| « | Ապրիլ 2025 | |||||
|---|---|---|---|---|---|---|
| Կ | Ե | Ե | Չ | Հ | Ու | Շ |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
17:54 12.11.2024
ԿԳՄՍ նախարարի տեղակալ Արաքսիա Սվաջյանն այսօր այցելել է Երևանի մի շարք քոլեջներ և ուսումնարաններ՝ տեղում ծանոթանալու առկա պայմաններին, ընթացիկ գործունեությանը և խնդիրներին:
Արաքսիա Սվաջյանը, մասնավորապես, այցելել է Երևանի թիվ 4 արհեստագործական պետական ուսումնարան, Սուրբ Գրիգոր Լուսավորիչ պետական բժշկական քոլեջ, Առնո Բաբաջանյանի անվան պետական երաժշտամանկավարժական քոլեջ և Զարդարվեստի պետական արհեստագործական ուսումնարան:
Շրջելով հաստատություններում՝ ԿԳՄՍ նախարարի տեղակալը հետաքրքրվել է ուսումնական գործընթացի կազմակերպման առանձնահատկություններով, պրակտիկաների անցկացման արդյունավետությամբ, ուսանողների հաճախելիությամբ, նրանց՝ ուսումնական ծրագրերի նկատմամբ ցուցաբերած հետաքրքրվածությամբ, ինչպես նաև ուսումնական հաստատությունների շենքային պայմաններով՝ սկսած ջեռուցման համակարգի պատշաճ գործարկումից ու ճաշարանների առկայությունից:
Երևանի թիվ 4 արհեստագործական պետական ուսումնարանում Արաքսիա Սվաջյանը հատկապես հետաքրքրվել է Կարիերայի կենտրոնի գործունեությամբ՝ ինչ աշխատանքներ են իրականացվում ուսանողների հետ, շրջանավարտների քանի տոկոսն է ուսումնառությունից հետո մասնագիտությամբ աշխատանք գտնում և այլն:
Սուրբ Գրիգոր Լուսավորիչ պետական բժշկական քոլեջում ԿԳՄՍ նախարարի տեղակալը հետաքրքրվել է լաբորատոր պայմանների առկայությամբ, գործնական հմտություններն ակտիվ փորձարկելու հնարավորություններով, ինչպես նաև, թե ուսանողները կրթության որակի բարելավման առումով ինչ հարցեր են կարևորում: Ուսանողների հետ զրույցի ընթացքում նա նշել է, որ բժշկությունն ամենաառանցքային ոլորտներից է, որտեղ որակյալ մասնագետի կարիքը բոլոր ժամանակներում առաջնային է:
Առնո Բաբաջանյանի անվան պետական երաժշտամանկավարժական քոլեջում Արաքսիա Սվաջյանն առանձնակի հետաքրքրվել է անհրաժեշտ երաժշտական գործիքների առկայությամբ՝ ընդգծելով նյութատեխնիկական բազայի և սարքավորումների հագեցվածության խնդիրը մասնագիտական կրթության կազմակերպման հարցում: Ներկայացնելով ուսումնական գործընթացը՝ քոլեջի պատասխանատուները նշել են, որ ուսանողներն ապահովված են գործիքներով, իսկ ուսանողները պատմել են ուսումնառության մասին՝ խոսելով իրենց հետաքրքրությունների շրջանակի, հետագա անելիքների, կրթությունը շարունակելու ծրագրերի մասին:
Զարդարվեստի պետական արհեստագործական ուսումնարանում ևս Արաքսիա Սվաջյանը շրջել է լսարաններով, ծանոթացել ուսանողներին հուզող հարցերին: Նրան, մասնավորապես, հետաքրքրել է՝ ինչ սկզբունքով են առաջնորդվել ուսանողները մասնագիտություն ընտրելիս, ինչպես են պատկերացնում աշխատաշուկայում իրենց մասնագիտությունն իրացնելու հնարավորությունները և այլն: Փոխնախարարին ներկայացվել են տարբեր կուրսերի ու մասնագիտությունների ուսանողների աշխատանքներն ու նրանց ձեռքբերումները: Տնօրենի խոսքով՝ արդեն երկրորդ տարին է՝ խեցեգործությունը ներդրվել է որպես նոր մասնագիտություն, որն արդեն իսկ հետաքրքրություն է առաջացրել ուսանողների շրջանում:
Նախարարի տեղակալի այցերն ուսումնական հաստատություններ շարունակական են լինելու:
15:47 08.04.2025
ՊԵԿ-ում TADAT-ի կիրառմամբ մեկնարկել է հարկային վարչարարության նոր գնահատման գործընթացըՊետական եկամուտների կոմիտեում մեկնարկած բարեփոխումների շրջանակում՝ կոմիտեի նախաձեռնությամբ Արժույթի միջազգային հիմնադրամն իրականացնում է հարկային վարչարարության նոր գնահատում` հարկային վարչարարության ախտորոշիչ գործիքի (Tax Administration Diagnostic Tool – TADAT) կիրառմամբ: Նպատակն է՝ վերհանել համակարգի ձեռքբերումներն ու բացթողումները՝ սահմանելով հետագա բարեփոխումների առաջնահերթությունները: Մայիսին իրականացվող Հարկային վարչարարության արդյունավետության գնահատմանն ընդառաջ՝ Պետական եկամուտների կոմիտեում ապրիլի 7-ից 10-ն անցկացվում է աշխատանքային […] ...
