21:08 11.11.2024
ՀՀ կրթության, գիտության, մշակույթի և սպորտի նախարարության աջակցությամբ Հայաստանի նկարիչների միությունը կազմակերպել է Հայաստանի ազգային հերոս, Ֆրանսիայի Պատվո լեգեոնի շքանշանակիր մեծն շանսոնյե Շառլ Ազնավուրի ծննդյան 100-ամյակին նվիրված «La Bohème» («Լա Բոհեմ») ցուցահանդեսը։
Ցուցահանդեսում ներկայացված են 100 հայ նկարչի 100 ստեղծագործություններ` նվիրված Ազնավուրի «Լա Բոհեմ» երգին և հատուկ վրձնված այս նախագծի համար։
Բացման արարողությանը ներկա է եղել ԿԳՄՍ նախարար Ժաննա Անդրեասյանը:
Նախարարը ողջունել է ներկաներին և նշել, որ հոբելյանական տարվա ամենակարևոր անելիքներից մեկը մեծ հայի՝ Շառլ Ազնավուրի հոբելյանի պատշաճ և ըստ արժանվույն նշանավորումն է։
«Հոբելյանական միջոցառումների ծրագրում պատահական չէ, որ ընտրվել է հենց այս՝ «Լա բոհեմ» նախագիծը. հատկապես կարևորել ենք մեծանուն արվեստագետներին տարբեր դիտանկյուններից մոտենալու ու բացահայտելու հանգամանքը: Նախագծի գաղափարն ինքնին հետաքրքիր է․ տարբեր նկարիչների կողմից «Լա բոհեմ» սիրված ստեղծագործության պատկերումը հնարավորություն է՝ բացահայտելու Ազնավուրի արվեստը ժամանակակից ստեղծագործողների աշխատանքներով»,- նշել է նախարարը՝ շնորհակալություն հայտնելով մասնակից նկարիչներին և Նկարիչների միությանը՝ պետական ծրագրերի շրջանակում համատեղ աշխատանքի համար։
Նախարարը նաև տեղեկացրել է՝ ԿԳՄՍՆ կողմից մշակվում է «Մշակութային աճուրդների մասին» օրենքի նախագիծը, որի նպատակը ժամանակակից արվեստագետների համար գործունեության ինստիտուցիոնալ մեխանիզմի ձևավորումն է․ «Ժամանակակից արվեստագետների համար քաղաքակիրթ միջավայրում լսարան գտնելու, աշխատանքների ցուցադրության և վաճառքի հնարավորության ստեղծումը առաջնային խնդիր ենք համարում: Օրենսդրական նախաձեռնության շրջանակում նախարարությունը համագործակցել է Նկարիչների միության հետ՝ որպես մասնագիտկան գործունեության առանցքային դերակատարի»:
Ներկաներին ողջունել է նաև Նկարիչների միության նախագահ Սուրեն Սաֆարյանը՝ ընդգծելով, որ մեծ պատիվ և պատասխանատվություն էր ցուցահանդեսի կազմակերպումը, որը համատեղ աշխատանքի արդյունք է:
100 նկարիչներից մեկի՝ Հրանտ Թադևոսյանի (Թաթոս) «Լա Բոհեմ» նկարում բնության մի մասնիկ էր, որը նկարիչը ներկայացրել է հետաքրքիր մեկնաբանությամբ. «Մարդու ապրելակերպի գերագույն պահը, հրճվանքը, գագաթնակետը բոհեմային պահն է: Ես որոշեցի, որ այն կարելի է ստեղծել բնության միջոցով, որովհետև միակ ճշմարտությունը բնությունն է, որին ո՛չ կարող ես թելադրել, ո՛չ պարտադրել. ընդամենը պետք է բարի լինես լսելու, ընկալելու և ապրելու նրանում ճշմարտացի ձևով: Իսկ Ազնավուրի հանճարը ապրել է բոհեմային ճշմարտությամբ. նա իր կյանքը ծաղկունքի նման ապրեց»:
Ցուցահանդեսի շրջանակում տպագրվել է նաև «La Bohème» կատալոգը, որը ներառում է ներկայացված 100 նկարները:
Ցուցահանդեսի համադրողն արվեստաբան Մարգարիտա Խաչատրյանն է:
Ցուցահանդեսը կգործի մինչև նոյեմբերի 19-ը: Մուտքն ազատ է:
14:53 03.04.2025
Արցախի փողոցի 4-րդ կարգի վթարային շենքերում ապրող 60 ընտանիք վերաբնակեցվել է․ ԱվինյանԱրցախի փողոցի 4-րդ կարգի վթարային շենքերում ապրող 60 ընտանիք վերաբնակեցվել է: Այս մասին Ֆեյսբուքի իր էջում գրել է Երևանի քաղաքապետ Տիգրան Ավինյանը։ «Այսօր ստորագրեցի բնակարանի գնման հերթական վկայագիրը»,-գրել է Ավինյանը: ...
