16:44 12.12.2024
Գործադիրն ընդունել է որոշում՝ բասկետբոլ և հեծանիվային մարզաձևերի մասնագետների և մանկավարժների գիտելիքների և մասնագիտական կարողությունների անընդհատ զարգացումն ապահովելու նպատակով վերապատրաստում կազմակերպելու անհրաժեշտությամբ պայմանավորված: Ըստ հիմնավորման՝ 2025 թվականին նախատեսվում է ՀՀ-ում կազմակերպել և իրականացնել բասկետբոլի «Դպրոցականների լիգա» միջոցառման անցկացում, որի պատշաճ կազմակերպման համար անհրաժեշտություն է առաջացել Հայաստանի Հանրապետության մարզերում և համայնքներում կազմակերպել 70 մասնագետների վերապատրաստում:
Վերապատրաստման ընթացքում ՀՀ մարզերի 44 համայնքի, Երևան քաղաքի 12 վարչական շրջանի ֆիզկուլտուրայի ուսուցիչները և ՀՀ 10 մարզի և Երևան քաղաքի 1 սպորտի պատասխանատուներ, մասնակցելով վերապատրաստման դասընթացին, հնարավորություն կստանան ապահովել միջոցառման պատշաճ կազմակերպումը: Բացի այդ, 2024 թ. պետբյուջեից հատկացված միջոցների հաշվին թվով 6500 հեծանիվ է տրամադրվել ՀՀ 10 մարզի և Երևան քաղաքի 1373 հանրակրթական ուսումնական հաստատության, հաշվի առնելով տարվող քաղաքականությունը և հանրակրթական դպրոցին տրված հեծանիվները նպատակին ծառայեցնելու հանգամանքը, անհրաժեշտություն է առաջացել տվյալ մարզաձևի 1373 մանկավարժների շրջանում ևս կազմակերպել վերապատրաստման դասընթացներ:
Արդյունքում՝ հնարավորություն կտրվի մեծացնել կազմակերպությունների գործունեության արդյունավետությունը, խրախուսել բասկետբոլ և հեծանվային սպորտ մարզաձևերի զարգացման հնարավորությունները, խթանել և ամրապնդել մասնագետների և մանկավարժների մասնագիտական կատարելագործման շարունակականությունը, ինչպես նաև զարգացնել որակական հատկանիշները, մասնավորապես՝ բարձրացնել մասնագիտական գիտելիքների մակարդակը և պարապմունքի որակը։
Կառավարությունն ընդունել է որոշում, որով նախատեսվում է ապահովվել օլիմպիական խաղերում, աշխարհի և Եվրոպայի առաջնություններում բարձր արդյունքների հասած ՀՀ հավաքական թիմերի մարզիկներին և նրանց մարզիչներին անվանական թոշակի հատկացումը։
Գործադիրն ընդունել է որոշում՝ նախնական (արհեստագործական) և միջին մասնագիտական կրթական ծրագրեր իրականացնող ուսումնական հաստատությունների վճարովի համակարգում մինչև 2023 թ. սեպտեմբերի 19-ն ընդգրկված Լեռնային Ղարաբաղի սովորողների ուսման վարձի փոխհատուցման, 2024-2025 ուսումնական տարում 1-ին կուրս ընդունված՝ 2023 թվականի սեպտեմբերի 19-ից Ադրբեջանի կողմից Լեռնային Ղարաբաղի դեմ սանձազերծված ռազմական գործողությունների հետևանքով բռնի տեղահանված ընտանիքների սովորողների 2024-2025 ուսումնական տարվա ուսման վարձի փոխհատուցման, ինչպես նաև ՀՀ մարզերում գործող նախնական և միջին մասնագիտական կրթության ուսումնական հաստատությունների սովորողների և մանկավարժական աշխատողների տրանսպորտային ծախսերի փոխհատուցման անհրաժեշտությամբ պայմանավորված: Ըստ հիմնավորման՝ 2024 թ. նոյեմբերի 8-ի դրությամբ ԿԳՄՍ նախարարությունում հավաքագրվել է շուրջ 247 ուսանողի վերաբերյալ տեղեկատվություն, որոնց 2024-2025 ուսումնական տարվա ուսման վարձի փոխհատուցման գումարի չափը կազմում է` 30710.5 հազար դրամ:
19:41 12.12.2024
ՀՀ ԱԱԾ-ում տվյալներ են ստացվել Հայաստան-Թուրքիա սահմանի հատման հավանական փորձի վերաբերյալՀՀ Ազգային անվտանգության ծառայությունում տվյալներ են ստացվել դեկտեմբերի 11-ին՝ ժամը 03:20-ի սահմաններում, Հայաստանի Հանրապետության և Թուրքիայի Հանրապետության պետական սահմանի Արարատի մարզի Ռանչպար բնակավայրի հատվածում ՀՀ պետական սահմանի ապօրինի հատման հավանական փորձի վերաբերյալ: Այս մասին հայտնում են ԱԱԾ-ից: Տվյալների ստուգման կապակցությամբ ներկայումս իրականացվում են անհրաժեշտ օպերատիվ-հետախուզական միջոցառումներ: ...