15:41 08.04.2025
Առաջարկվում է մանկապատանեկան մարզադպրոցներն անվանակոչել բարձրագույն նվաճումների հասած ՀՀ մարզիկների անուններովԱռաջարկվում է մանկապատանեկան մարզադպրոցներն անվանակոչել բարձրագույն նվաճումների հասած ՀՀ մարզիկների անուններով Առաջարկվում է սահմանել մարզադպրոցների անվանակոչության վերաբերյալ ընդհանրական չափորոշիչներ: Այս մասին ասել է ՀՀ կրթության, գիտության, մշակույթի եւ սպորտի նախարարի տեղակալ Հասմիկ Ավագյանն ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի՝ ապրիլի 8-ին հրավիրած նիստում: Փոխնախարարն առաջին ընթերցմամբ քննարկման է ներկայացրել «Ֆիզիկական […] ...
15:35 08.04.2025
Երևանի պարեկները ապօրինի թմրանյութ պահելու համար ձերբակալել են գյումրեցի երիտասարդիԱպրլի 6-ին՝ գիշերվա 1.35-ին, Երևանի պարեկները Շինարարների փողոցում, ապօրինի թմրամիջոց պահելու և օգտագործելու կասկածանքով, ձերբակալել և իր «Մերսեդես» մակնիշի ավտոմեքենայով հանդերձ համայնքային ոստիկանության Մաշտոցի բաժին են տարել Գյումրիի բնակիչ 30-ամյա երիտասարդի: Նրա անձնական խուզարկությամբ հայտնաբերվել է թղթյա երեք փաթեթ` լցված դեղնականաչավուն զանգվածներով: Կազմված փաստաթղթերը փոխանցվել են նախաքննական մարմին: ...
15:28 08.04.2025
Հակոբ Արշակյանը հանդիպել է Ինդոնեզիայի պատվիրակության ղեկավարին. ընդգծվել է երկու երկրների միջեւ հետագա տնտեսական համագործակցության ներուժըՀՀ Ազգային ժողովի նախագահի տեղակալ Հակոբ Արշակյանը Տաշքենդում հանդիպել է Ինդոնեզիայի պատվիրակության ղեկավար Մարդանի Ալի Սերայի հետ: ՀՀ ԱԺ փոխնախագահը գոհունակություն է հայտնել դիվանագիտական հարաբերությունների հաստատումից ի վեր շարունակվող համագործակցության կապակցությամբ եւ շեշտել քաղաքական երկխոսության բարձր մակարդակի պահպանումը, այդ թվում՝ փոխայցելությունների միջոցով: Երկուստեք կարեւորվել են խորհրդարանական համագործակցության ընդլայնման ուղղությամբ ձեռնարկվող կարեւոր քայլերը քաղաքական, տնտեսական, տեխնոլոգիաների […] ...
15:23 08.04.2025
Գևորգ Պապոյանն Անգոլայի գործընկերոջը ներկայացրել է Հայաստանի ներդրումային միջավայրըԱրաբական Միացյալ Էմիրություններ կատարած աշխատանքային այցի շրջանակում ՀՀ էկոնոմիկայի նախարար Գևորգ Պապոյանը հանդիպում է ունեցել Անգոլայի Հանրապետության արդյունաբերության և առևտրի նախարար Ռույ Միգուենս դե Օլիվեյրայի հետ։ Քննարկվել են Անգոլայից ադամանդի հումքի ձեռքբերման և ներմուծման հարցերը։ Գևորգ Պապոյանը ներկայացրել է Հայաստանի ներդրումային միջավայրը և նշել, որ ադամանդի հումքի մշակման գործընթացը Հայաստանում զարգացած է և տարեկան կարող […] ...
15:18 08.04.2025
Անցորդից բջջային հեռախոս հափշտակած երիտասարդին պարեկները բռնել ու ձերբակալել ենԱպրիլի 7-ին պարեկային ծառայողները Երևանի Թամանցիների փողոցում նկատել են 21-ամյա Վ․Ս․-ին, որի մոտ եղել է 2 բջջային հեռախոս։ Նույն պահին նրանց է մոտեցել անցորդներից մեկն ու հայտնել, որ բջջային հեռախոսը պատկանում է իրեն։ Երկուսն էլ տեղափոխվել են Շենգավիթի բաժին։ Շենգավիթի համայնքային ոստիկաններն ու պարեկները պարզել են, որ Վ․Ս․-ն և նրա հետ մեկ այլ քաղաքացի հափշտակել […] ...
