12:20 13.11.2024
ԿԳՄՍ նախարարի տեղակալ Արթուր Մարտիրոսյանը Կամերային երաժշտության տանը ներկա է եղել ՀՀ-ի և Սերբիայի Հանրապետության միջև դիվանագիտական հարաբերությունների հաստատման 30-ամյակին նվիրված տոնակատարությանը:
Տոնական միջոցառմանը ներկա են եղել ՀՀ-ում Սերբիայի արտակարգ և լիազոր դեսպան Տատյանա Պանայոտովիչ–Ցվետկովիչը, պետական բարձրաստիճան պաշտոնյաներ:
Ողջույնի խոսքում նախարարի տեղակալն ընդգծել է, որ Հայաստան-Սերբիա հարաբերություններն անցած երեք տասնամյակների ընթացքում սերտացել են՝ նպաստելով տարբեր ոլորտներում համագործակցության խորացմանը:
«Զարգացող բազմակողմ հարաբերությունները հնարավոր են դարձել այն մշակութային և հասարակական գործիչների շնորհիվ, որոնք իրենց գործունեությամբ բարեկամության կամուրջ են հանդիսացել երկու ժողովուրդների և պետությունների միջև: Առանձնակի ուզում եմ կարևորել հաջողված մշակութային փոխգործակցությունը գրականության, երաժշտարվեստի, թատերագրության, ինչպես նաև համատեղ կինոարտադրության ոլորտներում: Հայ և սերբ հեղինակները պարբերաբար թարգմանվում են՝ հնարավորություն տալով տվյալ հանրությանը հաղորդակից դառնալու մյուս կողմի գրական նվաճումներին»,- ասել Արթուր Մարտիրոսյանը՝ հավելելով, որ ակտիվ համագործակցություն է ծավալվել հայ և սերբ մշակութային գործիչների մասնակցությամբ իրականացվող մշակութային միջոցառումների և միջազգային փառատոների շրջանակում:
Նախարարի տեղակալը շեշտել է, որ Հայաստանում հատուկ հետաքրքրություն է ձևավորվել սերբերենի հանդեպ. Երևանի պետական համալսարանում ձևավորվում է խումբ, որն ուսումնասիրելու է սերբերեն: «Հույս ունեմ, որ այս համագործակցությունը կշարունակի զարգանալ և կդառնա ավելի արդյունավետ՝ ի շահ Հայաստանի և Սերբիայի բարգավաճման ու բարօրության»,- նշել է նախարարի տեղակալը:
Տոնակատարության շրջանակում տեղի է ունեցել համերգ, որի ընթացքում ՀՀ վաստակավոր արտիստ, դաշնակահար Հայկ Մելիքյանի կատարմամբ հնչել են սերբ անվանի կոմպոզիտորներ Կորնելիե Ստանկովիչի, Մարկո Տայչևիչի, Միլոյե Միլոյևիչի, Ստևան Մոկրանյացի, Վասիլյե Մոկրանյացիի, Լյուբիցա Մարիչի, Դեյան Դեսպիչի, ինչպես նաև հայ կոմպոզիտորներ Ալեքսանդր Հարությունյանի, Հայկ Մելիքյանի, Էլեն Յոլչյանի, Կոմիտաս Վարդապետի ստեղծագործությունները:
11:17 14.11.2024
Արթուր Մարտիրոսյանը հետևել է Ախուրյանի երիտասարդական կենտրոնի շինարարական աշխատանքներինՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն այցելել է Շիրակի մարզի Ախուրյան բնակավայր՝ ծանոթանալու ԿԳՄՍ նախարարության աջակցությամբ ստեղծվող «Ախուրյանի երիտասարդական հաբ» երիտասարդական կենտրոնի շինարարական աշխատանքներին: Այցին ներկա էին Ախուրյան խոշորացված համայնքի ղեկավար Զավեն Մանուկյանը և ԿԳՄՍՆ երիտասարդության հարցերի վարչության պետ Զարա Ասլանյանը: «Մեր ակնկալիքն է, որ այս կենտրոնը, ի թիվս այլ կենտրոնների, […] ...
