12:28 04.11.2024
Հոկտեմբեր ամսվա աշխատանքային պլանի համաձայն՝ ՆԳՆ ՓԾ Երևան քաղաքի փրկարարական վարչությունն անց է կացրել հատուկ-տակտիկական, շտաբային ուսումնավարժություններ, օբյեկտային վարժանքներ, սեմինարներ և դասախոսություններ՝ ուղղված արտակարգ իրավիճակներում գործելու հմտությունների զարգացմանն ու մասնակիցների գիտելիքների ձևավորմանը:
Կարևորելով երկրաշարժի դեպքում բնակչության պատրաստվածությունն ու իրազեկվածությունը՝ «Անձնակազմի և սաների պաշտպանության կազմակերպումն ուժեղ երկրաշարժի դեպքում», «Երկրաշարժի ժամանակ բնակչության վարվելակերպի կանոնները» և «Բնակչության տարհանման կազմակերպումը» թեմաներով հատուկ տակտիկական ուսումնավարժություններ են անցկացվել համապատասխանաբար թիվ 153 դպրոցում, թիվ 103, 96 մանկապարտեզներում և թիվ 130 դպրոցում, 47 մանկապարտեզում: Նշված թեմաներով դասախոսություններ են անցկացվել թիվ 92, 112, 113, 162, 179, 190 և 191 դպրոցներում: Թիվ 6 դպրոցում ևս անցկացվել է հատուկ տակտիկական ուսումնավարժություն՝ «Անձնակազմի և սաների պաշտպանության միջոցառումների կազմակերպումը հրդեհի ժամանակ» թեմայով:
Թիվ 79 և թիվ 157 դպրոցներում կազմակերպվել և անց են կացվել «Անձնակազմի և աշակերտների պաշտպանության միջոցառումների կազմակերպումը հակառակորդի օդային հարձակման դեպքում» թեմաներով հատուկ տակտիկական ուսումնավարժություններ: Նույն թեմայով օբյեկտային վարժանքներ են իրականացվել «Ստանդարտացման և չափագիտության ազգային մարմին» ՓԲԸ-ում, «Վերարտադրողական առողջության հանրապետական ինստիտուտ»-ում, «Մուրացան» հիվանդանոցային համալիրում, թիվ 14 դպրոցում և շտաբային ուսումնավարժություն՝ «Նորք-Մարաշ» վարչական շրջանի աշխատակազմում։ «Սեբաստիա ԱԿ»-ում ևս անցկացվել է օբյեկտային վարժանք «Անձնակազմի և այցելուների պաշտպանության կազմակերպումն ուժեղ երկրաշարժի դեպքում» թեմայով:
Հրդեհաշիջման աշխատանքների իրականացման ժամանակ արձագանքող ուժերի միջև փոխհամագործակցության կատարելագործման, գործնական հմտությունների, հրամանատարական կազմի մարտավարական մտածելակերպի զարգացման նպատակով «Մետրոնոմ» առևտրի կենտրոնում անցկացվել են «Հրդեհաշիջման աշխատանքների կազմակերպումը և իրականացումը» թեմայով հատուկ տակտիկական ուսումնավարժություն:
Երևանի քաղաքապետարանում անց է կացվել «ՔՊ ծառայությունների շտաբի պետերի հետ հրամանատարական պատրաստության պարապմունք՝ «ՔՊ կազմավորումների ստեղծման, նախապատրաստման և գործունեության կարգը» և «ՔՊ միջոցառումների իրականացումը հակառակորդի կողմից հարձակման սպառնալիքի դեպքում և հարձակումից հետո» թեմաներով:
Միջոցառումներին ակտիվ մասնակցություն է ունեցել ընդհանուր առմամբ 6248 մասնակից:
Փրկարար ծառայության կողմից իրականացվող նմանօրինակ միջոցառումները կրում են շարունակական բնույթ՝ նպատակ ունենալով մասնակիցներին տրամադրել անհրաժեշտ գիտելիքներ, զարգացնել արտակարգ իրավիճակներում արագ և արդյունավետ գործելու հմտությունները և ապահովել առավել բարձր պատրաստվածություն՝ հնարավոր վտանգներին արձագանքելու համար։
23:12 04.11.2024
Թբիլիսիում հանրահավաքն ավարտվել է առանց միջադեպերի
22:32 04.11.2024
ԱՄՆ-ում վաղաժամ քվեարկել է մոտ 76 միլիոն մարդ
00:00 05.11.2024
ԵՄ դիվանագիտության ղեկավարը շփոթել է Հարավային Կորեան ու ՃապոնիանԵվրոպական միության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը Սեուլում իր ասիական շրջագայության ժամանակ շփոթել է Ճապոնիան և Հարավային Կորեան։ «Ես այստեղ եմ որպես եվրոպացի՝ հայտարարելու ԵՄ-ի և Ճապոնիայի միջև պաշտպանական և անվտանգության գործընկերության մասին»,-ասել է Բորելը Հարավային Կորեայի կառավարության պաշտոնյաների հետ հանդիպման ժամանակ: Այն բանից հետո, երբ եվրոպական պատվիրակության անդամներից մեկը դիտողություն է […] ...