14:45 03.04.2025
Հակոբ Սերոբյանն արժանացել է «Եվրոպական մարմնամարզության պատվավոր մրցավար» կոչմանըՄարմնամարզության տղամարդկանց Հայաստանի հավաքականի գլխավոր մարզիչ, ՀՀ վաստակավոր մարզիչ, միջազգային կարգի մրցավար Հակոբ Սերոբյանն արժանացել է «Եվրոպական մարմնամարզության պատվավոր մրցավար» կոչմանը։ Այս մասին հայտնում է ՀՄՖ մամուլի ծառայությունը։ Հակոբ Սերոբյանը տղամարդկանց Հայաստանի հավաքականը գլխավորում է 2000 թվականից, իսկ 2006 թվականից նա միջազգային կարգի մրցավար է։ ...
14:37 03.04.2025
Դատախազը դատարան է հանձնել խուլիգանական դրդումներով սպանություն կատարելու մեջ մեղադրվող 7 անձանց վերաբերյալ քրեական վարույթըԴատախազը, 2025 թվականի ապրիլի 1-ին Երևան քաղաքի առաջին ատյանի ընդհանուր իրավասության քրեական դատարան է հանձնել Երևան քաղաքի Նորագավիթ 1-ին փողոցում 2024 թվականի հունիսի 13-ին խուլիգանական դրդումներով սպանություն կատարելու մեջ մեղադրվող 7 անձանց վերաբերյալ քրեական վարույթը: Հիշեցնենք, որ դատախազը, Քննչական կոմիտեում քննված քրեական վարույթի շրջանակում հանրային քրեական հետապնդում էր հարուցել Ն.Ա.-ի նկատմամբ՝ Քրեական օրենսգրքի 155-րդ հոդվածի […] ...
14:30 03.04.2025
Արագածոտնի մարզի Եղնիկ բնակավայրում գործարկվելու է էլեկտրական շչակԱպրիլի 4-ին՝ ժամը 11:00-ից մինչև 11:30-ն ընկած ժամանակահատվածում, Արագածոտնի մարզի Եղնիկ բնակավայրում անցկացվելու է «Ազդարարում, պատսպարում, տարհանում» թեմայով ուսումնական վարժանք, որի ընթացքում գործարկվելու է էլեկտրական շչակ։ ...
14:24 03.04.2025
Վարչապետ Փաշինյանն ընդունել է Մագդալենա ԳրոնոյինՎարչապետ Նիկոլ Փաշինյանն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոյին: Զրուցակիցները մտքեր են փոխանակել Հարավային Կովկասի տարածաշրջանում իրավիճակի, մասնավորապես, Հայաստան-Ադրբեջան խաղաղության գործընթացի շուրջ: Երկուստեք կարևորվել է «Հայաստանի և Ադրբեջանի միջև խաղաղության և միջպետական հարաբերությունների հաստատման մասին» համաձայնագրի նախագծի համաձայնեցումը: Այս առումով, վարչապետ Փաշինյանն ընդգծել է ՀՀ Կառավարության հավատարմությունը խաղաղության […] ...
14:20 03.04.2025
Վթարային ջրանջատում Սյունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարի վերացման աշխատանքներով պայմանավորված, ս.թ. ապրիլի 3-ին ժամը 20:00-ից մինչև ապրիլի 4-ը ժամը 20:00-ն կդադարեցվի Սյունիքի մարզի՝ Քարահունջ, Հարթաշեն, Խնձորեսկ, Քարաշեն, Տեղ, Արավուս, Կոռնիձոր գյուղերի, Գորիս քաղաքի Յոլյան փողոցի, Արևշատ փողոցի 2-րդ շենքի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում […] ...
