18:31 06.12.2024
«Բաց դաս» ծրագրի շրջանակում ճանաչողական այցով խորհրդարան են այցելել Երևանի և Հայաստանի տարբեր մարզերի ուսումնական հաստատությունների ներկայացուցիչներ, հասարակական կազմակերպության շահառուներ:
Պատգամավորներ Ալխաս Ղազարյանն ու Լիլիթ Ստեփանյանը հանդիպել են Գեղարքունիքի մարզի Վարսեր գյուղի Ռաֆիկ Պետրոսյանի անվան միջնակարգ դպրոցի աշակերտների եւ ուսուցիչների հետ: Ալխաս Ղազարյանը հանդիպել է նաեւ Արմավիրի մարզի Տանձուտի միջնակարգ դպրոցի աշակերտների հետ:
Երեւանի Գյուղատնտեսական համալսարանի քոլեջի սաներին հյուրընկալել է Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանը, իսկ Եվրոպական ինտեգրման հարցերի մշտական հանձնաժողովի նախագահ Արման Եղոյանը հանդիպել է Երեւանի Արգիշտի Առաջին արքայի անվան թիվ 61 հիմնական դպրոցի աշակերտների եւ ուսուցիչների հետ:
Պատգամավորներ Մարինա Ղազարյանը, Դավիթ Դանիելյանը եւ Նարեկ Ղահրամանյանը պատասխանել են Սյունիքի մարզի Կապանի թիվ 2 ավագ դպրոցի աշակերտների բազմաբովանդակ հարցերին:
Կոտայքի մարզի Հրազդանի Հովսեփ Օրբելու անվան թիվ 13 ավագ դպրոցի աշակերտները եւ ուսուցիչները հանդիպել են պատգամավոր Լիլիթ Ստեփանյանի հետ։
Խորհրդարանական Շիրակ Թորոսյանը հյուրընկալել է Արարատի մարզի Արարատ գյուղի թիվ 3 միջնակարգ դպրոցի աշակերտներին եւ ուսուցիչներին:
Երեւանի Պեյո Յավորովի անվան թիվ 131 հիմնական դպրոցի աշակերտների եւ ուսուցիչների հետ զրուցել է պատգամավոր Արսեն Թորոսյանը:
Խորհրդարանական Մերի Գալստյանը հյուրընկալել է Երեւանի Նիկոլ Աղբալյանի անվան թիվ 19 հիմնական դպրոցի աշակերտների հետ։
ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանի հետ հանդիպել են Կոտայքի մարզի Լեռնանիստի Սպարտակ Նազարյանի անվան միջնակարգ դպրոցի աշակերտները եւ ուսուցիչները:
«Ուսում» հանրակրթական դպրոցի աշակերտներին ընդունել է ԱԺ պաշտպանության եւ անվտանգության հարցերի մշտական հանձնաժողովի նախագահի տեղակալ Արմեն Խաչատրյանը, իսկ Ալեքսանդր Շիրվանզադեի անվան թիվ 21 հիմնական դպրոցի աշակերտների հետ «Բաց դասն» անցկացրել է պատգամավոր Մարիա Կարապետյանը։
Առաջին անգամ խորհրդարանը հյուրընկալել է նաեւ ավագ սերնդի ներկայացուցիչներին:
«Բաց դաս» ծրագրի շրջանակում Եվրոպական ինտեգրման հարցերի մշտական հանձնաժողովի նախագահի տեղակալ Մերի Գալստյանի հրավերով Ազգային ժողով են այցելել նաեւ Կոտայքի մարզի Հրազդան քաղաքում գործող «Առաքելություն Հայաստան» բարեգործական հասարակական կազմակերպության շահառուները: Ավագ սերնդի ներկայացուցիչների այցը խորհրդարան կայացել է ՄԱԶԾ «Կանայք քաղաքականության, հանրային կառավարման եւ քաղաքացիական հասարակության մեջ» ծրագրի՝ «Կանայք կանանց համար» մենթորության նախագծի շրջանակում:
Ավագ սերնդի ներկայացուցիչների հետ հանդիպել ու զրուցել են ԱԺ աշխատանքի եւ սոցիալական հարցերի մշտական հանձնաժողովի նախագահ Հերիքնազ Տիգրանյանն ու պատգամավոր Մերի Գալստյանը: Զրույցի ընթացքում հյուրերը խոսել են սոցիալական բնույթի տարբեր հարցերի մասին, լսել պարզաբանումներ:
Պատգամավորները խոսել են Հայաստանի արտաքին քաղաքականության առաջնահերթությունների, կրթական ոլորտում իրականացվող բարեփոխումների, երիտասարդներին առնչվող ծրագրերի մասին, մանրամասնել երկրի տնտեսության զարգացմանը վերաբերող հարցերը:
Հանդիպման մասնակիցները կարեւորել են, մասնավորապես, տարեցներին կացարաններով ապահովելուն, անվճար դեղորայք տրամադրելուն վերաբերող հարցերը:
Հյուրերը եղել են ԱԺ թանգարանում եւ գրադարանում, ծանոթացել խորհրդարանի շենքի պատմությանը:
15:55 03.04.2025
Կբարելավվեն պետբյուջեից տրամադրվող սուբսիդիաների միջոցով ՀՀ ենթակառուցվածքներըԿառավարությունը փոփոխություններ է կատարել պետբյուջեից իրավաբանական անձանց սուբսիդիաների և դրամաշնորհների տրամադրման կարգում։ Գործող կարգի համաձայն՝ սուբսիդիաներն ուղղված են այնպիսի ծրագրերի ֆինանսավորմանը, որտեղ պետությունը փոխհատուցում է կազմակերպությունների կրած վնասի մի մասը, եթե վերջիններս ներմուծում, արտահանում, արտադրություն, աշխատանքների կատարում կամ ծառայությունների մատուցում են իրականացնում գնային սահմանափակումներով։ Ըստ հիմնավորման՝ ներկայումս գործող կարգում բացակայում է այնպիսի մեխանիզմ, որը թույլ […] ...
15:50 03.04.2025
Փոփոխություն՝ դպրոցի տնօրենի ընտրության և նշանակման կարգում. փորձաշրջան 1 տարովՀՀ կառավարությունն այսօրվա նիստում հաստատել է հանրակրթական ուսումնական հաստատությունների տնօրենների ընտրության և նշանակման կարգի փոփոխությունների նախագիծը: Հարցը զեկուցել է ՀՀ կրթության, գիտության, մշակույթի և սպորտի նախարար Ժաննա Անդրեասյանը: Նրա խոսքով՝ հանրակրթության ոլորտի բարեփոխումերի շարքում առանձնահատուկ կարևորություն ունի կառավարման արդյունավետության բարելավումը: Այդ նպատակով դպրոցի բովանդակային կառավարումը տարանջատվել է վարչատնտեսական կառավարումից, իսկ տնօրենների համար սահմանվել են բովանդակային […] ...
15:45 03.04.2025
ՀՀ միջգերատեսչական պատվիրակության կազմում ՊԵԿ պատվիրակությունը՝ Էդուարդ Հակոբյանի գլխավորությամբ, այցելել է ԷստոնիաՀՀ պետական եկամուտների կոմիտեի պատվիրակությունը՝ ՊԵԿ նախագահ Էդուարդ Հակոբյանի գլխավորությամբ ապրիլի 1-ից 3-ը ՀՀ միջգերատեսչական պատվիրակության կազմում այցելել է Էստոնիայի Հանրապետություն՝ ուսումնասիրելու թվային կառավարման, կիբեռպաշտպանության և հանրային ծառայությունների թվայնացման ոլորտում Էստոնիայի առաջադեմ փորձը: Հանդիպման ընթացքում կողմերը քննարկել են երկու երկրների միջև ոլորտային համագործակցության խորացման հնարավորությունները՝ ընդգծելով երկկողմ հարաբերությունների զարգացման ներուժը, փորձի փոխանակումը, փոխշահավետ ծրագրերի մշակումն […] ...
15:41 03.04.2025
Հստակեցվել է նախքան կենսաթոշակային տարիքը լրանալը կուտակային կենսաթոշակը ստանալու համար պահանջ հանդիսացող հիվանդությունների ցանկըԿառավարությունը փոփոխություններ և լրացումներ է կատարել նախկինում ընդունած որոշումներից մեկում՝ «Կուտակային կենսաթոշակների մասին» օրենքի համաձայն սահմանված հիվանդությունների (վիճակների) ցանկը վերանայելու նպատակով: Օրենքի համաձայն՝ մասնակիցն իրավունք ունի ցանկացած ժամանակ, ներառյալ` նախքան կենսաթոշակային տարիքը լրանալը, ներկայացնելու իր կենսաթոշակային հաշվում առկա ամբողջությամբ ստանալու պահանջ՝ Կառավարության սահմանած ցանկում ներառված հիվանդություններով հիվանդանալու (վիճակներում գտնվելու) դեպքում՝ կենսաթոշակային ոլորտի պետական կառավարման լիազոր […] ...
15:37 03.04.2025
Օպերատիվ իրավիճակը հանրապետությունում ապրիլի 2-3-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 2-3-ը ՆԳՆ ոստիկանության ստորաբաժանումները բացահայտել են հանցագործության 88 դեպք, որոնցից 4-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 11, թմրանյութի հայտնաբերման՝ 10, ֆիզիկական ներգործության` 9, խարդախության՝ 8, անձնական ունեցվածքի գողության` 6, հոգեկան ներգործության` 5, մարմնական […] ...
15:33 03.04.2025
ՀՀ ՆԳ նախարարության և ՄԱԿ-ի կառույցների համագործակցությունն ամրապնդվում է․ ՆԳ նախարարի տեղակալն ընդունել է ՄԱԿ ՓԳՀ պատվիրակությանըՆԳ նախարարի տեղակալ Արմեն Ղազարյանն ապրիլի 2-ին ընդունել է ՄԱԿ-ի փախստականների հարցերով գերագույն հանձնակատարի գրասենյակի ժամանակավոր ներկայացուցիչ Մոնիկա Սանդրիի գլխավորած պատվիրակությանը։ Հանդիպմանը ներկա էր Միգրացիայի և քաղաքացիության ծառայության պետ Նելլի Դավթյանը։ Քննարկվել են փախստականների, ապաստան հայցողների և քաղաքացիություն չունեցող անձանց իրավունքների պաշտպանության վերաբերյալ մի շարք հարցեր: Հատուկ ուշադրություն է դարձվել ապաստան հայցողների համար արժանապատիվ պայմանների […] ...
