15:33 14.11.2024
Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Մեհդի Սոբհանին հայտարարել է, որ Թեհրանն ու Մոսկվան Հարավային Կովկասում տարբերվող շահեր ունեն։
Ինչպես հաղորդում է «Արմենպրես»-ը, Հայաստանում Իրանի դեսպանն այս մասին ասել է The New York Times պարբերականի հետ զրույցում։ Պարբերականը ծավալուն հոդված է հրապարակել, որում նշվում է, որ ոչ կայուն կովկասյան տարածաշրջանում Ռուսաստանն ու Իրանը, որոնք հաճախ միասնական են համարվում իրենց նպատակների առումով, մրցակցում են ազդեցության ու առևտրային ճանապարհների անվտանգության համար։ Հոդվածում անդրադարձ է արվում Հայաստանի և Ռուսաստանի պայմանավորվածությանը, որ 2025 թվականի հունվարի 1-ից հայ-իրանական սահմանին ՌԴ սահմանապահների հետ ծառայություն կիրականացնեն նաև ՀՀ ազգային անվտանգության ծառայության սահմանապահները, իսկ սահմանի անցակետում ծառայություն կիրականացնեն բացառապես ՀՀ սահմանապահները։ «Այստեղ՝ Կովկասում, որտեղ Եվրոպան հանդիպում է Ասիային, Ռուսաստանը և Իրանը ավելի ու ավելի շատ են դիտվում որպես մրցակիցներ, մինչդեռ արևմտյան երկրները, զարմանալիորեն, ընդհանուր գործ են գտնում Թեհրանի հետ»,- ասված է հոդվածում:Այնուհետև պարբերականը ներկայացնում է Հայաստանում Իրանի դեսպանի հետ զրույցը՝ նշելով, որ դեսպանը խոստովանել է, որ Իրանն ու Ռուսաստանը տարածաշրջանում տարբերվող շահեր ունեն։
«Մենք դաշնակիցներ չենք։ Մենք որոշ տարաձայնություններ ունենք, և որոշ համընդհանուր շահեր։ Դա չի նշանակում, որ մենք դաշնակիցներ ենք»,-դեսպանի խոսքերը մեջբերել է պարբերականը։ Մեհդի Սոբհանին նաև վերահաստատել է, որ Իրանը չի կարող ընդունել միջազգային սահմանների փոփոխություն։Պատասխանելով հարցին, թե ի՞նչ կանի Իրանը, եթե Ադրբեջանը հարձակում գործի Հայաստանի դեմ՝ դեսպան Սոբհանին նշել է․ «Դա տեղի չի ունենա»։ Պարբերականն, անդրադառնալով Հարավային Կովկասում՝ մասնավորապես Հայաստանի Հանրապետության Սյունիքի մարզի ռազմավարական նշանակությանը, նշել է, որ մարզով անցնող ճանապարհներն առանցքային նշանակություն ունեն իրանական ապրանքները Պարսից ծոցից Ռուսաստան ու Եվրոպա հասցնելու համար։
«Այստեղ է, որ Ռուսաստանն ու Ադրբեջանն ուզում են արևելք-արևմուտք ճանապարհ բացել դեպի Թուրքիա, որը կլինի Հայաստանի վերահսկողությունից դուրս։ Հայերը մտավախություն ունեն, որ այդ ճանապարհն Ադրբեջանը կվերցնի ուժով», – նշված է հոդվածում։ ՀՀ-ում ԵՄ դիտորդական առաքելության ղեկավար Մարկուս Ռիտերն իր հերթին հայտարարել է․ «Իրանցիները այստեղ՝ տարածաշրջանում, հայերի լավագույն բարեկամներն են։ Մինչ Ռուսաստանը և Ադրբեջանը հակված չեն եվրոպական ներկայությանը, Իրանը, կարծես, ընդունում է դա»:Ռիտերը նաև հավելել է, որ տարածաշրջանում իրավիճակը բավականին բարդ է։
00:00 15.11.2024
Ֆրանսիայում արհմիությունները կոչ են արել պետական ծառայողներին դեկտեմբերի 5-ին գործադուլ անելՖրանսիայում յոթ արհմիություն, որոնք միավորում են պետական հատվածի աշխատակիցներին, կոչ են արել պետական ծառայողներին դեկտեմբերի 5-ին գործադուլ անել և հանրահավաքների գնալ ամբողջ երկրում, գրում է Le Figaro-ն՝ վկայակոչելով արհմիությունների համատեղ հայտարարությունը: Նրանք դժգոհ են 2025 թվականին պետական հատվածի ֆինանսավորումը կրճատելու կառավարության ծրագրերից, ինչպես նաև մի շարք միջոցառումներից, մասնավորապես՝ հիվանդության արձակուրդի փոխհատուցման կրճատումից։ Քաղաքացիական ծառայության նախարար […] ...
