18:40 08.11.2024
ՀՀ քննչական կոմիտեի Սյունիքի մարզային քննչական վարչությունում քննվող քրեական վարույթի շրջանակներում իրականացված բազմակողմանի քննությամբ պարզվել են Կապան քաղաքի երեք բնակչի կողմից ՍՊ ընկերության տնօրենին ծանր մարմնական վնաս պատճառելու, ինչպես նաև` խուլիգանություն կատարելու դեպքի մի շարք հանգամանքներ։
2024թ. հոկտեմբերի 30-ին ժամը` 19:08-ին, «Կապանի ԲԿ» ՓԲԸ-ից հաղորդում է ստացվել այն մասին, որ «Գլխուղեղի աջ կիսագնդի սուբդորալ հեմատոմա» ախտորոշմամբ իրենց մոտ է տեղափոխվել Կապան քաղաքի 63-ամյա բնակիչ, ով ավելի ուշ տեղափոխվել է Երևան քաղաքի «էրեբունի ԲԿ»։
ՀՀ քրեական օրենսգրքի 166-րդ հոդվածի 2-րդ մասի 5-րդ կետով և 297-րդ հոդվածի 2-րդ մասի 1-ին կետով նախաձեռնված քրեական վարույթով իրականացված քննչական և վարութային գործողությունների արդյունքում ձեռք բերված փաստական տվյալների համաձայն՝ 2024թ․ հոկտեմբերի 30-ին Վայոց ձորի մարզի Վայք քաղաքում գտնվող սննդի կետում Կապան համայնքի 63–ամյա բնակիչ, կաթնամթերքի արտադրությամբ զբաղվող ՍՊ ընկերության տնօրենի և նույն քաղաքի 31-ամյա բնակչի միջև անձնական հարցերի շուրջ վիճաբանություն է առաջացել, որից հետո նույն օրը՝ ժամը 17։00-ի սահմաններում, պարզաբանումներ կատարելու նպատակով, 31-ամյա տղամարդը նույն քաղաքի 31 և 29-ամյա բնակիչների հետ գնացել է ՍՊ ընկերության վարչական շենքի մուտքի մոտ։
Հանդիպելով ընկերության տնօրենին, սեփական անձի առավելությունն ընդգծելու նպատակով, հասարակական կարգը կոպիտ կերպով խախտելով, հասարակության նկատմամբ բացահայտ անհարգալից վերաբերմունք դրսևորելով, անտեսելով հավաքված անձանց ներկայությունը, միմյանց գործողությունները լրացնելով` Կապան քաղաքի հիշյալ բնակիչները ձեռքերով և ոտքերով բազմաթիվ հարվածներ են հասցրել նշված ընկերության տնօրենի մարմնի տարբեր մասերին, այդ թվում՝ գլխին՝ վերջինիս զրկելով դիմադրելու և պաշտպանվելու հնարավորությունից և պատճառելով կյանքի համար վտանգավոր մարմնական վնասվածք։ Նշված խուլիգանության ընթացքում Կապան քաղաքի հիշյալ բնակիչները ծեծի են ենթարկել նաև ընկերության տնօրենի վարորդին։
Ձեռք բերված բավարար փաստերի հիման վրա՝ Կապան քաղաքի 31-ամյա երկու բնակիչներին մեղադրանք է ներկայացվել՝ ՀՀ քրեական օրենսգրքի 166-րդ հոդվածի 2-րդ մասի 5-րդ և 10-րդ կետերով և 297-րդ հոդվածի 2-րդ մասի 1-ին կետով: Նրանց նկատմամբ որպես խափանման միջոց է կիրառվել կալանավորումը։
Կապան քաղաքի 29-ամյա բնակչի վերաբերյալ ձերբակալման որոշում է կայացվել, որի իրականացումը հանձնարարվել է ՀՀ ՆԳՆ ոստիկանության համապատասխան բաժին։
Նախաքննությունը շարունակվում է։
Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով դատարանի` օրինական ուժի մեջ մտած դատավճռով:
16:51 08.11.2024
Չիլիի ափերի մոտ 6,3 մագնիտուդ երկրաշարժ է տեղի ունեցել
20:48 08.11.2024
Հրդեհ Ներքին Բազմաբերդ գյուղումՆոյեմբերի 8-ին, ժամը 12:17-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ներքին Բազմաբերդ գյուղում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 13։04-ին, մարվել՝ 16։55-ին։ Գյուղի 17-րդ փողոցում այրվել է մոտ 300 հակ կուտակած անասնակեր։ ...
