16:16 12.12.2024
Կառավարության որոշմամբ նախատեսվում է 2024 թ. պետբյուջեով ՀՀ կրթության, գիտության, մշակույթի և սպորտի նախարարությանը հատկացված միջոցների հաշվին կատարել վերաբաշխում:
Որոշման ընդունումը պայմանավորված է Մշակույթի զարգացման հիմնադրամի գործունեության պատշաճ կազմակերպման անհրաժեշտությամբ, ինչպես նաև «Հեղինակային երգի հանրապետական մրցույթ-փառատոն» և «Ջերմ Ամանոր Ջերմուկում» համերգ-տոնավաճառի, «Դպրոցական բաժանորդային համակարգ» ծրագրերի իրականացմամբ: Նույն որոշմամբ միջոցներ են հատկացվել նաև հեղինակավոր միջազգային փառատոներին և մրցույթներին մասնակցած մշակույթի գործիչներին խրախուսում տրամադրելու նպատակով:
Համաձայն որոշման՝ լրացուցիչ ֆինանսավորում կտրվի Մշակույթի զարգացման հիմնադրամին թանգարանների կառավարման միասնական մոդելի գործարկման նպատակով: Այդ մոդելը նախատեսում է տարբեր գործառույթների մեկտեղում և իրականացում հիմնադրամի կողմից, ինչը հնարավորություն կտա ավելի արդյունավետ կազմակերպել թանգարանային գործունեությունը: Ոլորտի կառավարման նոր համապարփակ մոտեցմամբ ապահովվելու է տարբեր գործառույթների ինտեգրում, որը կբարելավի ընդհանուր աշխատանքի արդյունավետությունը:
Նախատեսվում է նաև կազմակերպել «Հեղինակային երգի հանրապետական մրցույթ-փառատոն» և «Ջերմ Ամանոր Ջերմուկում» համերգ-տոնավաճառ» ծրագրերը, որոնք նպատակ ունեն բացահայտել երիտասարդ կատարողներին՝ խթանելով նրանց ստեղծագործական գործունեությունը: Միջոցառումը թույլ կտա նորահայտ երիտասարդ կատարողների համար ստեղծել մշակութային հարթակ, մրցանակներով խրախուսել մրցույթ-փառատոնի լավագույն մասնակիցներին, ինչպես նաև Ջերմուկ քաղաքում ապահովել ամանորյա տոնական միջոցառում:
Նույն որոշման շրջանակում, համաձայն ՀՀ կառավարության 2024 թվականի փետրվարի 29-ի N 305-L որոշմամբ հաստատված մշակույթի ոլորտի միջազգային հեղինակավոր փառատոների և մրցանակաբաշխությունների մասնակցած և մրցանակի արժանացած մշակույթի գործիչներին դրամական խրախուսում տրամադրելու կարգի, դրամական խրախուսումներ կտրվեն «Հոշկի ֆիլմ» ՍՊԸ-ին՝ ՖԻԱՊՖ-ի կողմից որակավորված (ըստ ուղղվածության) Տամպերե միջազգային կինոփառատոնին, «Բումերանգ մեդիա.ամ» ՍՊԸ-ին՝ ՖԻԱՊՖ-ի կողմից որակավորված Վենետիկի միջազգային կինոփառատոնին, ինչպես նաև Նարինե Գրիգորյանին՝ Ա. Պ. Չեխովի անվան միջազգային թատերական փառատոնին (Չեխովյան փառատոն) մասնակցելու համար։ Խրախուսումը միտված է արժևորելու մշակույթի և ստեղծարար ոլորտի ձեռքբերումները, բարձրացնելու գեղարվեստական և մշակութային արդյունքի ճանաչելիությունը, նպաստելու մշակույթի գործիչների համար բարենպաստ միջավայրի ձևավորմանը, մշակույթի ոլորտներում պետական խրախուսման մեխանիզմների ներդրմանը։
Դպրոցական բաժանորդային համակարգ ծրագրի շրջանակում փոխհատուցում է հատկացվելու 2024 թվականի երկրորդ և երրորդ եռամսյակների ընթացքում թանգարանների, թատրոնների և համերգային կազմակերպությունների կողմից մատուցված ծառայությունների դիմաց:
17:54 12.12.2024
Հաստատվել են ԱԱ-2030-ի և ԱԱ-2034-ի անցկացման վայրերը
17:14 12.12.2024
Time-ը հրապարակել է «Տարվա մարդ» վարկանիշի հաղթողի անունը
18:40 12.12.2024
Նոյեմբեր և դեկտեմբեր ամիսներին ևս սոցիալական աջակցություն կտրամադրվի պատերազմական գործողությունների հետևանքով անհայտ կորածների ընտանիքներինԿառավարության որոշմամբ նոյեմբեր և դեկտեմբեր ամիսներին ևս սոցիալական աջակցություն կտրամադրվի պատերազմական գործողությունների հետևանքով քաղաքացիական անձանց շրջանում անհայտ կորածների ընտանիքներին: Այդ նպատակի համար կհատկացվի 6.6 մլն դրամ: Շահառուներին տրամադրվում է ամսական 300.000 դրամի սոցիալական աջակցություն: ...
18:36 12.12.2024
Երևանում հանրային սննդի օբյեկտի արտադրական գործունեություն է կասեցվելՀՀ սննդամթերքի անվտանգության տեսչական մարմնի Երևանի կենտրոնի տեսուչների կողմից անհատ ձեռնարկատեր Լուսյա Գևորգյանին պատկանող հանրային սննդի օբյեկտում (Երևան, Տիչինայի փողոց) անցկացված ստուգման արդյունքում հայտնաբերվել են սանիտարահիգիենիկ նորմերի խախտումներ: Մասնավորապես՝ սննդի կառույցը ապահովված չի եղել տաք ջրով, հատակը, պատերը, առաստաղները, աշխատանքային մակերևույթները չեն ունեցել հարթ մակերես, չեն պահվել նորոգ վիճակում, պատրաստված չեն եղել անջրանցիկ, չներծծող, ախտահանվող, […] ...
18:28 12.12.2024
Արսեն Զախարյանը մինչև տարեվերջ խաղադաշտ չի վերադառնա«Ռեալ Սոսյեդադի» մամուլի քարտուղար Հոն Անդեր Մունդուատեն տեղեկացրել է, որ կիսապաշտպան Արսեն Զախարյանը մինչև տարեվերջ խաղադաշտ չի վերադառնա: «Երկար դադարից հետո այսօր նրա առաջին մարզումն էր ընդհանուր խմբում: Մեզ համար տարվա վերջին խաղին մնացել է ընդամենը 10 օր։ Դժվար կլինի պատկերացնել, թե ինչպես նա կկարողանա խաղալ մինչև 2024 թվականի ավարտը»,- Մունդուատեի խոսքերը մեջբերում է Metaratings-ը։ […] ...
18:20 12.12.2024
Փոշու պարունակությունը գերազանցել է սահմանային թույլատրելի կոնցենտրացիան Երևանի մի շարք համայնքներում«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը դեկտեմբերի 5-11-ը (2024թ.)։ Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ դեկտեմբերի 5-ին, 7-ին, 8-ին, 10-ին և 11-ին, Արաբկիրում՝ դեկտեմբերի 5-ին, 7-ին և 10-ին, Շենգավիթում՝ դեկտեմբերի 6-ին և 8-ին, Նոր Նորքում՝ դեկտեմբերի 5-ին և 8-ին և 9-ին։ Ազոտի երկօքսիդի պարունակությունը չի գերազանցել […] ...
18:11 12.12.2024
Թրամփը հայտարարել է, որ ԱՄՆ-ն չի թողնի Ուկրաինային առանց աջակցությանԱՄՆ նորընտիր նախագահ Դոնալդ Թրամփը հայտարարել է, որ Վաշինգտոնն առանց աջակցության չի թողնի Կիևին։ Դա անհրաժեշտ է խաղաղ կարգավորման հասնելու համար, ասել է նա Time ամսագրին տված հարցազրույցում։ «Միակ ճանապարհը, որով մենք կարող ենք համաձայնության գալ, Ուկրաինան առանց աջակցության չթողնելն է», – ասել է Թրամփը ամսագրին տված հարցազրույցում՝ պատասխանելով այն հարցին, թե արդյոք Կիևին կթողնի […] ...
