10:58 10.11.2024
ԿԳՄՍ նախարար Ժաննա Անդրեասյանը ուղերձ է հղել Գիտության միջազգային օրվա առթիվ:
«Գիտության ոլորտի ներկայացուցիչներ, սիրելի՛ գիտնականներ, հետազոտողներ, շնորհավորում եմ Գիտության միջազգային օրվա առթիվ։
Այսօր, երբ աշխարհը կանգնած է բազմաթիվ մարտահրավերների և ծավալվող անորոշության առջև, հանրային ակնկալիքը՝ գիտության միջոցով հարցերի պատասխաններ գտնելու, միայն աճում է։ Գիտելիքահեն տնտեսությունը, հանրային բոլոր ոլորտներում խելացի գործիքակազմերի ներդնումը, մեծաքանակ տվյալների վերլուծության կարիքն ըստ էության հետազոտական նվազագույն հմտությունների անհրաժեշտություն են դնում ոչ միայն գիտնականների, այլ նաև մասնագիտական ծառայությունների ոլորտում ներգրավված բազմաթիվ մարդկանց, կյանքի տարբեր իրավիճակներում հայտնվող քաղաքացիների համար։ՀՀ կառավարության որդեգրած քաղաքականությունը՝ ուղղված գիտության ու կրթության ոլորտի բարեփոխումներին, նպատակ ունի զարգացնել գիտական ներուժը՝ դարձնելով այն միջազգայնորեն մրցունակ։ Ցանկանում եմ առանձնակի շեշտել թե՛ բնական, թե՛ հումանիտար և հասարակական գիտությունների զարգացման առաջնահերթությունը և մեկը մյուսին փոխլրացնելու կարևորությունը, որով պայմանավորված է պետության և հանրության իրական զարգացումը։ Ընդ որում՝ ցանկանում եմ ուրախությամբ շեշտել, որ Կառավարության ծրագրով 2021 թվականին գիտության ոլորտում նախանշած հիմնական թիրախներն արդեն իսկ իրականություն են և հնարավոր են դարձնում մտածել հաջորդ փուլի զարգացման ռազմավարության մասին։
Մասնավորապես՝ գիտության ոլորտում Կառավարության քաղաքականությունը մրցունակ է դարձրել ոլորտում գիտնականների աշխատավարձը՝ բարձրացնելով միայն բազային ֆինանսավորումը մինչև 300 տոկոսով, ներդնելով թեմատիկ ֆինանսավորման տարաբնույթ ձևաչափեր, նոր դրամաշնորհներ, որոնց շնորհիվ երիտասարդ գիտնականներն ու ասպիրանտները վերապատրաստվում են արտերկրի լավագույն գիտական կենտրոններում։ Հիմնվում են հեռավար լաբորատորիաներ՝ արտերկրի հեղինակավոր գիտնականների հետ համատեղ, արտերկրի գիտնականները, այդ թվում՝ Սփյուռքից, նաև տեղափոխվում են Հայաստան՝ տեղի հետազոտողների հետ գիտական աշխատանք իրականացնելու, նաև դասավանդելու։
Իրականացվում են տնտեսության համար կարևոր կիրառական բնույթի հետազոտություններ, երկրի պաշտպանունակությանն ուղղված գիտական աշխատանքներ, յուրաքանչյուր տարի ձեռք են բերվում արդիական բարձրարժեք գիտական սարքավորումներ՝ աննախադեպ ծավալներով, որոնք թույլ են տալիս մեր երկրում իրականացնել ամենաբարձր մակարդակի հետազոտական աշխատանք՝ միզազգայնորեն մրցունակ գիտական համայնք ձևավորելով։
Այս աշխատանքների շնորհիվ մենք արդեն երկու տարի շարունակ գրանցում ենք գիտության մեջ զբաղված հետազոտողների թվի աճ՝ կոտրելով նախորդ տարիների՝ գիտական աշխատանքով զբաղվածների թվի նվազման միտումը։ Ընդ որում՝ գիտությամբ զբաղվողների մեջ մեծ թիվ են կազմում երիտասարդ գիտնականները՝ ցույց տալով, որ գիտությամբ զբաղվելը մեզանում դառնում է մրցունակ ու հետաքրքիր կենսագիծ երիտասարդների համար։
Դրան են ուղղված նաև դպրոցականների շրջանում գիտությամբ զբաղվելու հեռանկարը խրախուսելու քայլերը․ 2021թվականից կազմակերպվում է Համադպրոցական գիտության փառատոնը, այս տարի առաջին անգամ իրականացվեց Գիտության շաբաթը՝ գործընկերների հետ համագործակցությամբ, դպրոցներում հիմնվող բնագիտական և տեղեկատվական նոր լաբորատորիաները գալու են խթանելու փորձարարական միտքն ու միջավայրը՝ ստեղծելով բարենպաստ պայմաններ հետազոտական աշխատանքի ընտրության համար։
Միաժամանակ տարաբնույթ ցուցանիշները վկայում են, որ գնալով ավելի ու ավելի մեծ գիտական արդյունք է ստեղծվում բուհերում, որը պետք է միայն խրախուսել՝ հնարավորինս ինտեգրելով բարձրագույն կրթությունն ու գիտությունը։ Կառավարության առաջնահերթ ծրագրերից համարվող Ակադեմիական քաղաքը դառնալու է բարձրագույն կրթության և հետազոտության համար անհրաժեշտ որակյալ միջավայր՝ ձևավորելով գիտությամբ զբաղվելու հրաշալի միջավայր։ Գիտության և բարձրագույն կրթության զարգացման օրակարգերի ինստիտուցիոնալ հենքն ապահովելու է հանրային քննարկման ներկայացված «Բարձրագույն կրթության և գիտության մասին» օրենքի նախագիծը։