20:40 08.11.2024
«Bazar Berlin» 60-րդ միջազգային տոնավաճառին Հայաստանը մասնակցում է միասնական ազգային տաղավարովՆոյեմբերի 6-10-ը Գերմանիայի Դաշնային Հանրապետության Բեռլին քաղաքում անց է կացվում «Bazar Berlin» 60-րդ միջազգային տոնավաճառը, որին Հայաստանը մասնակցում է առաջին անգամ միասնական ազգային տաղավարով՝ ներկայացնելով 6 ընկերության արտադրանք։ Հայկական ընկերությունների ներկայացուցիչները միջոցառման նախօրեին հանդիպել են Գերմանիայի Դաշնային Հանրապետությունում Հայաստանի Հանրապետության դեսպան Վիկտոր Ենգիբարյանին և քննարկել հայկական արտադրանքի արտահանման հնարավորությունները դեպի ԳԴՀ և եվրոպական այլ երկրներ։ […] ...
20:32 08.11.2024
Հութիները հայտարարել են իսրայելական ավիաբազայի վրա հիպերձայնային հրթիռային հարձակման մասինԵմենի հութի ապստամբները ուրբաթ օրը հայտարարել են, որ գերձայնային հրթիռով հարձակվել են իսրայելական ռազմաօդային ուժերի «Նևաթիմ» բազայի վրա: Այս մասին ասվում է հութիների խոսնակ Յահյա Սարիի՝ X սոցիալական ցանցում արված հայտարարության մեջ։ «Եմենի զինված ուժերի հրթիռային ուժերը հատուկ ռազմական գործողություն են իրականացրել օկուպացված Պաղեստինի հարավում գտնվող Նեգևի շրջանի «Նևաթիմ» բազայի դեմ՝ օգտագործելով «Պալեստին 2» հիպերձայնային […] ...
20:24 08.11.2024
Ֆոն դեր Լայենը Եվրամիությանը առաջարկել է փոխարինել ռուսական գազը ամերիկյան LNG-ովԵվրամիությունը պետք է ուսումնասիրի ԱՄՆ-ից հեղուկ բնական գազի (LNG) գնումների ավելացման հնարավորությունը, որպեսզի շահի երկրի նորընտիր նախագահ Դոնալդ Թրամփի բարեհաճությունը, ով խոստացել է ներմուծման լայնածավալ մաքսատուրքեր սահմանել, ասել է Եվրահանձնաժողովի նախագահ Ուրսուլա ֆոն դեր Լայենը։ ԵՄ իշխանությունները Թրամփի համար արտաքին առևտրի առաջարկ են պատրաստում՝ հույս ունենալով պաշտպանվել նրա սպառնալիքներից, գրում է Financial Times-ը՝ վկայակոչելով ԵՀ-ի […] ...
20:16 08.11.2024
Իսրայելը ևս մեկ միջանցք կբացի Գազայի հատվածին օգնություն մատակարարելու համարՊաղեստինյան տարածքներում Իսրայելի կառավարության համակարգողի գրասենյակը (COGAT) հայտարարել է Գազայի հատված մարդասիրական օգնության մատակարարման հերթական միջանցքի բացման մասին, հայտնում է The Times of Israel-ը։ «Քիսուֆիմ» անցակետը կբացվի ինժեներական աշխատանքների ավարտից հետո։ «Իսրայելական ուժերը տարածքում տեսչական և անվտանգության ենթակառուցվածք են ստեղծում՝ ի հավելումն Իսրայելի և Գազայի հատվածի ճանապարհների կառուցմանը, որոնք թույլ կտան մարդասիրական օգնություն հասցնել հարավային […] ...
20:08 08.11.2024
Վրաստանի վարչապետը բացառում է կրկնակի խորհրդարանական ընտրություններըՎրաստանի վարչապետ Իրակլի Կոբախիձեն հերքել է երկրի խորհրդարանական ընտրություններում խախտումների վերաբերյալ ընդդիմության մեղադրանքները և հավելել, որ նոր ընտրություններ չեն լինելու։ «Նախագահ Սալոմե Զուրաբիշվիլին և ընդդիմության առաջնորդները, ովքեր հրապարակայնորեն հայտարարեցին կեղծիքների մասին, հրաժարվում են համագործակցել դատախազության հետ և պահանջում են նոր ընտրություններ։ Շատ շուտով Կենտրոնական ընտրական հանձնաժողովը կամփոփի ընտրությունների արդյունքները, որից հետո տեղի կունենա խորհրդարանի առաջին […] ...
