14:42 14.11.2024
Հայաստանի Հանրապետությունում կա 754 հազար 431 չաշխատող թոշակառու և նպաստառու, որոնց թոշակ է տրվում ընդամենը 768 հազար 547 աշխատող մարդկանց շնորհիվ։«Արմենպրես»-ի հաղորդմամբ՝ այս մասին ՀՀ վարչապետ Նիկոլ Փաշինյանը հայտնեց ԱԺ-ում 2025 թվականի պետական բյուջեի մասին օրենքի նախագծի քննարկմանն ունեցած եզրափակիչ ելույթի ժամանակ։
Նիկոլ Փաշինյանի դիտարկմամբ՝ բյուջեի ցանկացած քննարկման ժամանակ կարևորագույն հարցերից մեկը կենսաթոշակների հարցն է։
«Պետք է հասկանանք, թե թոշակն ինչպե՞ս է ձևավորվում։ Այսօր ՀՀ-ում կա 754 հազար 431 չաշխատող թոշակառու և նպաստառու։ Այս մարդկանց մենք թոշակ տալիս ենք աշխատող մարդկանց շնորհիվ։ Իսկ Հայաստանում կա ընդամենը 768 հազար 547 աշխատող մարդ»,-ասաց վարչապետը՝ հավելելով, որ մարդկանց թոշակները հնարավոր կլինի ավելացնել միայն այն դեպքում, երբ երկրում աշխատողների թիվը չաշխատողների թվից 60-300 տոկոսով ավելի լինի։
Փաշինյանի դիտարկմամբ՝ Հայաստանում աշխատանքը չի խրախուսվում և անընդհատ պատճառ է փնտրվում՝ հիմնավորելու համար, թե մարդն ինչու պետք է չաշխատի։
«Մենք տասնյակ և հարյուր հազարավոր մարդկանց նպաստ ենք տալիս։ Ասում ենք դու աշխատունակ ես, բայց ոչինչ, մենք քեզ նպաստ կտանք, քո առողջապահության հարցերը կկարգավորենք։ Սա ապապետական մոտեցում է։ Չաշխատող մարդուն մենք ինչո՞ւ ենք փող տալիս», – ասաց վարչապետը՝ այդ հարցը ևս կապելով հասարակության սոցիալ-հոգեբանության հետ։
Վարչապետը կրկնեց, որ մարդկանց թոշակները կարող են բարձրանալ, եթե նրանցից գոնե կրկնակի չափով ավելի մարդ աշխատի։ Նիկոլ Փաշինյանի խոսքով՝ հաշվարկները ցույց են տալիս, որ եթե վերցնեն միայն պետական կառավարման քաղաքական բլոկի աշխատակիցների աշխատավարձերն ու պարգևավճարները և դնեն թոշակների վրա, ապա թոշակառուների թոշակը կարելի կլինի բարձրացնել ընդամենը 9 հազար դրամով։
«Բայց թոշակառուներն այդ թոշակը չեն ստանա, որովհետև թոշակը հավաքելը և Ա կետից Բ կետ հասցնելը ծախս ունի։ Պետական եկամուտներ չեն հավաքվի, և որքան պետական համակարգը կրճատենք, այնքան ավելի վատ կհավաքվեն թոշակները», – ասաց Փաշինյանը՝ նշելով, որ եթե բոլոր պետական կառույցները կրճատվեն և լուծարվեն, իսկ նրանց աշխատավարձերն ու պարգևավճարներն ուղղվեն թոշակներին, ապա չեն աշխատի ո՛չ դպրոցները, ո՛չ ճանապարհները կկառուցվեն, ո՛չ էլ թոշակառուներն իրենց թոշակը կստանան։ Վարչապետի խոսքով՝ երրորդ Հանրապետության պատմության մեջ առաջին անգամ 2023 թվականին նվազագույն թոշակը գերազանցել է պարենային նվազագույն զամբյուղը։
23:52 14.11.2024
Նոյեմբերի 15-ին հոսանքանջատումներ Երևանի և մարզերի որոշ հասցեներում«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ նոյեմբերի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16:00 Բագրատունյաց պող․ 17 շենք և հարակից ոչ բնակիչ-բաժանորդներ, 11։00-17:00 Դավիթ Անհաղթ փ. 6-6/8, Ուլնեցի փ. 40/6-56/6 շենքեր և 40/4-56/17 առանձնատներ, Հրաչյա Ներսիսյան փ. 3-14/1 շենքեր, Քանաքեռ ՀԷԿ թաղ. 5-11 շենքեր, Արաբկիր […] ...