Գիտության զարգացման շուրջ խոսակցության հերթական առիթը կունենանք գիտության զարգացման ռազմավարության շրջանակում, որը նախատեսում ենք մեկնարկել առաջիկայում։
Մենք ապրում ենք դժվար ժամանակներում, որտեղ առաջ գնալու նախապայմանը դժվար հարցերի մասին խոսելն ու դրանց պատասխանները փնտրելն է։ Գիտությունն է դժվար հարցերին պատասխանելու ամենաարդյունավետ ձևերից մեկը, որտեղ խիստ կարևոր է ազնվությունը, կասկածելու ունակությունն ու սխալներից սովորելու կարողությունը։Մաղթում եմ մեր գիտնականներին, հետազոտողներին, գիտության ոլորտի բոլոր ներկայացուցիչներին մտքի ազատություն և ստեղծագործ ու արդյունավետ աշխատանք։
Շնորհավո՛ր Գիտության միջազգային օր»:
08:06 13.11.2024
Սյունիքի մարզի բարձրադիր գոտիներում մառախուղ է
08:00 13.11.2024
ՃՏՊ Սեբաստիայի փողոցում. կան տուժածներՆոյեմբերի 12-ին, ժամը 20:30-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սեբաստիայի փողոցի թիվ 37 շենքի մոտակայքում տեղի է ունեցել ՃՏՊ. կան տուժածներ: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Kia» և «Opel» մակնիշների ավտոմեքենաները․ «Kia» մակնիշի ավտոմեքենայում հրդեհ […] ...
00:00 13.11.2024
Հարսնացուի հոր սխալը ծիծաղեցրել է ներկներինՀարսանիքը, որը տեղի է ունեցել Հոլմֆիրթում (Յորքշիր, Անգլիա), որոշ չափով զավեշտական է ստացվել։ Ըստ ավանդույթի՝ հարսանցուի հայրը պետք է դստերը ուղեկցեր դեպի խորանը, սակայն փեսան միայն աճող զարմանքով նայել է, թե ինչպես է հարսնացուի հայրը՝ Նիլ Քրոսլին, քայլում դեպի իրեն` առանց աղջկա: Ստիպված միջամտել է տոնակատարության կազմակերպիչը, ով նրբանկատորեն հիշեցրել է Նիլին, որ արժե վերադառնալ […] ...
23:52 12.11.2024
Airbus օդային տաքսիի նախատիպն առաջին անգամ օդ է բարձրացելAirbus Helicopters-ի գործադիր տնօրեն Բրունո Իվոնը X սոցիալական ցանցում հայտնել է, որ ուղղահայաց թռիչք-վայրէջքի հնարավորությամբ CityAirbus NextGen նախատիպը առաջին անգամ օդ է բարձրացել ընկերության հաստատությունում Դոնավորտում (Գերմանիա)՝ սկսելով թռիչքային փորձարկումները: Չորս նստատեղով, երկու տոննայանոց CityAirbus NextGen-ը, որի թևերի բացվածքը մոտ 12 մետր է, հագեցած է ութ պտուտակներով և 16 էլեկտրական շարժիչ բլոկներով: Սարքը, ըստ մշակողի, […] ...
23:44 12.11.2024
Մոտենում է դարի ամենաերկար արևի խավարումը2027 թվականի օգոստոսի 2-ին տեղի կունենա 21-րդ դարի ամենաերկար ամբողջական արևի խավարումը, որը կտևի 6 րոպե 23 վայրկյան։ Forbes-ը հայտնում է, որ երևույթը կանցնի 15 227 կմ երկարությամբ ճանապարհ՝ անցնելով մի քանի երկրների և մայրցամաքների վրայով՝ ներառյալ Իսպանիան, Հյուսիսային Աֆրիկա և Արաբական թերակղզին: Խավարումը կսկսվի Ատլանտյան օվկիանոսից, կանցնի Ջիբրալթարի նեղուցը, այնուհետև կանցնի հարավային Իսպանիա, Ջիբրալթար, […] ...
23:36 12.11.2024
Նիկոլ Փաշինյանը Վարչության նիստ է հրավիրելՔՊ կենտրոնական գրասենյակում ՀՀ վարչապետ Նիկոլ Փաշինյանի գլխավորությամբ տեղի է ունեցել Վարչության նիստ։ Նիկոլ Փաշինյանը Ֆեյսբուքի իր էջում տեսանյութ է հրապարակել, որին կից գրել է․ «ՔՊ Վարչության այսօրվա նիստում քննարկեցինք Գյումրիում առաջացած կառավարման ճգնաժամը և ներկուսակցական հարցեր»։ ...
23:28 12.11.2024
Ամերիկացի սենատորը խոսել է ԱՄՆ բանակի «աղետալի» վիճակի մասինԱլաբամա նահանգի հանրապետական սենատոր Թոմի Թաբերվիլն ասել է, որ ԱՄՆ բանակի վիճակն այժմ «բացարձակ աղետալի» վիճակում է և լուրջ ուժեղացում է պահանջում։ Այս մասին նա ասել է Fox News-ին տված հարցազրույցում։ «Մեր զինված ուժերը հիմա՝ դա աղետ է, բացարձակ աղետ, մենք ներկա վիճակում չենք կարող որևէ մեկին հաղթել»,- նշել է սենատորը՝ հավելելով, որ չնայած բանակում […] ...
