Սուբվենցիոն ծրագրերի շրջանակներում Վայք համայնքում իրականացվել են մի շարք ծրագրեր

ՀՀ համայնքների տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերի շրջանակներում ՀՀ Վայոց ձորի մարզի Վայք համայնքում իրականացվել են մի շարք ծրագրեր, որոնք ընդգրկել են մի քանի ուղղություններ՝ ճանապարհների ասֆալտապատում և բարեկարգում, մանկապարտեզի հիմնանորոգում, գյուղական բնակավայրերում ոռոգման ջրի համակարգերի արդիականացում և այլն։

Վայք համայքի Զառիթափ մանկապարտեզ ՀՈԱԿ-ի առաջին մասնաշենքի հիմնանորոգում

Ծրագրի ընդհանուր արժեքը 63 866 200 դրամ է , համայքի մասնաբաժինը կազմում է 19 159 860 դրամ կամ 30 % , պետական աջակցությունը կազմում է 44 706 340 կամ 70 %։

Աշխատանքները գրեթե ավարտված են։ Ծրագրի արդյունքում Վայք համայքի Զառիթափ մանկապարտեզ
ՀՈԱԿ-ի առաջին մասնաշենքում ևս Զառիթափի և հարակից բնակավայրերի երեխաները հնարավորություն կունենան հարմարավետ պայմաններում ստանալ նախադպրոցական կրթություն։

Վայք բնակավայրի Շահումյան և Իսրայել Օրի փողոցների ասֆալտապատում

Ծրագրի ընդհանուր արժեքը 433 777 640 դրամ է , համայքի մասնաբաժինը կազմում է 238 577 702 դրամ կամ 55 %, պետական աջակցությունը կազմում է 195 199 938 դրամ կամ 45 %։

Ծրագրի արդյունքում Վայք բնակավայրի երկու կենտրոնական փողոցներ /1825մետր և 150/ մետր ասֆալտապատվել են, բարեկարգվել են մայթերը, իսկ Շահումյան փողոցի մայթերին տնկվել են նաև ծառեր։

«Հերհեր բնակավայրի 1-ին փողոցի ասֆալտապատման աշխատանքներ» ենթածրագիր

Ենթածրագրի արժեքը 32 865 000 մլն ՀՀ դրամ, որից համայնքի մասնաբաժինը կազմում է 18 076 000 մլն ՀՀ դրամ կամ 55%, իսկ պետության մասանբաժինը՝ 14 789 000 ՀՀ դրամ կամ 45 %:

Արդյունքում կա 480 մ բարեկարգ և հարմարավետ ճանապարհ։

«Վայք համայնքի Զառիթափ բնակավայրի «Շարաֆ սուլթան» և «Մեշտեղ բանի» կոչվող հանդամասերում և Գոմք բնակավայրի ոռոգման ցանցերի կառուցման աշխատանքներ» ծրագիր

Ծրագրի արժեքն է 118 211 500 ՀՀ դրամ, որից համայնքի մասնաբաժինը կազմում է 41 374 025 ՀՀ դրամ կամ 35%, իսկ իսկ պետության մասնաբաժինը՝ 76 837 475 ՀՀ դրամ կամ 65 %։

Ծրագրի իրականացման արդյունքում հիմնանորոգվել են ոռոգման ցանցեր, որի շնորհիվ 100 հա անջրդի վարելահող և տնամերձ հողատարածք դարձել է ոռոգելի։

«Վայք համայնքի Մարտիրոս, Սերս և Բարձրունի բնակավայրերի ոռոգման ջրի ջրագծերի, գլխամասային կառույցների արտաքին ցանցերի հիմնանորոգման աշխատանքներ» ծրագիր

Ծրագրի ընդհանուր արժեքն է 73 485 400 ՀՀ դրամ, որից համայնքի մասնաբաժինը կազմում է ՝ 22 045 620 ՀՀ դրամ կամ 30 %, իսկ պետության մասնաբաժինը՝ 51 439 780 ՀՀ դրամ կամ 70 %։

Ծրագրի իրականացումը նպաստել է, որ 20 հա տնամերձ հողատարածք, 50 հա վարելահող և 60 հա խոտհարք դառնան ոռոգելի, բարելավվեն ոռոգման ջրի որակը և մատակարարումը։

2024 թվականին Վայք համայնքում հաստատվել է 1 ծրագիր՝ «Սերս, Բարձրունի, Խնձորուտ և Նոր Ազնաբերդ բնակավայրերի փողոցների ասֆալտապատում»։

Ծրագրի ընդհանուր գումարը կազմում է 178 223 620 ՀՀ դրամ՝ համայք- պետություն 50% -50% համաֆինանսավորմամբ։

Շինարարական աշխատանքների կատարման մրցույթը հայտարարվել է: