13:52 30.10.2024
ԱԺ պետական-իրավական հարցերի ու ֆինանսավարկային եւ բյուջետային հարցերի մշտական հանձնաժողովների` հոկտեմբերի 30-ի համատեղ նիստում Վլադիմիր Վարդանյանի եւ Ծովինար Վարդանյանի նախագահությամբ շարունակվել են գալիք տարվա գլխավոր ֆինանսական փաստաթղթի վերաբերյալ քննարկումները:
«ՀՀ 2025 թվականի պետական բյուջեի նախագծով Ազգային ժողովի աշխատակազմին իր ծախսային ծրագրի իրականացման մասով հատկացվել է մոտ 7,1 մլրդ դրամ»,- ներկայացնելով 2025 թվականի բյուջեի նախագծով օրենսդիր մարմնի համար նախատեսված ֆինանսական հատկացումներն ու իրականացվելիք միջոցառումները` նշել է ՀՀ ԱԺ աշխատակազմի ղեկավար-գլխավոր քարտուղար Դավիթ Առաքելյանը:
«ՀՀ Ազգային ժողովի գործունեության ապահովում, օրենսդրական, վերլուծական եւ ներկայացուցչական ծառայություններե միջոցառման համար նախատեսված է 6 մլրդ դրամ, աշխատակազմի պետական ծառայողների վերապատրաստման համար` 1,3 մլն դրամ: Ազգային ժողովի դերի բարձրացմանն ուղղված միջոցառումների իրականացման գծով նախատեսվում է հատկացնել 151,3 մլն դրամ»,- ընդգծել է Դավիթ Առաքելյանը եւ հավելել, որ այդ միջոցառման մասով նախորդ տարվա բյուջեի համեմատ գումարի ավելացումը պայմանավորված է Ազգային ժողովի համար ՄԱԿ-ի կողմից իրականացվող «Նոր Հայաստան` ժամանակակից խորհրդարան» երկրորդ ծրագրի համաֆինանսավորմամբ:
Զեկուցողի խոսքով միջազգային խորհրդարանական կազմակերպություններին ՀՀ անդամակցության վճարների գծով կհատկացվի 114,5 մլն դրամ: Այս համատեքստում ԱԺ աշխատակազմի ղեկավար-գլխավոր քարտուղարը տեղեկացրել է, որ այժմ Հայաստանի Հանրապետության Ազգային ժողովն ԱՍԵԱՆ միջխորհրդարանական վեհաժողովում պաշտոնապես ունի դիտորդի կարգավիճակ: «ԱՍԵԱՆ վեհաժողովի անդամակցության վճարը կազմում է 7,5 հազար եվրո, որը չի ներառվել մեր կողմից ներկայացված բյուջետային հայտում` փաստաթղթերի ներկայացման ժամկետներով պայմանավորված»,- հայտնել է Դավիթ Առաքելյանը:
«Աջակցություն կուսակցություններին եւ կուսակցությունների դաշինքներինե միջոցառման համար նախատեսվում է հատկացնել 520,7 մլն դրամ: Ազգային ժողովի տեխնիկական հագեցվածության բարելավմանը կուղղվի 257,6 մլն դրամ: Նախատեսվում է վերազինել ԱԺ հերթական նիստերի ուղիղ եթերն ապահովող տեսախցիկները:
Անդրադառնալով 2025 թվականին իրականացվելիք աշխատանքներին` ԱԺ աշխատակազմի ղեկավար-գլխավոր քարտուղարը նշել է, որ հաջորդ տարվա ընթացքում նախատեսվում է իրականացնել 97.4 մլն դրամի ընթացիկ նորոգման աշխատանքներ:
Խոսելով միջազգային կառույցների հետ համագործակցությունից` զեկուցողը նշել է, որ գործընկեր կազմակերպությունների հետ փոխգործակցությունը կլինի շարունակական:
Ֆինանսավարկային եւ բյուջետային հարցերի մշտական հանձնաժողովի նախագահ Ծովինար Վարդանյանը կարեւորել է Ազգային ժողովում իրականացվող բարեփոխումները պատգամավորների եւ աշխատակազմի համար ժամանակակից աշխատանքային միջավայր ապահովելու տեսանկյունից:
19:09 30.10.2024
Եվրահանձնաժողովը հրաժարվել է Վրաստանի հետ ԵՄ-ին անդամակցելու շուրջ բանակցություններ սկսելուցԵվրահանձնաժողովը հրաժարվել է Վրաստանի հետ ԵՄ անդամակցության շուրջ բանակցություններ սկսելու հանձնարարականից՝ պահանջելով փոխել Թբիլիսիի քաղաքական կուրսը։ Այս մասին ասվում է ԵՄ-ի ճանապարհին թեկնածու երկրների ընդլայնման և առաջընթացի վերաբերյալ Եվրահանձնաժողովի տարեկան զեկույցում, որը հրապարակվել է Բրյուսելում, փոխանցում է ՏԱՍՍ-ը: «Եթե Վրաստանը չփոխի իր կուրսը, որը խաթարում է նրա ուղին դեպի ԵՄ, և տեսանելի ջանքեր չցուցաբերի արձագանքելու […] ...
