17:46 06.11.2024
««Սեւանա լճի մասին» օրենքում լրացումներ եւ փոփոխություններ կատարելու մասին» օրենքի նախագծով առաջարկվում է Կառավարությանը տալ լիազորություն՝ յուրաքանչյուր տարի սահմանելու Սեւանա լճում ձկան եւ խեցգետնի արդյունագործական որսի չափաքանակները եւ ժամկետները, արդյունագործական որսի կազմակերպման պայմաններն ու պահանջները: Օրենսդրական նախաձեռնությունը Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նոյեմբերի 6-ի նիստում ներկայացրել է ՀՀ շրջակա միջավայրի նախարարի տեղակալ Արա Մկրտչյանը:
Զեկուցողի խոսքով տարեկան միջոցառումների ծրագիրը ներառում է նաեւ Սեւանա լճի եւ նրա ջրհավաք ավազանի կենսառեսուրսների, այդ թվում՝ ձկնային եւ խեցգետնային արդյունահանման եւ արդյունագործական որսի տարեկան առավելագույն չափաքանակները եւ արդյունագործական որակի բնութագրերը՝ ամսական կտրվածքով:
Փոխնախարարը պարզաբանել է, որ ձկան եւ խեցգետնի արդյունագործական որսի չափաքանակները հաստատվում են տարեկան երկու փուլով իրականացվող ուսումնասիրությունների հիման վրա: Առաջին փուլի ուսումնասիրությունը կատարվում է նոյեմբերին, արդյունքները պարզ են դառնում դեկտեմբերին. այս դեպքում սահմանվում է հաջորդ տարվա՝ մինչեւ սեպտեմբերի 1-ն ընկած ժամանակահատվածի որսի չափաքանակը: Երկրորդ ուսումնասիրությունը կատարվում է հունիսին, իսկ արդյունքներն ամփոփվում են օգոստոսին: Նախագծով առաջարկվում է գործադիրին տալ լիազորություն՝ այդ ուսումնասիրությունների արդյունքների հիման վրա Կառավարության որոշմամբ տարեկան երկու փուլով սահմանելու Սեւանա լճում որսի չափաքանակները: Արա Մկրտչյանը նաեւ նշել է, որ մյուս որսատեսակների չափաքանակը սահմանվում է նախարարի հրամանով:
Հանձնաժողովը դրական եզրակացություն է տվել առաջին ընթերցմամբ քննարկված օրենքի նախագծին: Առաջարկվել է հարցն ընդգրկել ԱԺ հերթական նիստերի օրակարգի նախագծում:
Հանձնաժողովը երկրորդ ընթերցմամբ քննարկել եւ դրական եզրակացություն է տվել ««Բուսասանիտարիայի մասին» օրենքում փոփոխություններ եւ լրացումներ կատարելու մասին» եւ կից օրենքներում լրացումներ եւ փոփոխություններ նախատեսող օրենսդրական փաթեթին:
ՀՀ էկոնոմիկայի նախարար Գեւորգ Պապոյանը տեղեկացրել է, որ օրենսդրական փաթեթը սպասված է ինչպես գործարար միջավայրի, այնպես էլ գյուղատնտեսների համար: Այն կնպաստի լավորակ բուժանյութերի ներմուծմանը:
18:43 06.11.2024
Գլխավոր դատախազը Հաագայում հանդիպել է Եվրաջասթի նախագահի հետ
15:28 06.11.2024
Ճանապարհատրանսպորտային պատահարները նվազել են 9,8 տոկոսով
20:24 06.11.2024
Reuters. Հարիսը ելույթ կունենա՝ ընդունելով պարտությունըՍպասվում է, որ ԱՄՆ նախագահի դեմոկրատ թեկնածու Քամալա Հարիսը նոյեմբերի 6-ին ելույթ կունենա՝ ընդունելով ընտրություններում իր պարտությունը: Այս մասին հայտնում է Reuters-ը՝ հղում անելով աղբյուրներին։ Գործակալությունը հավելյալ տեղեկություն չի հաղորդում։ ԱՄՆ-ի ընտրությունների քվեարկությունն ավարտվել է նոյեմբերի 6-ի առավոտյան։ Պաշտոնական արդյունքները դեռ չեն ամփոփվել, սակայն, ամերիկյան ԶԼՄ-ների կանխատեսումների համաձայն, Թրամփն արդեն հավաքել է ավելի քան 270 […] ...