23:52 14.11.2024
Նոյեմբերի 15-ին հոսանքանջատումներ Երևանի և մարզերի որոշ հասցեներում«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ նոյեմբերի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Բագրատունյաց պող․ 17 շենք և հարակից ոչ բնակիչ-բաժանորդներ, 11։00-17:00 Դավիթ Անհաղթ փ. 6-6/8, Ուլնեցի փ. 40/6-56/6 շենքեր և 40/4-56/17 առանձնատներ, Հրաչյա Ներսիսյան փ. 3-14/1 շենքեր, Քանաքեռ ՀԷԿ թաղ. 5-11 շենքեր, Արաբկիր […] ...
23:44 14.11.2024
Թայսոնը 3 ռաունդ ունի ռինգում խնդիրը լուծելու համար. Օսկար Դե Լա ԽոյաՊրոֆեսիոնալ բռնցքամարտի 6 քաշային կարգերում աշխարհի նախկին չեմպիոն Օսկար Դե Լա Խոյան կանխատեսում է արել ծանր քաշային կարգում աշխարհի նախկին բացարձակ չեմպիոն Մայք Թայսոնի և բլոգեր Ջեյք Փոլի մենամարտի վերաբերյալ: «Թայսոնն ընդամենը 3 ռաունդ ունի ռինգում խնդիրը լուծելու համար: Դրանից հետո նրա վառելիքը կվերջանա և Մայքը կսկսի հոգնել: Այդ տարիքում շատ բարդ է 3 ռաունդից […] ...
23:36 14.11.2024
«Արամ Խաչատրյան» համերգասրահում տեղի է ունեցել Ռոբերտ Ամիրխանյանի 85-ամյակին նվիրված հոբելյանական համերգԿԳՄՍ նախարարության աջակցությամբ «Արամ Խաչատրյան» համերգասրահում տեղի է ունեցել Ռոբերտ Ամիրխանյանի 85-ամյակին նվիրված հոբելյանական համերգ. ծրագրում՝ Ռոբերտ Ամիրխանյան, «Կանտատ սիրո» խորագրով։ Համերգին ներկա են եղել ԿԳՄՍ նախարար Ժաննա Անդրեասյանը և նախարարի տեղակալ Դանիել Դանիելյանը։ Նախարար ժաննա Անդրեասյանը հանդես է եկել շնորհավորական խոսքով. «Շատ դժվար և պարտավորեցնող է խոսել այսքան սիրված արվեստագետի հոբելյանի առիթով, որի ժամանակակիցը […] ...
23:28 14.11.2024
ԱՄՆ-ի վարչակազմը դեմ է արտահայտվում Բեյրութին Իսրայելի օդային հարվածներինՄիացյալ Նահանգների վարչակազմը դեմ է Բեյրութին Իսրայելի օդային հարվածներին: Այս մասին լրագրողների հետ հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը։ Նրան հարցրել են, թե արդյոք Վաշինգտոնը մտահոգված չէ Լիբանանի մայրաքաղաքին իսրայելական ավիահարվածով, որը չորեքշաբթի օրը 21 մարդու կյանք է խլել: «Իհարկե, մենք մտահոգված ենք: Դուք մեզանից բազմիցս լսել եք, որ […] ...
23:20 14.11.2024
Վրաստանի դատախազությունը կնքել է ընտրություններում օգտագործված ստուգող սարքերըՎրաստանի գլխավոր դատախազությունը խորհրդարանական ընտրություններում հնարավոր կեղծիքների հետաքննության շրջանակներում կնքել է ընտրողների ստուգման սարքերը, որոնք ԿԸՀ-ն օգտագործել է քվեարկության օրը։ Այս մասին ասված է Գլխավոր դատախազության հաղորդագրության մեջ։ «Քննչական այլ միջոցառումների շրջանակում Կենտրոնական ընտրական հանձնաժողովի վարչական շենքում կնքվել են խորհրդարանական ընտրություններում օգտագործված ընտրողներին ստուգող սարքերը՝ դրանցում առկա տեղեկատվության անվտանգությունն ապահովելու նպատակով, ձեռնարկվել են հետագա քննչական […] ...