19:01 30.10.2024
Տավուշում անցկացվել է «Երկրաշարժի դեպքում որոնողափրկարարական աշխատանքների կազմակերպում և իրականացում» թեմայով դաշտային վարժանքՀոկտեմբերի 23-ից 25-ը Տավուշի մարզի Իջևան համայնքի Գետահովիտ բնակավայրի մերձակայքում անցկացվել է ՄԱԿ-ի միջազգային որոնողափրկարարական խորհրդատվական խմբի (ԻՆՍԱՐԱԳ) չափանիշներին համապատասխան «Երկրաշարժի դեպքում որոնողափրկարարական աշխատանքների կազմակերպում և իրականացում» թեմայով 32-ժամյա դաշտային վարժանք: Վարժանքին մասնակցում էին Տավուշի մարզային փրկարարական վարչության Իջևանի, Դիլիջանի և Նոյեմբերյանի հրշեջ-փրկարարական ջոկատների ազգային որակավորում ունեցող 45 փրկարարներից և 2 բուժաշխատողներից բաղկացած Տավուշի քաղաքային […] ...
18:53 30.10.2024
Քննարկվել են 2025 թվականին Հայաստանում անցկացվելիք մարզական միջոցառումների կազմակերպմանը վերաբերող հարցերՀՀ կրթության, գիտության, մշակույթի և սպորտի նախարար Ժաննա Անդրեասյանի գլխավորությամբ այսօր տեղի է ունեցել 2025 թվականին ՀՀ-ում նախատեսված մարզական խոշոր միջազգային մրցաշարերի կազմակերպման և անցկացման հանձնաժողովի առաջին նիստը: Հանձնաժողովում ընդգրկված են ներկայացուցիչներ մի շարք պետական կառույցներից, այդ թվում՝ Առողջապահության, Ներքին գործերի նախարարություններից, Հայաստանի բասկետբոլի, վոլեյբոլի, հոկեյի և կարատեի ֆեդերացիաներից, հեռարձակող ընկերություններից, ինչպես նաև մարզական կառույցների […] ...
18:45 30.10.2024
Քննարկվել են բարձր տեխնոլոգիական արդյունաբերության ոլորտի զարգացմանն ուղղված պետբյուջեի նախագծով նախատեսված հատկացումները2025 թվականի ՀՀ պետական բյուջեի նախագծով Բարձր տեխնոլոգիական արդյունաբերության նախարարության կողմից համակարգվող ոլորտների զարգացման համար նախատեսվում է հատկացնել 47, 5 մլրդ դրամ` իրականացնելու 5 բյուջետային ծրագիր եւ 20 միջոցառում: Այս մասին ասել է ՀՀ բարձր տեխնոլոգիական արդյունաբերության նախարար Մխիթար Հայրապետյանը: ՀՀ ԱԺ տնտեսական ու ֆինանսավարկային եւ բյուջետային հարցերի մշտական հանձնաժողովների` հոկտեմբերի 30-ի համատեղ նիստում շարունակվել […] ...
18:37 30.10.2024
Հանձնաժողովը դրական եզրակացություն է տվել է ԱԺ պատգամավորներ Արմեն Խաչատրյանի և Անդրանիկ Քոչարյանի օրենսդրական նախաձեռնությանըՀՀ ԱԺ պաշտպանության եւ անվտանգության հարցերի մշտական հանձնաժողովի՝ հոկտեմբերի 30-ի արտահերթ նիստում քննարկվել է ԱԺ «Քաղաքացիական պայմանագիր» խմբակցության պատգամավորներ Արմեն Խաչատրյանի եւ Անդրանիկ Քոչարյանի օրենսդրական նախաձեռնությունը, որով հեղինակներն առաջարկում են լրացում կատարել «Զինվորական ծառայության եւ զինծառայողի կարգավիճակի մասին» եւ «Պետական կենսաթոշակների մասին» օրենքներում: Արմեն Խաչատրյանը նշել է, որ առաջարկվում է նշանակված զինվորական կենսաթոշակը չդադարելու իրավունք […] ...
18:31 30.10.2024
Հայ շախմատիստների հաղթական մեկնարկը Բրազիլիայում․ ԱԱԲրազիլիայի Ֆլորիանոպոլիս քաղաքում մեկնարկել է շախմատի աշխարհի մինչև 14 և 18 տարեկան պատանիների և աղջիկների առաջնությունը: Հայաստանից առաջնությանը մասնակցում են Արսեն Դավթյանը (Մ-18), Ալեքս Սահակյանը (Մ-18), Գոռ Ասկանազյանը (Մ-14) և Սոնա Կրկյաշարյանը (Մ-14): Առաջին խաղափուլում Հայաստանի չորս ներկայացուցիչներն էլ հաղթանակներ են տարել։ ...