23:52 04.11.2024
Հյուսիսային Կորեան հողաթմբեր է կառուցել դեպի Հարավային Կորեա տանող ավերված ճանապարհների վրաՀյուսիսային Կորեան 11 մետր բարձրությամբ հողաթմբեր է կառուցել Կենգի և Դոնհե ճանապարհների նախկինում պայթեցված հատվածների տեղում, որոնք կապում են երկիրը Հարավային Կորեայի հետ, հաղորդել են հարավկորեական լրատվամիջոցները: Հարավկորեացի զինվորականների տվյալներով՝ այդ նպատակներով մոտ 300-400 աշխատող է ներգրավված եղել։ Միևնույն ժամանակ, հյուսիսկորեացիները կառուցել են նաև հակատանկային բետոնե խրամատներ՝ թմբերի հարավային կողմում, իսկ բլրակների վրա ծառեր են […] ...
23:44 04.11.2024
Տիգրան Բալայանը սպառնալիքներ է ստացել ԵՄ-ում Ադրբեջանի դեսպանիցԵՄ-ում ՀՀ ներկայացուցչության ղեկավար, Բելգիայում Հայաստանի արտակարգ և լիազոր դեսպան Տիգրան Բալայանը հայտարարել է, որ սպառնալիքներ է ստացել ԵՄ-ում Ադրբեջանի դեսպան Վագիֆ Սադիկովից, գրում է Politico-ն, փոխանցում է radar.am-ը։ «Այս դեպքից հետո Հայաստանի դեսպանությունը պաշտոնական բողոք է ներկայացրել Բրյուսելում դիվանագիտական այլ ներկայացուցչություններին, երբ իր դեսպանը պնդել է, որ ադրբեջանցի գործընկերոջ կողմից սպառնալիքներ է ստացել»,- գրում […] ...
23:36 04.11.2024
Բեռլինը Իսրայելին կոչ է արել ընդլայնել մարդասիրական օգնության հասանելիությունըԳերմանիան Իսրայելին կոչ է անում ավելի շատ մարդասիրական օգնություն տրամադրել Գազայի հյուսիս, քանի որ մատակարարումների պակասը հանգեցրել է «հուսահատ» և «անտանելի» իրավիճակի, հայտարարել է Գերմանիայի արտաքին գործերի նախարարության ներկայացուցիչը՝ Բեռլինում կայացած հերթական մամուլի ասուլիսի ժամանակ։ «Մենք Իսրայելի կառավարությանը կոչ ենք անում անհապաղ կատարել միջազգային իրավունքով ստանձնած պարտավորությունները»,-ասել է նա։ Ավելի վաղ ՄԱԿ-ի Պարենի համաշխարհային ծրագիրը […] ...
23:28 04.11.2024
Ո՞ւմ են ձայն տալու ամերիկահայերը Սենատի ու Ներկայացուցիչների պալատի ընտրություններումՎաղը Միացյալ Նահանգներում կկայանան համազգային ընտրությունները: Ամերիկացիները ընտրելու են նախագահին ու օրենսդիր մարմնի երկու պալատների անդամներին: Հարցումները ի՞նչ կանխատեսումների հիմք են տալիս: Թեմային՝ «Հորիզոնի» տաղավարում անդրադարձել է Արտյոմ Երկանյանը. «NBC հեռուստաալիքն այսօր հրապարակեց վերջին հարցումը, դրանից հետո այլևս հարցում չի հրապարակվելու: Շանսերը բառացիորեն հավասար են. երկու թեկնածուների օգտին էլ պատրաստ են ձայն տալ հարցվածների 49 […] ...
23:20 04.11.2024
Ադրբեջանի ռազմածովային նավերը ժամանել են Իրանի տարածքային ջրերԱդրբեջանի Հանրապետության ռազմածովային ուժերի G129 և A640 նավերը ժամանել են Իրանի տարածքային ջրեր և խարսխվել Իրանի Իսլամական Հանրապետության բանակին պատկանող Իմամ Ռեզայի անվան չորրորդ ռազմածովային շրջանի նավահանգստում։ Նրանք կմասնակցեն Կասպից ծովում փրկարարական աշխատանքների և անվտանգության ապահովման համատեղ զորավարժություններին, հայտնում է Mehr լրատվական գործակալությունը։ ««Համագործակցություն հանուն խաղաղության և բարեկամության» կարգախոսի ներքո անցկացվող զորավարժություններին մասնակցում են Իրանի […] ...