20:16 06.11.2024
Իսրայելի ռազմաօդային ուժերը հարվածներ են հասցրել Բեյրութի միջազգային օդանավակայանի մատույցներինԻսրայելի ռազմաօդային ուժերի կործանիչները գրոհել են Լիբանանի մայրաքաղաքի հարավային շրջանները, որոնք գտնվում են Ռաֆիկ Հարիրիի միջազգային օդանավակայանի մոտ։ Այս մասին հայտնել է Al Jadeed հեռուստաալիքը։ Ըստ հեռուստաալիքի, չնայած իսրայելական ինքնաթիռների ինտենսիվ ավիահարվածներին, Բեյրութի օդանավակայանը շարունակում է գործել։ ...
20:08 06.11.2024
Հանդիպումներ տարբեր համայնքների բնակիչների հետ՝ տեղում ծանոթանալու նրանց հուզող խնդիրներինԱԺ «Քաղաքացիական պայմանագիր» խմբակցության պատգամավորներ, ԱԺ մարդու իրավունքների պաշտպանության եւ հանրային հարցերի մշտական հանձնաժողովի անդամներ Արթուր Հովհաննիսյանը, Մարինա Ղազարյանը եւ Տիգրան Պարսիլյանը նոյեմբերի 4-5-ը եղել են Սյունիքի մարզի Գորիս եւ Կապան քաղաքներում, սահմանամերձ Ճակատեն, Ներքին Հանդ եւ Ծավ համայնքներում, հանդիպել մի խումբ բնակիչների հետ։ «Ամենակարեւոր թեման, որի վերաբերյալ առհասարակ Հայաստանի քաղաքացիների հետ պետք է զրուցենք […] ...
19:54 06.11.2024
«Մանչեսթեր Սիթին» 11 միլիոն ֆունտ կվճարի բռնաբարության մեջ մեղադրվող ֆուտբոլիստին«Մանչեսթեր Սիթիի» նախկին խաղացող Բենջամին Մենդին, որն այժմ հանդես է գալիս ֆրանսիական Լիգա-2-ը ներկայացնող «Լորիեն» ակումբում, շահել է դատը իր նախկին ակումբի դեմ։ Այս մասին հայտնում է Daily Mail-ը, փոխանցում է armsport.am-ը: Մենդիի պահանջը կազմում էր մոտ 11 միլիոն ֆունտ: Դատարանի՝ Մենդիի օգտին կայացրած վճիռը նշանակում է, որ նա իրավունք կունենա ստանալ այդ գումարի մեծ […] ...
19:43 06.11.2024
Հանրային քննարկման է ներկայացվել Մշակույթի ռազմավարության փոփոխության նախագիծըՀանրային քննարկման է ներկայացվել Հայաստանի Հանրապետության մշակույթի պահպանության, զարգացման և հանրահռչակման 2023-2027 թվականների ռազմավարությունում փոփոխություն կատարելու մասին նախագիծը: Այս մասին հայտնում են ԿԳՄՍ նախարարությունից: Այն հաստատվել է 2023 թվականի նոյեմբերի 9-ին՝ ՀՀ կառավարության N 1951-Լ որոշմամբ: Ռազմավարության գործողությունների իրականացման ընթացիկ մոնիթորինգը ցույց է տվել, որ որոշ ցուցանիշների սահմանումները հստակեցման կարիք ունեն, ինչպես նաև անհրաժեշտություն կա […] ...
