնության մասին իրազեկվածության մակարդակի բարձրացման, շրջակա միջավայրի պահպանության նկատմամբ հոգատարություն և պատասխանատվություն սերմանելու նպատակով Գյումրի քաղաքի մի շարք դպրոցներում անցկացվել են էկոկրթկան դասընթացներ»»,-ասված է հաղորդագրության մեջ։