23:44 14.11.2024
Թայսոնը 3 ռաունդ ունի ռինգում խնդիրը լուծելու համար. Օսկար Դե Լա ԽոյաՊրոֆեսիոնալ բռնցքամարտի 6 քաշային կարգերում աշխարհի նախկին չեմպիոն Օսկար Դե Լա Խոյան կանխատեսում է արել ծանր քաշային կարգում աշխարհի նախկին բացարձակ չեմպիոն Մայք Թայսոնի և բլոգեր Ջեյք Փոլի մենամարտի վերաբերյալ: «Թայսոնն ընդամենը 3 ռաունդ ունի ռինգում խնդիրը լուծելու համար: Դրանից հետո նրա վառելիքը կվերջանա և Մայքը կսկսի հոգնել: Այդ տարիքում շատ բարդ է 3 ռաունդից […] ...
23:36 14.11.2024
«Արամ Խաչատրյան» համերգասրահում տեղի է ունեցել Ռոբերտ Ամիրխանյանի 85-ամյակին նվիրված հոբելյանական համերգԿԳՄՍ նախարարության աջակցությամբ «Արամ Խաչատրյան» համերգասրահում տեղի է ունեցել Ռոբերտ Ամիրխանյանի 85-ամյակին նվիրված հոբելյանական համերգ. ծրագրում՝ Ռոբերտ Ամիրխանյան, «Կանտատ սիրո» խորագրով։ Համերգին ներկա են եղել ԿԳՄՍ նախարար Ժաննա Անդրեասյանը և նախարարի տեղակալ Դանիել Դանիելյանը։ Նախարար ժաննա Անդրեասյանը հանդես է եկել շնորհավորական խոսքով. «Շատ դժվար և պարտավորեցնող է խոսել այսքան սիրված արվեստագետի հոբելյանի առիթով, որի ժամանակակիցը […] ...
23:28 14.11.2024
ԱՄՆ-ի վարչակազմը դեմ է արտահայտվում Բեյրութին Իսրայելի օդային հարվածներինՄիացյալ Նահանգների վարչակազմը դեմ է Բեյրութին Իսրայելի օդային հարվածներին: Այս մասին լրագրողների հետ հերթական ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը։ Նրան հարցրել են, թե արդյոք Վաշինգտոնը մտահոգված չէ Լիբանանի մայրաքաղաքին իսրայելական ավիահարվածով, որը չորեքշաբթի օրը 21 մարդու կյանք է խլել: «Իհարկե, մենք մտահոգված ենք: Դուք մեզանից բազմիցս լսել եք, որ […] ...
23:20 14.11.2024
Վրաստանի դատախազությունը կնքել է ընտրություններում օգտագործված ստուգող սարքերըՎրաստանի գլխավոր դատախազությունը խորհրդարանական ընտրություններում հնարավոր կեղծիքների հետաքննության շրջանակներում կնքել է ընտրողների ստուգման սարքերը, որոնք ԿԸՀ-ն օգտագործել է քվեարկության օրը։ Այս մասին ասված է Գլխավոր դատախազության հաղորդագրության մեջ։ «Քննչական այլ միջոցառումների շրջանակում Կենտրոնական ընտրական հանձնաժողովի վարչական շենքում կնքվել են խորհրդարանական ընտրություններում օգտագործված ընտրողներին ստուգող սարքերը՝ դրանցում առկա տեղեկատվության անվտանգությունն ապահովելու նպատակով, ձեռնարկվել են հետագա քննչական […] ...
23:12 14.11.2024
«Ուսագի» թայֆունը հարվածել է Ֆիլիպիններին«Ուսագի» թայֆունը հասել է Ֆիլիպինների հյուսիսարևելյան ափին, հինգշաբթի հաղորդում է Associated Press-ը։ Տեղական ժամանակով կեսօրից հետո թայֆունը հարվածել է Ֆիլիպինների արշիպելագի ամենամեծ կղզու՝ Լուսոնի Կագայան նահանգին։ Թայֆունի գոտում քամու առավելագույն արագությունը եղել է 49 մ/վ։ Քամու պոռթկումները հասել են 66 մ/վ արագության։ Օդերևութաբանները զգուշացնում են անձրևների և սողանքների մասին։ Ափամերձ շրջաններում փոթորկի ալիքների բարձրությունը կարող […] ...