19:40 12.12.2024
18-ամյա հնդիկ Դոմարաջու Գուկեշը դարձավ ամենաերիտասարդ աշխարհի չեմպիոնը շախմատի պատմության մեջ18-ամյա Դոմարաջու Գուկեշը դարձավ ամենաերիտասարդ աշխարհի չեմպիոնը շախմատի պատմության մեջ։ Սինգապուրում ավարտված շախմատի աշխարհի չեմպիոնի համար մրցամարտի վերջին՝ 14-րդ պարտիայում հնդիկ գրոսմայստերը սև խաղաքարերով հաղթեց չինացի Դին Լիրենին, որը չկարողացավ պաշտպանել տիտղոսը։ Աշխարհի 18-րդ չեմպիոնը մրցամարտում հաղթեց 7.5-6.5 հաշվով և դարձավ Հնդկաստանի երկրորդ ներկայացուցիչը, որին հաջողվում է հասնել այսպիսի արդյունքի: Հիշեցնենք, որ մրցամարտի մրցանակային հիմնադրամը […] ...
19:37 12.12.2024
Թրամփը չի բացառել Իրանի հետ պատերազմի հնարավորությունըԱՄՆ նորընտիր նախագահ Դոնալդ Թրամփը, պատասխանելով ԱՄՆ-ի և Իրանի միջև լայնամասշտաբ զինված հակամարտության հավանականության մասին հարցին, ասել է, որ նման զարգացումը չի կարելի բացառել։ «Ամեն ինչ կարող է պատահել: Շատ հեղհեղուկ իրավիճակ է»,- ասել է նա Time ամսագրին: ...
19:30 12.12.2024
Փոխվարչապետ Մհեր Գրիգորյանը մասնակցել է ԱՊՀ պետությունների կառավարությունների ղեկավարների նիստինԱշխատանքային այցով Ռուսաստանի Դաշնությունում գտնվող փոխվարչապետ Մհեր Գրիգորյանի գլխավորած պատվիրակությունը մասնակցել է ԱՊՀ պետությունների կառավարությունների ղեկավարների հերթական նիստին: Նիստի օրակարգում ընդգրկված էին երկու տասնյակ հարցեր ԱՊՀ մասնակից պետությունների համագործակցության ընդլյանման վերաբերյալ, մասնավորապես՝ առևտրատնտեսական և տրանսպորտի ոլորտներում: Փոխվարչապետ Մհեր Գրիգորյանը հանդես է եկել ելույթով, որում մասնավորապես անդրադարձել է ԱՊՀ մասնակից պետությունների տնտեսվարողների միջև համագործակցության և բարձր […] ...
19:28 12.12.2024
«Աթլետիկոն» հաղթել է Բարսեղյանի «Սլովանին». ՉԼԲրատիսլավայի «Սլովանն» ՈւԵՖԱ-ի Չեմպիոնների լիգայի հիմնական փուլի 6-րդ խաղում անընդմեջ պարտությունն է կրել: Սլովակիայի չեմպիոնը հյուրընկալվելիս 1-3 հաշվով պարտվել է Մադրիդի «Աթլետիկոյին», որի կազմում դուբլ է գրանցել ֆրանսիացի հարձակվող Անտուան Գրիզմանը, մեկ գոլ էլ խփել է արգենտինացի հարձակվող Խուլիան Ալվարեսը: «Սլովանի» կազմում ամբողջ խաղին մասնակցել է Հայաստանի ազգային հավաքականի եզրային հարձակվող Տիգրան Բարսեղյանը: «Աթլետիկոն»` 12 […] ...
19:23 12.12.2024
ՃՏՊ Վանաձոր-Ստեփանավան ավտոճանապարհին․ կան տուժածներԴեկտեմբերի 12-ին, ժամը 18:02-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Ստեփանավան ավտոճանապարհին տեղի է ունեցել ՃՏՊ, կա արգելափակաված քաղաքացի․ անհրաժեշտ է փրկարարների օգնությունը։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ Վանաձոր-Ստեփանավան ավտոճանապարհի 8-րդ կմ-ին բախվել են «Opel» (վարորդ` Հ․ Կ․ […] ...