11:08 14.11.2024
Արարատում կասեցվել է մսային կիսապատրաստվածքի արտադրամասի արտադրական գործունեությունըՀՀ սննդամթերքի անվտանգության տեսչական մարմնի Արարատի մարզային կենտրոնի տեսուչներն անհատ ձեռնարկատեր Գրիգոր Բաղդասարյանին պատկանող մսային կիսապատրաստվածքի արտադրամասում (Արարատի մարզ, ք․ Վեդի) անցկացված ստուգման ընթացքում պարզել են, որ այն աշխատել է սննդամթերքի հիգիենային ներկայացվող պահանջների խախտմամբ։ Մասնավորապես՝ արտադրական շինությունների նախագծումը, դրանց կառուցվածքը, դասավորվածությունը չեն ապահովել պարենային հումքի, փաթեթավորման նյութերի և սննդամթերքի պահպանման սահմանված պայմանները, սննդամթերքի հետ […] ...
11:00 14.11.2024
Մեկ օրում գրանցվել է 14 ՃՏՊ. 2 մարդ զոհվել է, 16-ը՝ ստացել տարբեր աստիճանի մարմնական վնասվածքներԸստ ոստիկանության օպերատիվ հաղորդագրությունների ամփոփագրերի՝ նոյեմբերի 13-14-ը ՆԳՆ ոստիկանության ստորաբաժանումները բացահայտել են հանցագործության 111 դեպք, որոնցից 3-ը՝ նախկինում կատարված: Մասնավորապես՝ թմրանյութի հայտնաբերման՝ 26, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 14, ֆիզիկական ներգործության` 10, անձնական ունեցվածքի գողության՝ 7, հոգեկան ներգործության՝ 6, մարմնական վնասվածք պատճառելու՝ […] ...
10:52 14.11.2024
Նոյեմբերյան համայնքի Ոսկևան բնակավայրում գործարկվելու է էլեկտրական շչակՆոյեմբերի 15-ին՝ ժամը 10:00-ից 15:00-ն ընկած ժամանակահատվածում, Տավուշի մարզի Նոյեմբերյան համայնքի Ոսկևան բնակավայրում անցկացվելու է ««Օդային տագնապ» ազդանշանի դեպքում բնակչության ազդարարման, պատսպարման և տարհանման աշխատանքների կազմակերպումը» թեմայով վարժանք, որի ընթացքում ժամը 12։00-ին գործարկվելու է էլեկտրական շչակ: ...
10:45 14.11.2024
Անահիտ Մանասյանը Սյունիք կատարած այցի շրջանակում այցելել է ՀՀ ԱԱԾ Սահմանապահ զորքերի ստորաբաժանումներՀայաստանի Մարդու իրավունքների պաշտպան Անահիտ Մանասյանը Սյունիք կատարած այցի շրջանակում այցելել է ՀՀ ԱԱԾ Սահմանապահ զորքերի ստորաբաժանումներ։ Պաշտպանը հանդիպել է ԱԱԾ սահմանապահ զորքերի հրամանատար, գնդապետ Էդգար Հունանյանի և զորքերի հրամանատարական կազմի հետ, քննարկել զինծառայողների իրավունքներին վերաբերելի հարցեր։ Այնուհետև, Պաշտպանը և աշխատակազմի ներկայացուցիներն այցելել են Սահմանապահ զորքերի ուղեկալներ: Հրամանատարական կազմը Պաշտպանին ներկայացրել է նորակառույց ուղեկալներում զինծառայողների […] ...
10:38 14.11.2024
ՆԳ նախարարը Հունգարիայում մասնակցել է Բուդապեշտի գործընթացի 7-րդ նախարարական համաժողովինՆոյեմբերի 12-ին Ներքին գործերի նախարար Վահե Ղազարյանի գլխավորած պատվիրակությունը մասնակցել է Բուդապեշտի գործընթացի 7-րդ նախարարական համաժողովին։ Համաժողովին մասնակցել են 50 երկրի պատվիրակություններ և ոլորտում գործող միջազգային կազմակերպությունների ներկայացուցիչներ։ ՆԳ նախարարության և անձամբ իր անունից ողջունելով համաժողովի մասնակիցներին՝ Վահե Ղազարյանը շնորհակալություն է հայտնել կազմակերպիչներին՝ համաժողովը բարձր մակարդակով կազմակերպելու և հյուրընկալելու, ինչպես նաև Միգրացիոն քաղաքականության մշակման միջազգային […] ...
